کیا آج مسیحی بدروحیں نکال سکتے ہیں؟


سوال: کیا آج مسیحی بدروحیں نکال سکتے ہیں؟

جواب:
اناجیل اور رسولوں کی کتاب میں بہت سے لوگوں نے بدروحیں نکالی۔ یسوع کے شاگردوں نے مسیح کی ہدایت پر بدروحیں نکالی (متی 10) دوسروں نے یسوع کا نام استعمال کیا (مرقس 38;9)، فریسیوں کے بیٹے (لوقا 19-18:11) پولُس(اعمال 16) اور بعض بدروحیں نکالنے والے (اعمال 16-11:19)۔

ایسا ظاہر ہوتا ہے کہ بدروحوں کو نکالنے کے لئے یسوع کے شاگردوں کا مقصد بدروحوں پر یسوع مسیح کے اختیار کو ظاہر کرنا (لوقا 17:10) اور تصدیق کرنا ہے کہ شاگرد اُس کے اختیار اور نام سے بدروحوں کو نکالتے ہیں۔ اِس سے اُن کا ایمان یا کم اعتقادی بھی ظاہر ہوتی تھی (متی 21-14:17)۔ یہ واضح تھا کہ بدروحیں نکالنے کا عمل شاگردوں کی خدمت کے لئے بہت اہمیت کا حامل تھا۔ تاہم یہ واضح نہیں ہے کہ شاگردیت کے عمل میں بدروحیں نکالنے کا کون سا حصہ کردار ادا کرتا تھا۔

دلچسپی سے ایسا لگتا ہے کہ شیطانی جنگ و جدل کے متعلق نئے عہد نامہ کے بعد کے حصہ میں تبدیلی آئی ہے۔ نئے عہد نامہ کے تعلیمی حصے (رومیوں سے یہوداہ) ابلیسی سرگرمیوں کا حوالہ دیتے ہیں، لیکن اُنکو نکالنے کے عمل کے بارے میں بات نہیں کرتے، نہ ہی ایمانداروں کو تاکید کی گئی ہے کہ وہ ایسا کریں۔ ہمیں بتایا جاتا ہے کہ ہم اُن کے خلاف خُدا کے سب ہتھیار باندھ لیں (افسیوں 18-10:6)۔ ہمیں ابلیس کا مقابلہ کرنے (یعقوب 7:4)، اُس سے ہوشیار رہنے (1پطرس 8:5)، اور اُس کو موقع نہ دینے کو کہا گیا ہے (افسیوں 27:4)۔ تاہم ہمیں یہ نہیں بتایا گیا کہ اُسے اور اُس کی بدروحوں کو دوسروں سے کیسے نکالنا ہے، یا ہمیں ایسا کرنے پر غور کرنا چاہیے۔

افسیوں کی کتاب واضح ہدایات دیتی ہے کہ ہمیں ابلیس کی قوتوں کے خلاف جنگ میں اپنی زندگی میں کیسے فتح حاصل کرنی ہے۔ سب سے پہلا قدم یسوع پر ایمان لانا ہے (9-8:2)، جس سے "ہوا کے عملداری کے حاکم" کا اقتدار ٹوٹ جاتا ہے (2:2)۔ پھر ہمیں خُدا کے فضل سے بے دینی کی عادات کو اُتار کر دینداری کی عادات کو پہننا ہے (24-17:4)۔ اِس میں بدروحوں کو نکالنا شامل نہیں، بلکہ اپنی عقل کو روحانی حالت میں نیا بنانا شامل ہے (23:4)۔ کئی عملی ہدایات کے بعد کہ خُدا کے فرزندوں کے طور پر اُس کے طابع کیسے رہنا ہے، ہماری یاد دہانی کی جاتی ہے کہ ہم روحانی جنگ میں ہیں۔ یہ بعض ہتھیاروں کے ساتھ لڑی جاتی ہے جس سے ہم ابلیسی طاقتوں کے خلاف کھڑے ہوتے ہیں نہ کہ اُسے نکالتے ہیں (10:6)۔ ہم سچائی، راستبازی، خوشخبری، ایمان، نجات، خُدا کے کلام اور دُعا کے ساتھ مقابلہ کرتے ہیں (18-10:6)۔

ایسا لگتا ہے جیسے خُدا کا کلام پورا ہو گیا، مسیحیوں کے پاس ابتدائی مسیحیوں کے مقابلہ میں زیادہ ہتھیار تھے جس کے ساتھ وہ روحانی عالم میں جنگ لڑ سکتے ہیں۔ خُدا کےکلام میں بدروحیں نکالنے کی جگہ انجیل کی خوشخبری پھیلانے اور شاگرد بنانے کے عمل نے لے لی ہے۔ چونکہ نئے عہد نامہ میں روحانی جنگ کے طریقوں میں بدروحیں نکالنا شامل نہیں ہے لہذہ ہدایات کا تعین کرنا مشکل ہے کہ ایسا کام کیسے کر سکتے ہیں۔ اگر ضروری ہو تو ہم خُدا کے کلام اور یسوع مسیح کےنام کے وسیلہ سے کر سکتےہیں۔

English
اردو ہوم پیج میں واپسی
کیا آج مسیحی بدروحیں نکال سکتے ہیں؟