بائبل اِس بارے میں کیا فرماتی ہے کہ ہمیں کونسے کھانے کھانے (کوشر) چاہیے؟ کیا ایسے کھانے ہیں جن سے مسیحیوں کو پرہیز کرنا چاہیے؟



سوال: بائبل اِس بارے میں کیا فرماتی ہے کہ ہمیں کونسے کھانے کھانے (کوشر) چاہیے؟ کیا ایسے کھانے ہیں جن سے مسیحیوں کو پرہیز کرنا چاہیے؟

جواب:
احبار باب 11 نظامِ غذا کی پابندیوں کی فہرست پیش کرتا ہے جو خُدا نے بنی اسرائیل کو دی۔ نظامِ غذا کے قوانین میں سُوَر کے گوشت ، گھونگھے(شیل فِش)، بہت سے کیڑوں، حرام خور پرندوں، اور متعدد دیگر جانوروں کو کھانے کی ممانعت شامل تھی۔ نظامِ غذا کے قوانین کا مقصد اسرائیلیوں کے علاوہ کسی دوسرے پر لاگو ہونا کبھی نہ تھا۔ نظام غذا کے قوانین کا مقصد اسرئیلیوں کو تمام دوسری قوموں سے الگ کرنا تھا۔ اِس مقصد کی تکمیل کے بعد، یسوع نے تمام کھانوں کو پاک ٹھہرا دیا (مرقس باب 7 آیت 19)۔ خُدا نے پطرس رسول کو ایک رویا دی جس میں اُس نے اعلان کیا کہ سابقہ ناپاک جانوروں کو کھایا جا سکتا ہے: "پھر دوسری بار اُسے آواز آئی کہ جن کو خُدا نے پاک ٹھہرایا ہے تُو اُنہیں حرام نہ کہہ" (اعمال باب 10 آیت 15)۔ جب یسوع نے صلیب پر اپنی جان دی، تو اُس نے پرانے عہد نامہ کی شریعت کو پورا کر دیا (رومیوں باب 10 آیت 4؛ گلتیوں باب 3 آیات 24 تا 26؛ افسیوں باب 2 آیت 15)۔ اِس میں پاک اور ناپاک کھانوں کے قوانین بھی شامل ہیں۔

رومیوں باب 14 آیات 1تا 23 ہمیں سکھاتی ہے کہ اِس حقیقت کو قبول کرنے کے لئے ہر شخص ایمان میں اتنا پختہ نہیں ہوتا کہ تمام کھانے پاک ہیں۔ نتیجہ کے طور پر، اگر ہم کسی ایسے شخص کے ساتھ ہیں جو ہمارے "ناپاک" کھانے سے ناخوش ہو سکتا ہے ، تو ہمیں کھانا کھانے کے حق سے دستبردار ہو جانا چاہیے، تاکہ دُوسرے شخص کو بُرا نہ لگے۔ ہم ہر وہ چیز کھانے کا حق رکھتے ہیں جو ہم چاہتے ہیں، لیکن ہم دوسروں کو ناراض کرنے کا حق نہیں رکھتے، چاہے وہ غلط ہی ہوں۔ آج ہم مسیحی ہر چیز کھانے کی آزادی رکھتے ہیں، جب تک کہ ہم کسی کے ایمان کے لئے ٹھوکر کا سبب نہیں بنتے۔

اِس نئے فضل کےعہد میں، بائبل کو اِس بات کے مقابلے میں کہ ہم کیا کھاتےہیں، اِس بات کی زیادہ تشویش ہے کہ ہم کتنا کھاتے ہیں۔ جسمانی بھوک ہمیں کنڑول کرنے کی صلاحیت رکھتی ہے۔ اگر ہم اپنے کھانے کی عادت کو کنڑول کرنے کے قابل نہیں ہیں، تو ہم غالباً دوسری ذہنی عادات(شہوت، لالچ،غلط نفرت/غصہ) کو کنڑول کرنے کے بھی قابل نہیں ہیں، اور اپنے منہ کو بکواس اور جھگڑے سے باز رکھنے کے قابل نہیں ہیں۔ ہم اپنی بھوک کو اجازت نہیں دے سکتے کہ وہ ہمیں کنٹرول کرے، بلکہ ہم نے اپنی بھوک کو کنٹرول کرنا ہے (استثناء باب 21 آیت 20؛ امثال باب 23 آیت 2؛ دوسرا پطرس پہلا باب آیات 5 تا 7؛ دوسرا تھِمُتھِیُس باب 3 آیات 1 تا 9؛ دوسرا کرنتھیوں باب 10 آیت 5)۔

English



اردو ہوم پیج میں واپسی



بائبل اِس بارے میں کیا فرماتی ہے کہ ہمیں کونسے کھانے کھانے (کوشر) چاہیے؟ کیا ایسے کھانے ہیں جن سے مسیحیوں کو پرہیز کرنا چاہیے؟