کلیسیا کی حکومت (پالیسی) کے بارے میں بائبل کیا فرماتی ہے؟


سوال: کلیسیا کی حکومت (پالیسی) کے بارے میں بائبل کیا فرماتی ہے؟

جواب:
خُداوند اپنے کلام میں واضح طور پر سکھاتاہے کہ وہ زمین پر اپنی کلیسیا کو منظم کرنے اور اُسکو ترتیب دینے کے بارے میں کیا چاہتا ہے۔ پہلی بات، مسیح کلیسیا کا سر اور اُسکا اعلیٰ اختیار ہے (افسیوں22:1؛ 15:4؛ کُلسیوں18:1)۔ دوسری بات، مقامی کلیسیا حکومت کے حق کے ساتھ افراد یا تنظیموں کی مذہبی حکومت کی مداخلت سے آزاد ، خود مختار، کسی بھی بیرونی اختیار یا کنڑول سے مُستثنیٰ ہے (طِطُس5:1)۔ تیسری بات، کلیسیا روحانی قیادت کی طرف سے کنڑول ہونی چاہیے جس میں دو اہم منصب ایلڈرز، اور ڈیکن شامل ہیں۔

"ایلڈرز" بمعنی بزرگ موسیٰ کے دور سے ہی اسرائیلیوں میں اہم جمعیت تھے۔ ہم اُنہیں سیاسی فیصلے کرتے (2سموئیل3:5؛ 2سموئیل15,4:17)، بعد کی تاریخ میں بادشاہوں کو مشورہ دیتے (1سلاطین7:20)، اور روحانی معاملات کے متعلق لوگوں کی رہمنائی کرتے دیکھتے ہیں (خروج17:7؛ 9,1:24؛ گنتی25-24,16:11)۔ نئے عہد نامہ کا ابتدائی یونانی ترجمہ "سیپٹواجنٹ" ایلڈر کے لئے لفظ Presbuteros استعمال کرتا ہے۔ یہ وہی یونانی لفظ ہے جسے نئے عہد نامہ میں استعمال کیا جاتا ہے جس کا ترجمہ بزرگ کیا گیا ہے۔

نیا عہد نامہ کئی بزرگوں (ایلڈروں) کا حوالہ دیتا ہے جنہوں نے کلیسیا کی قیادت میں اہم کردار ادا کیا (اعمال23:14؛ 2:15؛ 17:20؛ طِطُس5:1؛ یعقوب14:5) اور ظاہر ہے ہر چرچ میں ایک سے زیادہ ایلڈرز موجود تھےجیسا کہ لفظ صیغہ جمع میں ملتا ہے۔ صرف مستثنیٰ ایسے معاملات کا حوالہ دیتا ہے جن میں ایک ایلڈر کا کچھ وجوہات کی بنا پر الگ انتخاب کیا جا رہا ہے (1تھِمُتھیُس19,1:5)۔ یروشلیم کی کلیسیا میں ایلڈرز رسولوں کے ساتھ قیادت کا حصہ تھے (اعمال4:16-2:15)۔

ایسا لگتا ہے کہ ایلڈر کی حثییت Episkopos کے برابر تھی جس کا ترجمہ "نگہبان" یا "بشپ" کیا گیا ہے (اعمال30:11؛ 1تھِمُتھِیُس17:5)۔ اصطلاح "ایلڈر" منصب کی عظمت کاحوالہ دیتا ہے، جبکہ اصطلاح بشپ/نگہبان اُس کے اختیار اور ذمہ داری کو بیان کرتا ہے (1پطرس4-1:5, 25:2)۔ فِلپیوں1:1میں پولُس بشپ اورڈیکنوں کو سلام کرتا ہے لیکن ایلڈرز کا ذکر نہیں کرتا، شاید اِس وجہ سے کہ ایلڈرز بشپ جیسے ہی تھے۔ اِسی طرح 1تھِمُتھیُس 8,2:3بشپوں اور ڈیکنوں کی اہلیت بیان کرتی ہے لیکن بزرگوں کی نہیں۔ طِطُس7-5:1 سے لگتا ہے کہ اِن دو اصطلاحات کو بھی ملانے کی ضرورت ہے۔

Diakonosبمعنی" گندگی میں سے" ڈیکن کی حثییت کلیسیا کے لئے رہنما قیادت میں سے ایک تھی۔ ڈیکن ایلڈرز سے الگ ہیں، جبکہ خوبیان ہر طرح سے ایک جیسی ہیں (1تھِمُتھیُس13-8:3)۔ اعمال6باب کے ریکارڈ کے مطابق چرچ میں درکار ہر خدمت میں ڈیکن مدد کرتا تھا۔

لفظ poimen کے متعلق جس کا ترجمہ چرچ کے انسانی رہنما "پاسٹر" کے طور پر کیا جاتا ہے، نئے عہد نامہ میں صرف ایک ہی جگہ افسیوں 11:4میں ذکر ملتا ہے۔ "اور اُسی نے بعض کو رسول اور بعض کو بنی اور بعض کو مُبشر اور بعض کو چرواہا (پاسڑ) اور اُستاد بنا کر دے دیا"۔ بہت سے ساتھی دو اصطلاحات "چرواہا" اور "اُستاد" ایک ہی منصب" پاسڑ ٹیچر "کے طور پر پیش کرتے ہیں۔ یہ ممکن ہے کہ ایک پاسڑ اُستاد ایک مخصوص مقامی کلیسیا کا روحانی چرواہا بھی ہو۔

مندرجہ بالا حوالہ جات سے ایسا لگے گا جیسے ایلڈرز ہمیشہ سے بہت زیادہ رہے ہیں، لیکن یہ خُدا کی نعمت خاص طور پر ایلڈرز کے ساتھ تعلیم دینے کی نعمت کی نفی نہیں کرتی، جبکہ دوسروں کو انتظام سنبھالنے، دُعا وغیرہ کی نعمت فراہم کرتی ہے(رومیوں 8-3:12؛ افسیوں11:4)۔ نہ ہی کسی خدمت کے لئے خُدا کی اُن کے لئے بُلاہٹ کی نفی کرتی ہے جس میں وہ اُن نعمتوں کا استعمال کریں گے (اعمال1:3)۔ اِس طرح، ایک ایلڈر پاسڑ کے طور پر اُبھر سکتا ہے اور ممبروں کا دورا کر سکتا ہے کیونکہ اُسے ترس کھانے کی نعمت ملی ہے، جبکہ کوئی اور تنظیمی تفصیلات سنبھالنے کے مفہوم میں "حکمرانی" کر سکتا ہے۔ بہت سے چرچ جو پاسڑ اور ڈیکن بورڈ کے ساتھ منظم کئے جاتے ہیں اور ایلڈروں کی کثرت کی سرگرمیوں کا مظاہرہ کر تے ہیں تاکہ وہ خدمت کا بوجھ بانٹ سکیں اور کچھ فیصلے کرنے میں مل کر کام کریں۔ بائبل میں فیصلوں میں بھی بہت زیادہ اجتماعی اِن پُٹ تھا۔ اِس طرح ایک آمر (ڈِکٹیٹر) رہنما جو فیصلے کرتا ہے (چاہے بُلایا گیا ایلڈر، یا بشپ، یا پاسڑ)ہو وہ بائبل کے منافی ہے (اعمال30,22:15; 5,3:6; 26,23:1؛ 2کرنتھیوں19:8)۔ ایک حکمران چرچ بھی ایلڈروں، یا کلیسیا کے رہمناؤں کے اِن پُٹ پر بوجھ نہیں ڈالتا۔

خلاصہ میں، بائبل ایک قیادت کے بارے میں سکھاتی ہے جس میں ڈیکنوں کے گروہ کے ساتھ ایلڈروں کی کثرت (بشپ/نگہبان) شامل ہے جو چرچ میں خدمت کرتے ہیں۔ لیکن ایلڈروںمیں سے کسی کو پاسڑ کی خدمت سونپ دینا ایلڈروں کی کثرت کے برعکس نہیں ہے۔ خُدا کچھ کو پاسڑ/اُستاد (یہاں تک کہ اعمال13میں کچھ کو مشنری خدمت کے لئے بُلایا گیا) کی خدمت کے لئے بُلاتا ہے اور نعمت کے طور پر اُن کو کلیسیا فراہم کرتا ہے (افسیوں11:4)۔ اِس طرح، ہو سکتا ہے ایک کلیسیا میں بہت سے ایلڈرز ہوں، لیکن تمام ایلڈرز پاسڑ کی خدمت کے لئے نہیں بُلائے گئے۔ تاہم ایلڈروں میں سے ایک کے طور پر، پاسڑ یا تعلیم دینے والا ایلڈر کے پاس کسی بھی دوسرے ایلڈر سے زیادہ اختیار نہیں ہوتا۔

English
اردو ہوم پیج میں واپسی
کلیسیا کی حکومت (پالیسی) کے بارے میں بائبل کیا فرماتی ہے؟