Maskotanan / animalnan ta bai Shelu? Maskotanan / animalnan tin alma?



Pregunta: Maskotanan / animalnan ta bai Shelu? Maskotanan / animalnan tin alma?

Kontesta:
Beibel no ta duna niun señansa spesífiko tokante si maskotanan/ animalnan tin “alma” òf si maskotanan/animalnan lo bai Shelu. Pero, nos por uza prinsipionan bíbliko general pa trese un tiki klaridat riba e tema aki. Beibel ta bisa ku tantu ser humano (Génesis 2:7) komo animalnan (Génesis 1:30; 6:17; 7:15, 22) tin e “rosea di bida”; esta, tantu ser humano komo animalnan ta sernan bibu. E diferensia primaria entre ser humano i animalnan ta, ku humanidat a wòrdu kreá segun e imagen i semehansa di Dios (Génesis 1:26-27), mientras animalnan no. Ku ser humano a wòrdu krea segun e imagen i semehansa di Dios ta nifiká, ku ser humano ta parse Dios, e tin kapasidat spiritual, ku un mente, emoshon, i boluntat, i nan tin un parti di nan ser ku lo sigui eksistí despues di morto. Si maskotanan/ animalnan tin un “alma” òf un aspekto imaterial, esei e ora ei lo ta diferente i di menos “kalidat”. Posiblemente e diferensia aki ta nifiká ku e “almanan” di maskotanan / animalnan lo no sigui eksistí despues di morto.

Un otro faktor ku mester konsiderá ta ku animalnan ta parti di e proseso kreativo di Dios den Génesis. Dios a krea e animalnan i El a bisa ku nan ta bon (Génesis 1:25). P’esei, no tin ningun motibu dikon lo no tin animalnan riba e tera nobo (Revelashon 21;1). Sigur sigur lo bai tin animalnan den e reino milenial (Isaías 11:6; 65:25). Ta imposibel pa por bisa definitivamente si algun dje animalnan aki lo ta maskotanan ku nos a yega di tin aki na tera. Pero nos sa si ku Dios ta hustu i ku ora nos yega shelu nos lo ta kompletamente akuerdo ku Su desishon riba e asuntu aki, sea loke sea e ta.



Bai bèk na home page di Papiamentu



Maskotanan / animalnan ta bai Shelu? Maskotanan / animalnan tin alma?