Dot Na
Pasian om hiam?
Dawn na
Pasian om na pen mi khem peuh a ding a, a thupi pen leh a thu bulpi pen ngaih sut na khat hi. Muh na tampi lak ah Pasian om hiam? cih dot na ii dawn na ding pen ngaih sut na tang zai leh teci tampi ki sam in, second tawm vei sung bek ngaih sut pak zeau tawh ki ngah lo hi. A tawp na ah ei mi hing te tuah khak thu te, sin theih pilna te (science), ngaihsut na te (logic), leh tangthu te in Pasian om hi cih dawn theih na hong pia hi.
“Pasian om hi cih theih nang in teci na lak thei hiam? cih dot na pen ki gen den thei hi. A thu buaihuai khat ah thuman pen a ki ciat mah mah lai tak ngaihsut na (logic) leh ganan tawh ki sai pil na (mathematics) ki hel lo a teci pen bang mah lo tawh ki bang phial hi. Hih thu hang in, thukhen zum in teci kician ki sam lo hi; tua sang in ah, muan mawh na te bei sak ding in a hi thei pen thu ngaihsut ding a mau zong zaw uh hi.
Kua mah in a nial zawh loh Pasian’ teci pen a piang thei lo thu hi. Teci lah theih na te hi ta leh ei mihing te hi taleh hi dan a lei tung ah na a ki sem hi. Hih thu a thei tel te leh hih thu a sang te ki bang lo hi. Khauh tak a kam nialna te in um lo ding a, a khen sat te a ding thu up huai sak lo zaw sem hi. Bang zah tak a mi tampi a zol zawh hag in khauh tak a, a um lo te a ding a, hih pen in teci lak thei lo hi. Mi khat ii hih nop na lung sim pen teci thu tuam tuam te theih na sang in muibun zaw hi.
Hih a gen nop na in Pasian om hi cih thu kan a ngaih sut na bek hi lo in, up na tawh neih ding ki sam hi cih na hi. A ki cing pil theih na pen mi hing hih theih na sang in thuk zaw hi. Mi langpang te leh thu nial te in ei ii muh na pen hong ki cian sak lo uh hi. Ih tel khat leh ih up khat pen ki bang het lo thei hi. Hih in pen up loh na leh up na hong piang sak thei hi. Tut phah tung ah ih tut na, kah lei tung ah ih kah na, a hih kei leh an ih nek na cih te a neng a tawng a en ki tel zo lo hi. Hih thu te in up na ih cih bang dan hiam cih hong lak hi. Ih theih loh te lo buang, ih theih bang in ih gam tang hi. Hih thu in Laisiangtho up na a hi Pasian om hi cih up na ii a deih na a hi hi. Tel siang sit set na ih neih loh hang in ih theih sa te tung ah ih um a, tua in hong sem khia sak hi (Hebrews 11:6).
Mi khat in Pasian thu kim pih ta leh thu kim pih kei ta leh up na tawh a khen sat hi. Pasian up na ding in pawng up (blind-faith) ki sam lo hi (John 20:29), a hih hang hih in a lauh huai lang pan na te zo zo lo hi (John 5:39-40). Upna a khauh sak te pen mi hing te’ tuah khak thu, ngaihsut na (logic), leh muh theih teci te hi a, hih te khem peuh in Pasian om hiam? cih dot na ii dawn na hong pia hi.
Pasian Om Hiam? – Mihing te’ Tuahkhak Thu (Human Experience)
Pasian om hi cih thu ki kup na ah a thu a la tawh ki sai ki nial na tawh ki pan ham tang hi. Hih in ngaih sut theihna hong pia hi, a hih hang in mi hing in bang ci hih theih cih hi lo hi. Kua mah in ih muh na, ih tel na, ih san na te khem peuh tawh ki pan lo hi, muh na, san na khat a bawl ma in set milim (robot) ngaih sut na dan a zuih ding ngak uh hi. Mi te in kiim le paam a lei tung thu piang te bul phuh in nun tak na ii khiat na gen uh hi. Tua a hih man in, Pasian om hi cih ih et ciang ih tuah khak thu te tawh ki pan thei hi. A tawp a ah, hih muh na tuam tuam te zang in en ngaih sut na ki nei thei hi.
Pasian’ teci te in mi hing te’ ni sim a ih tuah khak thu te ah ki mu thei hi (Romans 1: 19-20; Late 19:1; Thuhilhna 3:11). Hih sung ah ih suah pan a ih gam tat ih lu hek te zong ki hel hi. Hih in leitung ih kiim le paam ii ngeina te hong lak hi. Mi hing nuntak na a hi thuman na, khem na, it na, huat na, hoih na, hoih loh na cih te pen a hi tak pi leh a khiat na om mah mah hi. Tang thu a tel mah mah, a thei mah mah te a tam zaw in muh theih lawn theih na te sang in a piang tak pi te up ding deih zaw uh hi.
Hi hi, Ih tuah khak thu te pen a muan huai teci hi lo hi. Tua sang in, Pasian in a huam pi lah khiat na in zang hong sam hi (Mangmuhna 3:20). A tam zaw ih tuah khak thu te in dawn na (aphi) a thuk zaw ih zon na ding hong gen nuam hi (Mate 7:7-8). Pasian sap na a nial te in bang mah a theih loh man hi ci a pau lap ki pia thei lo hi (Romans 1:18; Late 14:1).
Pasian Om Hiam? Mihing te’ Ngaihsut Na (Human Logic)
Pasian om na ki kup khop na ah a thu pi zaw deuh ngaih sut na te in leitung bang ci a hong piang hiam cih ngaih sut na (cosmological), lei tung a bawl om ding hi cih ngaih sut na (teleological) leh, mi hing hih na ngaih sut na (moral arguments) te hi.
Lei tung bang ci a hong piang hiam cih ngaih sut na in a hang leh a hoih ngah na thupi’t na hong lak khia hi. A hoih ngah na khat sim pen a hang khat pan in hong piang hi a, a hang khat sim pen a mai a, a hang khat ii a hoih ngah na hi. A hih hang in, hih a hang pen nung lam a, a hang ii hang cih dan in ciang tan om lo hi lo hi, a hang pen a pat na pan a om lo zong hi. Ngaih sut na pen a om tawn tung na khat pan in hong piang hi a, a mah thu a hong piang tawm hi lo hi. Hih lei tung zong a om tawn tung hi lo a, a hang om lo a hong piang zong hi lo hi. Pasian pen: bawl tawm hilo, na khem peuh tawh ki teh kak thei lo, ih nun tak na a ki pat cil na a hi hi.
Lei tung a bawl om hi cih up na ngaih sut na in lei tung pian zia te sit tel hi. Ak si lian pen ii a liat zah, ni ii a sat zah, ih DNA, na them vui cih te in na khem peuh giim na tawh a ki geel a hih lam hong lak hi. Hih thupen muan huai mah mah a hih ciang in Pasian om lo hi cih up na khauh a nei te na ngawn in hih ih muh theih na te gen ding uh hak sa sa uh hi.
A neu mah mah na khat a hih kei leh a tha hat sak na te in a mau leh a mau hih tawm, geel tawm thei lo uh hi. A hih hang in, a mau bang lian a hih kei a leh nawng kaai mah mah ding a nun tak na hak sa ding hi. Leitung thu tampi te in gaihsut na tung tawn in nuntak na tak tak a pian theih na ding a hi hi. Sintheih pilna (science) in a hing lo nun tak na pan hong piang a nung ta te hilh cian a hih kei leh zong khia, mu khia a hih loh hang nuntak na nei te ii ki pat na hong lak hi. Kei hi teng ah om ing cih kawm tung a lai ki at a mu te a hi tanglai ngeina thu kan te pen mipil te ii hih dan hi ci in leitung bup pi in ngaih sun, sang uh hi. Tua hun lai tak in, mihing te ii DNA pen a siampen mihing siam na nei (engineer) te ii hih theih na val a ciapteh na ki bawl a hih lam hong lak hi. Ngaihsun teu tau na leng, Pasian pen hilh cian na bang in ngaihsut theih na pil na te a bawl pa hi a, hih teci lah theih na thu thuk te a deih hi.
Ngeina zuih na lam thungaih sun, thu kan te in a hoih leh a hoih lo, gamtat luhek leh a dang tuam tuam te hong thei sak hi. “Bang ci hiam” cih bek hi lo in “bang cih huai hiam” cih thu ki kup na te ciap teh huai mah mah hi. Gamtat lu hek zia ii pai zia pen migilo, gamtat sia, ih kam phat leh nun tak na hoih ngah ding cih dan a ang sung thu a deih te tawh ki zop loh dig a hi hi. A thupi mah mah ngaihsut na a hi, Mihing te in a ki mu thei lo na te tug ah ngaih sun in, gam tat luhek te ki lang hi. Tua bek hi lo in, mi hing te ii gamat luhek a bul pi thu in tangthu teng leh gneina te ah om den ding hi.
Tua ban ah, gamtat luhek ngaihsut na tawh ki sai ki kup khop na in lamka ah hong om sak hi. Gamtat luhek ngaih sutna te pen a thupi pen hi a, a ki khel lo ciap teh na khat tung ah a mau om ding uh hi, tua a hih ciang in bang mah ki man na om lo hi. Mihing te’ tuah khak thu te leh gamtat ngaihsut na pen bang mah ki man na om lo hi ci a ki thu kim pih lo hi. A hang santheih na ding hilh cian na hoih pen pen a hi bang hang in mihing te in gamtat na bang in ngaih sun a, gamtat ngaihsut na te a zatkhiat na pen gamtat ngaihsut theih na hong pia Pa in Pasian hi cih santheih na a hi hi.
Pasian Om Hiam? Mihing te’ Theih Na (Human Science)
A tung a thu ngaihsut na te pen muh khiat na, zon khiat na tung tawn in hong piang thu hi. Big Bang Theory dan a ngaih sut na te in a bawl na khat ii theih pilna (scientific) zat theih lai na a om tawn tung a hi lo khuavannuai (universe) khat hong lak hi. DNA ii a ki bawl dan, a ki lam dan zong tua bang mah hi. A ki nial na thu te in Laisiangtho bawl Pa leh a tawn tung a om khuavannuai (universe) tawh a mah leh a mah nun tak na ki pat khiat na (abiogenesis) te bang mah a, a hi thei lo hilh cian na tawh ki tuak lo te nial ding tha pia hi.
Tang lai van te sin na (Archaeology) in zong Laisiangtho thu kim pih hi. Laisiangtho sung a a om mihing te, a hun te, leh a mun te in pilna tawh ki sai muh khiat na te kip sak kik kik hi. Hih muh khiat na tampi tak te pen Laisiangtho thu te phuahtawm hi ci a a um mi te in a gen khit a sawt lo a hong om hi.
Tangthu leh laigelh tampi te in zong a mau lam pan in Pasian om hi cih thukim uh hi. Laisiangtho bawl pha a kep cing na gentehna khat in: Laisiangtho sung a om a kipat cil a om thu te tawh a ki nai mah mah ih zuih zawh na in a man tak pi Laisiangtho a hih na thukim pih hi. Juda Tapidaw (Christian) te ii uk na sung a om ngeina dan te, gam tat zia te, mihing hih na te, leh tuhun a hong piang sintheih pilna (science) te in zong hih thuman pen khauh tak a thukim mah mah uh hi.
Pasian Om Hiam? Pasian Ei Sung ah (God in Us)
Ni danng in thu tuam khat tek tung tawn in sin theih na pil na lam khat leh laibu tul tampi te ii a thu om hi. A tam zaw a ding a Pasian om a hih na pen a mau tuah khak thu te tung tawn in thuk tak a lak khia thei zel uh hi. Hih thu in mi dang te tung ah na nuam na hong lak khia sak thei ding hi. A hih hang tua in nang hih na hong khel thei lo hi. Tua in lung sim sung pan muh na leh thu man deih na sang sang zaw cih na a hih hih hang in khat vei vei a buai huai mah mah thu man in ih tuah khak thu te khat sim hang in a hoih hong ngah sak hi. Ih nun tak na ki khel na, ih lung sim gaih sut dan ki puah phat na leh ih thu nget te hong ki dawn kik nate in Pasian om a hih na ih san theih na thu te hi.
Thu man ih theih na in Pasian om hi cih ih theih na ding a hong hih sak nam khat hi a, tua in mi khem peuh hih thu a tuah khak ding Pasian’ deih na a hi hi. Pasian pen hih lei tung ah mi hing bang in a mah mah hong tuak suk hi (Korin nih na 4:6), Tua hang in, a mah tawh ei mi mal ki kal ki zop na ki nei thei hi (Johan 14:6). Pasian lung sim tak pi tawh a zong te in a mu ding hi (Mate 7:7-8), Khasiangtho om pih na sung ah om theih na ih ngah hi (Johan 14:26-27).
Tua a hih man in, Pasian om hiam cih dot na pen ciangtan omlo teci tawh ki dawng thei lo hi, a hih hang in teci lah theih na thu te tawh na tawh Pasian om hi cih ki lak thei hi. Pasian om hi cih thu san theih na pen khua mial sung ah a leng mittaw up na (pawng up) hi lo hi. Khua mial sug pan a ki siang tho sak sa inn khan sung ah kal suan ding up na a hi hi.
English
Pasian om hiam?