خُداوند کا فرشتہ کون ہے؟


سوال: خُداوند کا فرشتہ کون ہے؟

جواب:
خُداوند کے فرشتے کی باقاعدہ شناخت بائبل مقدس میں نہیں دی گئی۔ تاہم، اُس کی شناخت کے بہت سے اہم اشارے موجود ہیں۔بائبل مقدس کے انگلش ترجمہ میں "اینجل آف دا لاڈ"، "این اینجل آف دا لاڈ" اور "دا اینجل آف دا لاڈ" کے بارے میں پُرانے اور نئے عہد نامہ میں بہت سے حوالہ جات موجود ہیں۔ ایسا لگتا ہے جب ڈیفینیٹ آرٹیکل "دا" استعمال ہوتا ہے، خداوند کا فرشتہ باقی فرشتوں سے الگ کوئی منفرد شخصیت کے طور پر پیش کیا جاتا ہے۔ دا اینجل آف دا لاڈ (خُداوند کا فرشتہ) خُدا کے طور پر بات کرتا ہے، اور اپنا تعارف خُدا کے طور پر کرتا ، اور خُدا کی ذمہ داریوں کو پورا کرتا ہے (پیدائش 12-7:16؛ 18-17:21؛ 18-11:22؛ خروج 2:3؛ قضاۃ 4-1:2؛ 23:5؛ 24-11:6؛ 22-3:13؛ 2سموئیل 16:24؛ زکریاہ 12:1؛ 1:3؛ 8:12)۔ اِن حوالہ جات میں جن لوگوں نے خُداوند کے فرشتہ کو دیکھاتو اپنی زندگیوں میں خوف کو محسوس کیا کیونکہ اُنہوں نے "خُداوند کو دیکھا"۔ اِس لئے یہ بات واضح طور پر سامنے آتی ہے کہ خُداوند کا فرشہ تھیافنی (خُدا کا ظہور)یعنی جسمانی شکل میں خُدا کا ظہور ہے۔

خُداوند کے فرشتہ کے ظہورات مسیح کے تجسم کے بعد بند ہو گئے۔ نئے عہد نامہ میں فرشتوں کا ذکر بہت جگہ پر ہوا ہے، لیکن خُداوند کے فرشتہ کا ذکر " یسوع مسیح کی پیدائش کے بعد نئے عہد نامہ میں نہیں ملتا۔ متی 2:28 کے بارے میں کچھ اُلجھن ہے جہاں کنگ جیمز بائبل "دا اینجل آف دا لاڈ" کے آسمان پر سے اُترتے اور یسوع کی قبر سے پتھر کو ہٹانے کے بارے میں بتاتی ہے۔ اِس بات پر غور کرنا ضروری ہے کہ اصل یونانی بائبل میں لفظ فرشتہ کے ساتھ آرٹیکل موجود نہیں ہے۔ یہ "دا اینجل" یا "این اینجل" ہو سکتا ہے، لیکن مترجمین کی طرف سے آرٹیکل فراہم ہونا چاہیے۔ کنگ جیمز ورژن کے علاوہ دیگر مترجمین کا کہنا ہے کہ "این اینجل" زیادہ بہتر الفاظ ہیں۔

لہذہ، یہ ممکن ہے کہ خُداوند کےفرشتہ کے ظہورات تجسم سے پہلے یسوع مسیح کے ظہورات ہوں۔ یسوع نے دعویٰ کیا تھا کہ اُسکا وجود "ابرہام سے پہلے" کا ہے (یوحنا 58:8)، لہذہ اُسکا دُنیا میں سرگرم ہونا اور ظاہر ہونا منطقی بات ہے۔ معاملہ کچھ بھی ہو، چاہے خداوند کا فرشتہ تجسم سے پہلے مسیح کا ظہور (کرِسٹافنی) ہو، یا خُدا باپ کا ظہور (تھیافنی) ہو، یہ بات یقینی ہے کہ "خُداوند کے فرشتہ" کی شناخت الٰہی شخص کے طور پر ہوتی ہے۔

English
اردو ہوم پیج میں واپسی
خُداوند کا فرشتہ کون ہے؟