کیا ہمارے لئے عمر کی حد ہے کہ ہم کتنا عرصہ زندہ رہ سکتے ہیں؟


سوال: کیا ہمارے لئے عمر کی حد ہے کہ ہم کتنا عرصہ زندہ رہ سکتے ہیں؟

جواب:
بہت سے لوگ سمجھتے ہیں کہ پیدائش 6:3 انسان کے لئے 120 سال کی عمر کی حد بندی ہے۔ "تب خُداوند نے کہا کہ میری رُوح انسان کے ساتھ ہمیشہ مزاحمت نہ کرتی رہے گی کیونکہ وہ بھی تو بشر ہے تو بھی اُس کی عمر ایک سو بیس برس کی ہو گی"۔ تاہم پیدائش 11 باب میں بہت سے لوگوں کا ذکر ملتا ہے جوطوفان کے بعد 120 سال سے زیادہ عرصہ تک زندہ رہے۔ نتیجہ کے طور پر، بعض لوگوں پیدائش 6:3 کی ایک عام اصول کے طور پر تشریح کرتے ہیں کہ لوگ 120 سال سے زیادہ عرصہ تک زندہ نہیں رہیں گے۔ طوفان کے بعد زندگی ڈرامائی طور پر چھوٹی ہونا شروع ہو گئی (پیدائش 5 کا موازنہ پیدائش 11 سے کریں) اور آخر کار 120سے بھی کم ہو گئ (پیدائش 11:24)۔ اُس وقت سے ، بہت کم لوگ 120 سال کی عمر تک پہنچے ہیں۔

تاہم، سیاق و سباق کر برقرار رکھتے ہوئے ایک اور تشریح یہ ہے کہ پیدائش 6:3 خُدا کا اعلان تھا کہ طوفان اعلان سے 120سال بعد واقع ہو جائے گا۔ انسان کے دن ختم ہونے سے مراد طوفان میں انسان کا تباہ ہونا ہے۔ بعض لوگ اِس تشریح کی مخالفت اِس وجہ سے کرتے ہیں کہ جب خُدا نے نوح کو کشتی بنانے کا حکم دیا تب نوح پیدائش 5:32 کے مطابق 500برس کا تھا اور جب طوفان آیا اُس وقت نوح کی عمر 600 سال تھی (پیدائش 7:6)؛ صرف 100 سال کا وقت دیا گیا نہ کہ 120 سال کا۔ تاہم پیدائش 6:3 کے اعلان کا وقت نہیں دیا گیا۔ اِس کے علاوہ پیدائش 5:32 وہ وقت نہیں تھا جب خُدا نے نوح کو کشتی بنانے کا حکم دیا، بلکہ یہ آیت نوح کی عمر کے بارے میں بتاتی ہے جب اُس سے اُس کے تین بیٹے پیدا ہوئے۔ یہ بالکل ممکن ہے کہ خُدا نے 120 سال بعد طوفان لانے کا اِرادہ کیا ہو اور پھر کچھ سال انتظار کر کے نوح کو کشتی تعمیر کرنے کا حکم دیا ہو۔ معاملہ کچھ بھی ہو، پیدائش 5:32 اور پیدائش 7:6 کے درمیان 100 سال کا عرصہ کسی بھی طرح پیدائش 6:3 میں موجود 120 سال کے عرصہ کی مخالفت نہیں کرتا۔

طوفان سے کئی سو سال بعد موسٰی نے اعلان کیا، "ہماری عمر کی میعاد ستر برس ہے۔ یا قوت ہو تو اَسی برس۔ تو بھی اُن کی رونق محض مشقت اور غم ہے کیونکہ وہ جلد جاتی رہتی ہے اور ہم اُڑ جاتے ہیں" (زبور 90:10)۔ پیدائش 6:3 اور زبور 90:10 دونوں انسان کے بارے میں خُدا کے مقرر کردہ عمر کی حدیں نہیں ہیں۔ پیدائش 6:3 طوفان کے ٹائم ٹیبل کی پیشن گوئی ہے۔ زبور 90:10 صرف ایک عام اصول کے بارے میں بیان کرتی ہے کہ لوگ 70-80 سال جیتے ہیں (جو موجودہ دور میں سچ ثابت ہوتی ہے)۔

English
اردو ہوم پیج میں واپسی
کیا ہمارے لئے عمر کی حد ہے کہ ہم کتنا عرصہ زندہ رہ سکتے ہیں؟