بائبل کے مطابق جُدائی کیا ہے؟



سوال: بائبل کے مطابق جُدائی کیا ہے؟

جواب:
بائبل کے مطابق جُدائی اِس بات کی شناخت ہے کہ خُدا نے ایمانداروں کو دُنیا سے باہر اور گنہگار تہذیبوں کے درمیان ذاتی اور متحدہ پاکیزگی میں بُلایا ہے۔ بائبل کے مطابق جُدائی عام طور پر انفرادی اور کلیسیائی دو شعبوں میں سمجھی جاتی ہے۔

انفرادی جُدائی میں کردار کے دیندار معیار کے ساتھ انفرادی وابستگی شامل ہے۔ دانی ایل نبی نے جب "اپنے آپ کو شاہی خوراک اور مَے کی ناپاکی سے جُدا کیا" تو اُس نے انفرادی جُدائی کا مظاہرہ کیا (دانی ایل8:1)۔ اُس کی جُدائی بائبل کے مطابق جُدائی تھی کیونکہ اُس کا معیار مُوسوی شریعت میں خُدا کے مکاشفہ پر مبنی تھا۔

انفرادی جُدائی کی جدید مثال مختلف پارٹیوں کی دعوت کو مسترد کرنا ہے جہاں شراب نوشی کی جاتی ہے ۔ ایسا فیصلہ آزمائش کو ناکام بنانے (رومیوں14:13)، اور "ہر قسم کی بُرائی" (1تھسلُنیکیوں22:5) سے بچنے ، یا صرف ذاتی اعتقاد کے ساتھ با اصول ہونے کے لئے کیا جا سکتا ہے (رومیوں5:14)۔

بائبل واضح طور پر سکھاتی ہے کہ خُدا کے فرزند کو دُنیا سے جُدا رہنا ہے "بے ایمانوں کے ساتھ ناہموار جُوئے میں نہ جُتو کیونکہ راست بازی اور بے دینی میں کیا میل جول؟ یا روشنی اور تاریکی میں کیا شراکت؟ مسیح کو بلیعال کے ساتھ کیا مُوافقت؟ یا ایماندار کا بے ایمان سے کیا واسطہ؟ اور خُدا کے مَقدِس کو بُتوں سے کیا مُناسبت ہے؟ کیونکہ ہم زندہ خُدا کا مَقدِس ہیں۔ چانچہ خُدا نے فرمایا ہے کہ میں اُن میں بسوں گا اور اُن میں چلوں پھرُوں گا اور میں اُن کا خُدا ہوں گا اور وہ میری اُمت ہوں گے۔ اِس واسطے خُداوند فرماتا ہے کہ اُن میں سے نکل کر الگ رہو اور ناپاک چیز کو نہ چھُوؤ تو میں تم کو قبول کر لُوں گا" (2کرنتھیوں17-14:6؛ 1پطرس16-14:1بھی دیکھیں)۔

کلیسیائی جُدائی میں علمِ الٰہیات یا چال چلن کی بنیاد پر دیگر تنظیموں کے ساتھ تعلقات کے بارے میں کلیسیا کے فیصلے شامل ہیں۔ جُدا ہونے کا مفہوم لفظ "کلیسیا" میں پایا جاتا ہےجو کہ یونانی لفظ "اکلیزیا" سے ماخوذ ہے جِس کے معنی "بُلائے گئے لوگ" کے ہیں۔ پرگمن کلیسیا کے نام پیغام میں ، یسوع نے کلیسیا کو اُن لوگوں کو برداشت کرنے سے خبردار کیا جو جھوٹے نظریات کی تعلیم سکھا رہے تھے (مکاشفہ15-14:2)۔ کلیسیا کو بدعات سے تعلق توڑ کر اُن سے جُدا ہونا تھا۔ کلیسیائی جُدائی کی جدید مثال عالمگیر اتحاد کے خلاف کسی فرقے کا نقطہِ نظر ہو سکتا ہے جو مُرتکبوں کے ساتھ کلیسیا کو متحد کرے گا۔

بائبل کے مطابق جُدائی مسیحیوں سے مطالبہ نہیں کرتی کہ وہ غیر ایمانداروں سے بالکل واسطہ نہ رکھیں۔ مسیح یسوع کی طرح ہمیں بھی گنگاروں کے گناہ میں شامل ہوئے بغیر اُن کو دوست بنانا ہے (لوقا34:7)۔ پولُس رسول جُدائی کے نظریے میں توازن بیان کرتا ہے۔ "میں نے اپنے خط میں تم کو یہ لکھا تھا کہ حرام کاروں سے صُحبت نہ رکھنا۔ یہ تو نہیں کہ بالکُل دُنیا کے حرام کاروں یا لالچیوں یا ظالموں یا بُت پرستوں سے ملنا ہی نہیں کیونکہ اِس صورت میں تو تم کو دُنیا سے ہی نکل جانا پڑتا" (1کرنتھیوں10-9)۔ دوسرے الفاظ میں، ہم دُنیا میں رہتے تو ہیں لیکن ہم دُنیا کے نہیں ہیں۔

ہم دُنیا سے اپنی روشنی کم کروائے بغیر دُنیا کا نُور ہیں۔ ہم دُنیا کو اجازت نہ دیں کہ وہ ہماری روشنی کم کریں۔ "تم دُنیا کے نور ہو۔ جو شہر پہاڑ پر بسا ہے وہ چھپ نہیں سکتا۔ اور چراغ جلا کر پیمانہ کے نیچے نہیں بلکہ چراغ دان پر رکھتے ہیں تو اُس سے گھر کے سب لوگوں کو روشنی پہنچتی ہے۔ اِسی طرح تمہاری روشنی آدمیوں کے سامنے چمکے تاکہ وہ تمہارے نیک کاموں کو دیکھ کر تمہارے باپ کی جو آسمان پر ہے تمجید کریں" (متی16-14:5)۔

English



اردو ہوم پیج میں واپسی



بائبل کے مطابق جُدائی کیا ہے؟