بچوں کو لے پالک بنانے کے بارے میں بائبل کیا فرماتی ہے؟


سوال: بچوں کو لے پالک بنانے کے بارے میں بائبل کیا فرماتی ہے؟

جواب:
لے پالک ہونے کے لئے بچوں کو دینا اُن والدین کے لئے ایک محبت بھری سبیل ہو سکتی ہے، جو شاید مختلف وجوہات کی بنا پر اپنے بچوں کی دیکھ بھال کرنے سے قاصر ہیں۔ یہ بہت سے جوڑوں کے لئے دُعا کا جواب بھی ہو سکتا ہے جو خو د سے اپنے بچے پیدا کرنے کے قابل نہیں ہیں۔ لے پالک بنانا بعض لوگوں کے لئےوالدین کے طور پر اپنے اثر و رسوخ کو بڑھانے کے لئے ایک بُلاہٹ ہےجو اپنے گھرانے کو اُن بچوں کے ساتھ وسیع کرتے ہیں جوحیاتیاتی طور پر اُن کے اپنے نہیں ہیں۔لے پالک بنانے کو پوری بائبل میں پسند کیا گیا ہے۔

خروج کی کتاب ایک عبرانی عورت کی کہانی بتاتی ہےجِس کا نام یوکبد تھا اور جِس نے ایسے وقت میں بیٹا پیدا کیا جب فرعون نے تمام عبرانی شیر خوار لڑکوں کو قتل کرنے کا حکم دیا تھا(خروج پہلا باب آیات 15 تا 22)۔ یوکبد نے ایک واٹر پروفڈ (پانی روک) ٹوکری بنائی، اور بچے کو ٹوکری میں ڈال کر ندی میں بہا دیا۔ فرعون کی بیٹیوں میں سے ایک نے ٹوکری کو دیکھا اور بچے کو بچالیا۔ آخر کار اُس نے بچے کو شاہی گھرانے میں گود لے لیا اور اُسکا نام موسیٰ رکھا۔ وہ خُدا کا وفادار اور بابرکت خادم بن گیا (خروج دوسرا باب پہلی دس آیات)۔

آستر کی کتاب میں آستر نام کی ایک خوبصورت لڑکی جِس کے والدین کی وفات کے بعد اُس کے چچا نے اُسے گود لیا تھا ملکہ بنی، اور خُدا نے اُسے یہودی قوم کی رہائی کے لئے استعمال کیا۔ نئے عہد نامہ میں یسوع مسیح انسان کے تخم کے بجائے روح القدس کی قدرت سے پیدا ہوا (متی پہلا باب آیت 18)۔ اُسے اُس کی ماں مریم کے شوہر یوسف نے " گود لیا"تھا، جِس نے یسوع کی اپنے بیٹے کے طور پر پرورش کی۔

ایک بار جب ہم نجات حاصل کرنے کے لئے صرف یسوع پر ایمان لاتے اور بھروسہ کرتے ہوئے اپنے دِل اُسے سونپ دیتے ہیں، خُدا فرماتا ہے کہ ہم اُسکے گھرانے کا حصہ بن جاتے ہیں، انسانی پیدائش کے فطری عمل کے وسیلہ سے نہیں، بلکہ لے پالک ہونے کے وسیلہ سے۔ "کیونکہ تم کو غلامی کی رُوح نہیں ملی جِس سے پھر ڈر پیدا ہو بلکہ لے پالک ہونے کی رُوح ملی جِس سے ہم ابّا یعنی اے باپ کہہ کر پُکارتے ہیں"(رومیوں باب 8 آیت 15)۔ اِسی طرح کسی شخص کو لے پالک بنانے کے وسیلہ سے خاندان میں لانا انتخاب اور محبت سے باہر ہوتا ہے۔ "اور اُس نے اپنی مرضی کے نیک اِرادہ کے موافق ہمیں اپنے لئے پیشتر سے مقرر کِیا کہ یسوع مسیح کے وسیلہ سے اُس کے لے پالک بیٹے ہوں" (افسیوں پہلا باب آیت 5)۔ جیسا کہ خُدا اُن لوگوں کو اپنے روحانی گھرانے میں لے پالک بناتا ہے جو یسوع کو نجات دہندہ کے طور پر قبول کرتے ہیں، ویسے ہی ہم سب کو دُعا کے ساتھ بچوں کو اپنے جسمانی خاندانوں میں لے پالک بنانے کے لئے غوروفکر کرنا چاہیے۔

واضح طور پر جسمانی اور روحانی دو نوں مفہوم میں لے پالک بنانابائبل کی مفید روشنی میں دکھایا جاتا ہے۔ لے پالک بنانے اور لے پالک بننے والے دونوں زبردست برکت ، اورخُدا کے گھرانے میں لے پالک ہونے کا مثالی حق حاصل کرتے ہیں۔

English
اردو ہوم پیج میں واپسی
بچوں کو لے پالک بنانے کے بارے میں بائبل کیا فرماتی ہے؟