بجسمانی مسیحی کا کیا مطلب ہے؟



سوال: بجسمانی مسیحی کا کیا مطلب ہے؟

جواب:
حقیقی مسیحی جسمانی ہو سکتا ہے؟ اِس سوال کے جواب میں، آئیے پہلے اصطلاح "جسمانی" کی وضاحت کرتے ہیں۔ لفظ "جسمانی" کے لئے انگلش لفظ "کارنل" استعمال ہوا ہے جو کہ یونانی لفظ "سارکی کاس" کا ترجمہ ہے۔ یونانی لفظ کے معنی "جسمانی" کے ہیں۔ یہ توصیفی لفظ 1 کرنتھیوں 3:1-3 میں مسیحی سیاق و سباق میں دیکھا جاتا ہے۔ اِس حوالہ میں، پولُس رسول پڑھنے والوں کے ساتھ "بھائیوں" کے طور پر مخاطب ہو رہا ہے،یہ ایک ایسی اصطلاح جِسے وہ خاص طور پر دوسرے مسیحیوں کو پیش کرنے کے لئے استعمال کرتا ہے۔ پھر وہ اپنے بیان کو جاری رکھتے ہوئے اُن کو"جسمانی" کہتا ہے۔ اِس لئے ہم اِس نتیجہ پر پہنچتے ہیں کہ مسیحی جسمانی ہو سکتے ہیں۔ بائبل واضح طور پر بیان کرتی ہے کہ کوئی بے گناہ نہیں ہے (1یوحنا 1: 8)۔

ہر دفعہ جب ہم گناہ کرتے ہیں، ہم جسمانی کام کر تے ہیں۔

سمجھنے کے لئے کُلیدی بات یہ ہے کہ اگرچہ کوئی مسیحی کچھ وقت کے لئے جسمانی ہو سکتا ہے،لیکن ایک حقیقی مسیحی عمر بھر کے لئے جسمانی نہیں رہ سکتا۔ بعض لوگ "جسمانی مسیحی" نظریہ کو یہ کہتے ہوئے ردّ کرتے ہیں کہ ممکن ہے کہ لوگ ایمان لانے کے لئے مسیح کے پاس آئیں، لیکن باقی زندگی نئے سرے سے پیدا ہونے، یا نیا مخلوق بننے کا ثبوت دیئے بغیر مکمل طور پر جسمانی انداز سے گزار دیں (2کرنتھیوں 5:17)۔ ایسا نظریہ بالکل غیر بائبلی ہے۔ یعقوب دوسرا باب واضح طور پر بیان کرتا ہے کہ حقیقی ایمان کا نتیجہ ہمیشہ اچھے اعمال ہوں گے۔ افسیوں 2:8-10 بیان کرتی ہے کہ اگرچہ ہمیں صرف ایمان کے وسیلہ سے فضل ہی سے نجات ملی ہے، لیکن اِس نجات کا نتیجہ اچھے اعمال ہوں گے۔ کیا ایک مسیحی ناکامی یا بغاوت کے وقت جسمانی ہوتا ہے؟جی ہاں۔ کیا حقیقی مسیحی ہمیشہ جسمانی رہتا ہے؟ نہیں۔

چونکہ بائبل ابدی تحفظ کی حقیقت پیش کرتی ہے، اِس لئے جسمانی مسیحی بھی نجات یافتہ ہوتا ہے۔ نجات کھوئی نہیں جا سکتی، کیونکہ نجات خُدا کی نعمت ہے جِسے وہ واپس نہیں لے گا (یوحنا 10:28؛ رومیوں 8:38-39؛ 1یوحنا 5:13)۔ یہاں تک کہ 1 کرنتھیوں 3:15 میں جسمانی مسیحیوں کی نجات کی بھی یقین دہانی کی گئی ہے، "اور جِسکا کام جل جائیگا وہ نقصان اُٹھائیگا لیکن خود بچ جائیگا مگر جلتے جلتے"۔ سوال یہ نہیں کہ آیا ایک شخص نے اپنی نجات کھو دی جو مسیحی ہونے کا اعلان کرتا ہے لیکن جسمانی زندگی گزارتا ہے، بلکہ یہ ہے کہ آیا اُس شخص کو پہلے حقیقی نجات مل چُکی تھی یا نہیں (1یوحنا 2:19)۔

مسیحی جو اپنے رویہ میں جسمانی بنتے ہیں توقع کر سکتے ہیں کہ خُدا اُن کو محبت سے تنبیہ کرے گا (عبرانیوں 12:5-11) لہذہ، وہ اُس کی رفاقت میں بحال ہو سکتے ہیں اور اُس کی فرمانبرداری کے لئے اُن کی تربیت ہو سکتی ہے۔ ہمیں نجات دینے میں خُدا کی خواہش یہ ہے کہ ہم روحانیت میں بڑھتے ہوئے، اور جسمانیت میں کم ہوتے ہوئے، اور پاک ہونے کےعمل میں مسلسل مسیح کی شکل پر ڈھلتے جائیں (رومیوں 12:1-2)۔ جب تک ہم اپنے گناہ آلودہ جسم سے آزاد نہیں ہو جاتے، جسمانی طرزِ زندگی کا ہنگامہ جاری رہے گا۔ لیکن مسیح میں ایک حقیقی ایماندار کے لئے یہ ہنگامہ قانون نہیں ہو گا بلکہ صرف ایک اِستثنا ہو گا۔

English



اردو ہوم پیج میں واپسی



بجسمانی مسیحی کا کیا مطلب ہے؟