Ken ta Spiritu Santu?



Pregunta: Ken ta Spiritu Santu?

Kontesta:
Tin hopi málentendimentu tokante e identidat di Spiritu Santu. Algun ta mira Spiritu Santu komo un forsa mítiko. Otro nan ta kompronde ku Spiritu Santu ta un poder impersonal ku Dios a pone disponibel pa e kreyentenan di Kristu. Kiko Beibel ta bisa di e identidat di e Spiritu Santu? Simplemente bisá, Beibel ta deklará ku Spiritu Santu ta Dios. Beibel tambe ta bisa nos ku Spiritu Santu ta un persona dibino, un ser ku tin un mente, emoshonnan i un boluntat.

E echo ku Spiritu Santu ta Dios ta klaramente pará den hopi Skrituranan, inkluyendo Echonan 5:3-4. Den e versíkulo aki, Pedro ta konfrontá Ananías dikon el a gaña Spiritu Santu anto el a bisé ku e no a gaña hende, sino el a gaña Dios”. Ta un deklarashon opvio ku ora un hende gaña Spiritu Santu ta meskos ku ora e gaña Dios. Tambe nos por sa ku Spiritu Santu ta Dios, pasobra E ta poseé e karakterístikanan di Dios. Por ehèmpel, Su omnipresensia ta wòrdu mirá den Salmonan 139:7-8, “Unda mi por hui bo spiritu, unda mi por skapa fo’i bo bista? Ku mi subi bai shelu, Bo ta aya, ku mi drumi band’i mortonan, Bo t’ei.” Despues den 1 Korintionan 2:10-11, nos por mira e karakter omnisiensia di Spiritu Santu. “Ma nos sí Dios a laga konosé su plan skondí pa medio di su Spiritu. Spiritu Santu ta skrudiñá tur kos, asta e pensamentunan di Dios ku ta profundamente skondí.”

Nos por sa ku e Spiritu Santu berdaderamente ta un persona dibino, pasobra E ta poseé un mente, emoshonnan i tambe un boluntat. Spiritu Santu ta pensa i sa (1 Korintionan 2:10). Spiritu Santu por sinti fèrdrit (Efesionan 4:30). E Spiritu ta intersedé pa nos (Romanonan 8:26-27). E ta tuma desishonnan konforme ku Su boluntat (1 Korintionan 12:7-11). Spiritu Santu ta Dios, E ta e di tres Persona di e Trinidat. Komo Dios, Spiritu Santu por funshoná komo e Konsolador i Defensor ku Hesus a primintí ku lo E ta (Huan 14:16, 26, 15:26).



Bai bèk na home page di Papiamentu



Ken ta Spiritu Santu?