Dot Na
Zeisu ka um khin hi... tun bang cih ding ka hi hiam?
Dawn na
Hong lungdam pih ing! Na nuntakna ki khel na ding, na khensat khin hi! “Tun bang cih ding ka hi hiam? Bang ci-in Pasian tawh nuntak na ki pan ding ka hi hiam?” cih dotna na nei ding hi. A nuai a, thu nam nga te in Laisiangtho sung pan lam hong lak ding hi: www.GotQuestions.org/Tedim-Chin.
1. Gupna na tel na ki cian sak in.
Johan masa 5:13 in “Pasian’ Tapa’ min a um note in nuntak tawntungna na ngah na thu uh na theih na ding un, hih thu te kong gen zo hi” ci hi. Pasian in gupna ih tel ding hong deih hi. Pasian in gupna a ngah sa ih hih lam thei in kha muanna ih neih ding hong deih hi. Gupna a deihna a tomkim in en ding hi hang:
(a) Ih vekpi in ih mawh khin hi. Pasian deih lo na te ih sem khin hi (Rom 3:23).
(b) Ih mawh na hang in Pasian tawh tawntung ki gamlat na ih thuak ding hi (Rom 6:23).
(c) Ih mawhna thaman Zeisu in singlamteh tung ah hong puak sak khin zo hi (Rom 5:8; Korin nihna 5:21). Ih thuak ding dan te hong thuak sak a, ei tang in Zeisu hong si hi. A Ma’ thawh kik na in ih mawhna teng khempeuh hong loh sak ding in ki cing hi cih hong lak hi.
(d) Ih mawhna tha man Zeisu hong si hi cih a, a Mah a um mi te khem peuh tung ah gupna leh mawhmaisakna Pasian in pia hi (Johan 3:16; Rom 5:1; 8:1).
Hih in gupna ii thulai gil a hi hi! Zeisu na Gumpa a na san a, na up leh gupna a ngah hi teh! Na mawhna khempeuh hong ki maisak khin a, nang Kong nusia, manggilh kei ding hi ci-in Pasian in kamciam hong pia hi (Rom 8:38-39; Mate 28:20). Zeisu’ sung ah na gup na muanhuai mah mah hi cih phawk in (Johan 10:28-29). Zeisu bek ka Gumpa hi ci a, na san a leh Pasian tawh vantung ah a tawntung na mang ding ci cih kha muan nan a nei ding hi.
2. Laisaingtho thu a hilh Pawlpi zong in.
Pawlpi ih cih ciang in a kilam biakinn gen na hi lo hi. Pawlpi ih cih pen mite hi. Zeisu Khazih nung a zui thu um mi te tawh kipawl khawm a, khatleh khat ki kizop na ah hih pen thupi mah mah hi. Tun nang Zeisu Khazih sang a um khin na hih man in, Laisiangtho bang a, a um, a nungta pawlpi zong in la Pawlpi kem siapa (pastor) tawh ki ho khop ding tha hong pia ung. Zeisu Khazih sung ah na up na thak siapa tung ah gen in.
Pawlpi giimna nihna in Laisiangtho thu hilh ding a hi hi. Pasian’ thu hilh na te na nuntak na sung ah na nuntak pih theih na ding sin thei hi teh. Laisiangtho thu tel na in, a gualzo leh a vanglian Tapidaw (Christian) nuntak na hi. Timoti nihna 3:16-17 in, “Pasain in a ma humop Laisaingtho-a om khempeuh in Pasian’ mi in kicing a, a hoih na a pawl pawl te a sep theih na ding; a kigingkhol mi a suah nading in, thu hilh ding, mawhna lak ding, diktat na ding thu hilh ding, leh thuman thutak hilh na ding in thupha a bawl hi” a ci hi.
A thumna pawlpi’ giimna in, biakpiak na hi. Biakpiakna pen Pasian’ sepsak san a te tung ah lungdam koh na hi! Pasian in hong hon khia khin zo hi. Pasian in ei hong it hi. Pasian in ei a ding hong sep sak hi. Ei bang ci-in lung dam lo in om ding ih hi hiam? Pasian pen a siangtho, a thuman, itna, hehpihna, leh thupha hongpia Pa a hihi. Mangmuhna 4:11 in, “Kote’ Topa, kote’ Pasian aaw, Nang in na khempeuh na piang sak a, Nang ma deh na hang in piang a om uh a hih ciang in, tua mintha’na, pahtawina leh vangliatna te ngah ding in a ki lawm hi” ci-in a phat uh hi.
3. Nisim in Pasian thu lungngaih ding hun tuam koih in.
Nisim in Pasian tu lungngaih ding hun ih piak ding thupi mah mah hi. Hih pen “daitak a hun lakna” zong ki ci thei hi, Pasian tung ah ih kipiak khiat na hun a hih man in,“Kipiak khiatna” zong ki ci thei hi. Pawlkhat te in zingsang hun bawl in, pawlkhat te in nitak hun bawl hi. Nang bang ci sap a, bang hun a bawl cih a thupi hi lo hi. Pasian tawh pongman tak a hun na lakna pen a thupi a hi hi. Bang in Pasian tawh hun hong la khawm sak thei hiam?
(a) Thungetna. Thunget na pen Pasian tawh ki ho lim na a hi hi. Ih ngaihsut na leh ih haksat na te Pasiang tung ah ih gen hi. Pilna leh lamlah na hong piak ding ih gen hi. Pasian na it na leh a Ma’ hong sepsak sa na te hang in, a Mah tung ah lung dam na ko hi. Hih pen thunget na a hi hi.
(b) Laisiangtho simna. Biakinn a Laisiangtho thu hong ki hilh te, Nipi sang (Sunday School) a hong ki hilh te leh Laisiangtho thu sinna (Bible study) hun sung a hong ki hilh te ban ah nang leh nang in na sim ding zong ki sam hi. A gual zo Tapidaw (Christian) nuntak na bang in, na nun tak theih na ding in, na theih ding a kisam te Laisiangtho sung ah om hi. Mipil bang a khensat theihna ding, Pasian’ deih na bang cih theih ding, mite tung ah bang ci in Pasian’ na sem ding, leh kha lam pi cin na ah bang ci khantoh ding cih Pasian lamlahna te Laisiangtho sung ah om hi. Laisiangtho pen ei tung ah hong gen Pasian kammal hi. Laisiangtho in Pasian lung kim na ding leh eitung ah hong lungkim na ding in bangci nung ta ding cih Pasian’ lamlahna thu a hi hi.
4. Khalam ah hong makaih thei ding mitawh ki zopna nei in.
Korin masa 15:33 na ah, “Na ki kheem kei un, ‘Mipha lote tawh ki kholh na hang in gamtatna pha ki sia thei hi” ci hi. Laisiangtho in migilo te nung ih zuih khak loh na ding thu hong hilh na vive hi. Mawhna a bawl mite tawh na ki kholhkhop leh a mau hih bang hong hih sak ding uh hi. Ih kiim ih paam a gamtat n ate in ei hong susia ding hi. Tua a hih man in, Topa a it mite leh a Ma’ na a sem mi te tawh ih ki thuah ding thupi mah mah hi.
Na pawlpi sung pan a hi zong in, nang hong huh thei ding leh tha hong pia thei ding lawm khat a hih kei leh nih muh zawh sawm in (Hebru 2:13; 10:24). Pasian tawh hun nalak khop na, na hih na, Pasian tawh na ki kholh khop na hong pan pih ding in na lawmte hun na gen in. Hih dan ih cih ciang Topa Zeisu Gumpa a, a sang nai lo, a thei nai lo na lawm te nusia ding cih na hi lo hi. A mau tawh ki lawm ta in la, a mau it in. Zeisu in na nun tak na hong khel a hih lam, nidang lai a gamtat na te dan a gamta thei nawn lo na hih lam hoih tak in gen in. Na lawmte tawh Zeisu’ thu gen theih na, na neih theih na ding in Pasian kiang ah thungen in.
5. Tui kiphum in.
Tuikiphum na thu a tel khial mi tampi tak om hi. Kiphum cih kam mal in “tuisung ah kiphumna” cih na hi. Tuikiphum na in Khazih na up na leh a Ma’ nung na zuih na mite muh theih ding a Laisiangtho tawh ki tuak a pulak khiat na hi. Tuisung ah kiphum na in Khazih sung ah kivuina lim lah na hi. Tuisung pan in thawh kik na in Khazih tawh thawh kik na lim lah na hi. Tuikiphum na in Zeisu tawh sikhawm, ki vui khawm, leh tho kik khawm cih na a hi hi (Rom 6:3-4).
Tuikiphum na in nang hong suakta sak hi lo hi (Gupna hong ngah sak hi lo hi). Tuikiphumna in na mawh n ate hong sawp siang hilo hi. Tuikiphum na pen gupna na ngah na ding in Khazih tung bek ah na upna mite tung ah na lah khiat na hi a, thuman na hi. Khazih na upna, a Mah tung ah na ki-ap na mipite tung ah lah khiatna hi a, thuman na khat a hih man in tuikiphum na pen thupi hi. Tuikiphum ding na khen sat khit a leh siapa (pastor) pa tawh na ki ho kul ding hi.
English
Zeisu ka um khin hi... tun bang cih ding ka hi hiam?