لاشوں کو جلانے کے بارے میں بائبل کیا فرماتی ہے؟ کیا مسیحی لاشوں کو جلانا چاہیے؟


سوال: لاشوں کو جلانے کے بارے میں بائبل کیا فرماتی ہے؟ کیا مسیحی لاشوں کو جلانا چاہیے؟

جواب:
بائبل واضح طور پر لاشوں کو جلانے کے بارے میں تعلیم نہیں دیتی۔ عہدِ عتیق میں لوگوں کو زندہ جلا کر کے مارنے (1سلاطین 16:18؛ 2سلاطین 21:6) اور انسانی ہڈیوں کو جلانے کے واقعات موجود ہیں (2سلاطین 23:16-20)، لیکن یہ واقعات لاشوں کو جلانے کی مثالیں نہیں ہیں۔ اِس بات پر غور کرنا دلچسپی سے خالی نہیں ہے کہ 2سلاطین 23:16-20 میں مذبح پر انسانی ہڈیاں جلا کر مذبح کو ناپاک کیا گیا ۔ دوسری جانب عہدِ عتیق میں کہیں کوئی حکم نہیں ملتا جہاں مُردہ شخص کو نہ جلانے کا حکم دیا گیا ہو، نہ ہی جلائے جانے والے شخص کو کسی لعنت یا عدالت سے منسلک کیا گیا ہے۔

بائبل کے دور میں لاشوں کو جلایا جاتا تھا، لیکن اسرائیلیوں اور نئے عہد نامہ کے مقدسین نے اِس پر عمل نہیں کیا۔ بائبل کے دور کی تہذیبوں میں لاشوں کو قبر، غار، یا زمین کے اندر دفن کرنا عام تھا (پیدائش 23:19؛ 35:19؛ 2تواریخ 16:14؛ متی 27: 60-66)۔ اگرچہ لاشوں کو دفن کرنا عام رواج تھا، لیکن بائبل کہیں بھی حکم نہیں دیتی کہ لاش کو دفن کرنا ہی واحد جائز طریقہ کار ہے۔

کیا مسیحی لاشوں کو جلا سکتے ہیں؟ جیسا کہ پہلے بھی کہہ چُکے ہیں کہ لاشوں کو جلانے کے بارے میں بائبل میں کوئی واضح حکم موجود نہیں ہے۔ بہت سے ایماندار اِس بنیاد پر لاشوں کو جلانے پر اعتراض کرتے ہیں کہ اِس سے یہ ظاہر نہیں ہوتا کہ ایک دن خُدا ہمارے جسموں کو زندہ کرے گا اور اُسے ہمارے روحوں کے ساتھ یکجا کرے گا (1کرنتھیوں 15:35-58؛ 1تھِسلُنیکیوں4:16)۔ تاہم، یہ بھی حقیقت ہے کہ جلائی گئی لاش کو زندہ کرنا خُدا کے لئے مشکل نہیں ہے۔ ہزاروں سال پہلے مرے مسیحی ایمانداروں کے جسم اب تک مکمل طور پر خاک بن گئے ہیں۔ اِس کا ہرگز مطلب نہیں کہ خُدا کو اِن جسموں کو زندہ کرنا مشکل ہو جائے گا۔ اگر وہ اُنہیں پہلے پہل تخلیق کر سکتا ہے تو اُس کے لئے اُنہیں از سر نو تخلیق کرنا مشکل نہیں ہو گا۔ مُردوں کو جلانا لاشوں کو "جلدی" سے راکھ میں تبدیل کرنے کے عمل کے علاوہ کچھ نہیں ہے۔ خُدا دفن کئے گئے مُردوں اور جلائے گئے مردوں دونوں کو زندہ کرسکتا ہے۔ لاش کو دفن کرنے یا جلانے کا سوال مسیحی آزادی کے دائرہ میں آتاہے۔ اِس مسلے پر غور کرنے والے کسی شخص یا خاندان کو حکمت کے لئے خُدا سے دُعا کرنی چاہیے (یعقوب 1:5) اور نتیجے میں جیسے اُس کو قائلیت ملتی ہے اُس کی پیروی کرنی چاہیے۔



English
اردو ہوم پیج میں واپسی
لاشوں کو جلانے کے بارے میں بائبل کیا فرماتی ہے؟ کیا مسیحی لاشوں کو جلانا چاہیے؟