"کیا خُدا / بائبل جنسی تفریق رکھتے ہیں؟



سوال: "کیا خُدا / بائبل جنسی تفریق رکھتے ہیں؟

جواب:
سیکس ازم (جنسیت) ایک صنف ہے، عام طور پرمردعورت پر فوقیت رکھتا ہے۔ بائبل میں خواتین کے بارے میں بہت سے حوالہ جات ہیں، جو ہماری جدید ذہانت کے مطابق عورتوں کے خلاف لگتے ہیں۔ لیکن ہمیں یہ یاد رکھنا ہو گا کہ جب بائبل کسی عمل کے بارے میں بیان کرتی ہے، اِس کا ہرگز مطلب نہیں کہ بائبل اُس عمل کی تصدیق کرتی ہے۔بائبل مردوں کے بارے میں بیان کرتی ہے کہ وہ عورتوں کے ساتھ اپنی ملکیت سے تھوڑا ہی بہتر سلوک کرتے تھے۔ لیکن اِس کا یہ مطلب نہیں کہ خُدا اُن کے اِس عمل کی توثیق کرتا ہے۔ بائبل ہمارے معاشروں کے مقابلے ہماری رُوح کو بہتر بنانے پر زیادہ توجہ دیتی ہے۔ خُدا جانتا ہے کہ ایک تبدیل دل کا نتیجہ تبدیل رویہ ہوتا ہے۔

عہدِ عتیق کے دور میں پُوری دُنیا کی ہر ثقافت اپنی ساخت میں ایسا معاشرہ تھی جس میں قبیلے کا سردار فرمانروا ہوتا ہے۔ تاریخ کی یہ حثییت نہ صرف بائبل میں بلکہ قوانین میں بھی بہت واضح ہے جس سے معاشروں پر حکومت کی جاتی تھی۔ جدید قدر کے نظام اور عالمی سطح کے انسانی نقطہ نظر سے اِسے "جنسی تعصب" کہا جاتا ہے۔ سوسائٹی کا انتظام انسان نہیں خُدا قائم کرتا ہے۔ اور وہ اصولوں کو قائم کرنے کے لیے اصول بناتا ہے۔تاہم، دوسری تمام چیزوں کی طرح، ناکام انسان بھی اِس حکم میں بد عنوان ہو گیا۔ اِس کا نتیجہ پوری تاریخ میں مردوں اور عورتوں کے درمیان عدم مساوات کی صورت میں نکلا۔ تفریق اور اخراج جو ہم اپنی دُنیا میں پاتے ہیں کوئی نئی چیز نہیں ہے۔ یہ انسان کی گراوٹ اور گناہ کی ابتدا کا نتیجہ ہے۔ اِس لیے ہم وثوق سے کہہ سکتے ہیں کہ "سیکس ازم" اصطلاح اور عمل گناہ کا نتیجہ ہیں۔ درحقیقیت بائبل کا بتدریج مکاشفہ سیکس ازم (جنسی تعصب) اور نسل انسانی کے تمام گناہ آلودہ طور طریقوں کے علاج میں ہماری رہنمائی کرتا ہے۔

خُدا کے مقرر کردہ عہدوں میں روحانی توازن تلاش کرنے اور قائم کرنے کے لیے ہمیں بائبل پڑھنے کی اشد ضرورت ہے۔ عہد جدید عہد عتیق کی تکمیل ہے، جس میں ہمیں وہ تمام اصول ملتے ہیں جو ہمیں اقتدار کی درُست لائن اور گناہ کے علاج، تمام انسانیت کی بیماری، بشمول جنس کی بنیاد پر تفریق کے بارے بتاتے ہیں۔

مسیح کی صلیب عظیم طور پرسب کو یکساں کرتی ہے۔ یوحنا ۱۶:۳ بیان کرتی ہے، "جو ایمان لائے" یہ ایک جامع بیان ہے جس میں معاشرے، ذہنی صلاحیت یا جنس کی بنیاد پرکسی کو نہیں چھوڑا گیا۔ ہمیں گلیتوں میں بھی ایک حوالہ ملتا ہے جو نجات کے لیے یکساں موقع کی بات کرتا ہے۔ "کیونکہ تم سب اُس ایمان کے وسیلہ سےجو مسیح یسوع میں ہے خُدا کے فرزند ہو اور تم سب جتنوں نے مسیح میں شامل ہونے کا بپتسمہ لیا مسیح کو پہن لیا۔ نہ کوئی یہودی رہا نہ یُونانی نہ کوئی غلام نہ آزاد نہ کوئی مرد نہ عورت کیونکہ تم سب مسیح یسوع میں ایک ہو"۔ صلیب پر جنسی تفریق نہیں ہے۔

بائبل میں مرد اور عورت کے درمیان گناہ کے نتائج کی توصیف میں کوئی جنسی تفریق نہیں پائی جاتی۔ بائبل میں تمام اقسام کے گناہ ،قید اور غلامی اور اُس کے سب سے بڑے ہیروز کا ریکارڈ موجود ہے۔ لیکن یہ ہمیں خُدا کے خلاف کئے گئے گناہوں کے لیے جواب اور علاج، اور اُس کا قائم کردہ حکم۔خُدا کے ساتھ درُست تعلق بھی فراہم کرتی ہے ۔ عہد عتیق عظیم قربانی کا انتظار کر رہا تھا۔ ہر بار گناہ کے لیے قربانی گزاری جاتی تھی، اور اِس بات کی تعلیم دیتی تھی کہ انسان کو خُدا کے خلاف صُلح کرنے کی ضرورت ہے۔ عہد جدید میں "خُدا کا بّرا جو جہان کا گناہ اُٹھا لے جاتا ہے" (دیکھیں یوحنا۲۹:۱) پیدا ہوا، مر گیا، دفن ہوا، اور مُردوں میں سے جی اُٹھا، آسمان پر اُٹھایا گیا، اور اب وہاں ہماری شفاعت کرتا ہے۔ گناہ بشمول جنسی تفریق کا علاج صرف اُس پر ایمان لانے سے ملتا ہے۔

بائبل مقدس میں جنسی تعصب کے ہونے کا الزام کم علمی کی وجہ سے لگایا جاتا ہے۔ جب تمام ادوار کے مرد اور عورتیں خُدا کے مقرر کردہ مقامات پر رہیں گے اور "یہوواہ خُدا فرماتا ہے" کے مطابق چلیں گے تو پھر مرد عورت کے درمیان حیران کُن توازن قائم ہو جائے گا۔ یہی توازن ہے جس کا خُدا نے آغاز کیا، اور اِسی کے ساتھ اختتام بھی کرے گا۔ گناہ کی پیداوار پر بہت سی توجہ دی جاتی ہے ، اور اِس کی جڑ کو نظر انداز کیا جاتا ہے۔ خُداوند یسوع مسیح کے وسیلہ سے خُدا کے ساتھ ذاتی مفاہمت سے ہی حقیقی مساوات کی تلاش ممکن ہے۔ "سچائی سے واقف ہو جاؤ سچائی تمہیں آزاد کرے گی" (یوحنا۳۲:۸)۔

یہ سمجھنا بہت ضروری ہے کہ بائبل میں مذکور مردوں عورتوں کے مختلف کرداروں کا مطلب جنسی تفریق نہیں ہے۔ بائبل واشگاف الفا ظ میں بیان کرتی ہے کہ خُدا مردوں سے توقع کرتا ہے کہ وہ کلیسیاء کی قیادت کریں۔ کیا اِس سے عورتیں کمتر ہو جاتی ہیں؟ بالکل نہیں۔ کیا اِس کا یہ مطلب ہے کہ عورتیں کم ذہین، کم قابل، یا خُدا کی نظر میں کمتر ہیں؟ بالکل نہیں! اِس کا یہ مطلب ہے کہ ہماری گناہ آلودہ دُنیا میں ساخت اور اختیار ہے۔ خُدا نے اختیارات کی ترتیب ہماری بھلائی کے لیے وضع کی ہے۔ جنسی تعصب اِن منصبوں کے لیے ایک گالی ہے، اور اِس کا تعلق کارِ منصبی کے ساتھ ہرگز نہیں ہے۔



اردو ہوم پیج میں واپسی



"کیا خُدا / بائبل جنسی تفریق رکھتے ہیں؟