settings icon
share icon
Dot Na

Zeisu Pasian hiam? Zesu in a mah leh a mah Pasian hi ci in pulak ngei hiam?

Dawn na


Zeisu Pasian hi cih umlo a, a nialte in Zeisu in a mah leh a mah Pasian hi ci ngei lo hi ci uh hi. Hih thu man mah hi, bang hang hiam cih leh Zeisu in “Kei Pasian ka hi” cih kammal a pulak na Laisiantho sung ah ki ciamteh lo hi. A hih hang in, Zeisu in a mah Pasian hi ci a, a pulak vet lo hi lo hi.

Zeisu Pasian hiam? – Zeisu’ Pasian hih na pulak na

Johan 10:30 sung a Zeisu’ kammal genteh na in la leng, “Kei mah in ka Pa tawh pumkhat ka hi uh hi.” Zeisu in Pasian a hih na cih theih na ding in a Ma’ gen thu te Judah mite in bang ci thuk kik hiam cih ih theih ding ki sam hi. A mau te in hih thu hang in: “Nang mihing hi na pi in Pasian bang in na ki bawl a” (Johan 10:33) suang tawh den ding in ki thawi uh hi. Zeisu in Pasian hi cih a pulak sa mah bang in Judah mite in tel thei uh hi. Zeisu in “Kei mah in ka Pa tawh pum khat ka hi uh hi” a cih ciang in, a mah leh Pa Pasian ii dan leh thulaigil a kibang a cih nop na a hi hi. A dang genteh na pen Johan 8:58 hi. Zeisu in “Ke’n a mantak pi kong cih in ah, Abraham’ pian’ ma-in kei ka om hi.” Pasian in a mah leh a mah “KEIMAH” a cih ciang in, hih in Paikhiatna 3:14 a gek kik na a hi hi. Hih thu a za Judah mite in Moses thukham bang in suang tawh den ding in a ki thawi uh hi (Siampilaibu 24:16).

Zeisu Pasian hiam? – A nungzuite in a mah Pasian hi cih a pulak na

Johan in Zeisu Pasian a hih na gen pha pha hi: “Thu (Zeisu) in Pasian a hi hi” leh “Thu in mi bang in hong suak a” (Johan 1:1, 14). Zeisu pen mi bang a hong suak Pasain hi ci a hih Laisiangtho kammal in a ki tel tak a hong gen hi. Sawltak 20:28 sung ah, “Tua a hih ciang in Topa in a si tawh a lei pawlpi vaak ding in Kha Siangtho in note a hong koih, tuunote leh no mau pumpi uh pha tak in na kem un.” Kua in pawlpi sisan tawh lei ding hiam? Zeisu hi. Tua khit ciang in, Pasian in a Ma’ sinsan tawh a lei sa a Ma’ pawlpi a hih lam hih Laisiangtho mun mah in hong gen hi. Tua a hih ciang in, Zeisu in Pasian hi.

Sawltak Thomas in Johan 20:28 sung ah, “Ka Topa leh ka Pasian” ci a Zeisu thu gen hi. Zeisu in a mah tung ah thu hilh lo hi. Titu 2:13 in ih Pasian leh ih Gumpa a hi Zeisu Khazih hong pai kik ding hun dong ih ngak zawh na ding tha hong pia hi (Peter nihna 1:1 sung ah zong ki mu thei hi). Hebru 1:8 sung ah, A Tapa thu a hih leh: “Pasian aw, na tokhom in A om tawntung tokhom a hi hi, Dikna a hi ukna Ciang in Na gam ukna ciang a hi hi.” Pa Pasian in Zeisu pen Pasian hi ci in gen hi.

Mangmuhna 19:10 sung ah, vantungmi khat in sawltak Johan in Pasian khat bek a biak ding a hilh hi. Laisiangtho sung mun tampi ah Zeisu in biakpiak na sang hi (Mate 2:11; 14:33; 28:9,17; Luka 24:52; Johan 9:38). Zeisu in a mah a bia ding in mite mawhsak ngei lo hi. Zeisu in Pasian hi kei zen zen le, Mangmuhna sung a vantungmi in a gen mah bang in, a mah a bia lo ding in mi te gen ham tang ding hi. Hih thu te bek hi lo in, Zeisu Pasian hi ci a thukinialna te a dang Laisiangtho mun tampi tak a ki mu thei hi.

Zeisu Pasian hiam? – Zeisu Pasian a hih na a hang

A mah Pasian hi kei leh, a ma sih na in leitung mawh na thaman te pia ding in ki cing lo ding hi cih thu pen Zeisu Pasian a hih theih na ding in a hang thupi pen a hi hi (Johan masa 2:2). Zeisu pen a ki bawl nuntakna nei hi in, Pasian hi keileh, a tawntung Pasian langpan na mawhna hang in a tawntung a manpiak ding ki pia zo lo ding hi. Pasian bek in a tawntung dan ih thuak ding hong piak sak thei ding hi. Sihna, thawh kikna, mawhna hang a sihna pan gual zawhna a piak na hang in, Pasian bek in leitung mawh na khempeuh te la khia thei hi (Korin nihna 5:21).

Zeisu Pasian hiam? Hi e, Zeisu in a mah leh a mah Pasian hi ci in pulak hi. A nungzui te in zong a Mah Pasian hi ci in um uh hi. Gupna ngah na ding a sep na te in Zeisu Pasian a hih na bek in ki cing thei ding hi. Zeisu in mibang a hong suak Pasian hi, a tawntung a patna leh a tawpna (Mangmuhna 1:8; 22:13), leh ih Gumpa Pasain hi (Peter nihna 1:1).

English



Tedim-Chin laimaipi ah pai kik in

Zeisu Pasian hiam? Zesu in a mah leh a mah Pasian hi ci in pulak ngei hiam?
© Copyright Got Questions Ministries