Ken tabata e kasá di Kain? Kain tabata kasá ku su ruman muhé?



Pregunta: Ken tabata e kasá di Kain? Kain tabata kasá ku su ruman muhé?

Kontesta:
Beibel no ta bisa spesífikamente ken Kain su kasá tabata. E úniko posibel kontesta ta, ku Kain su kasá tabata su ruman muhé òf su ihá of su tatara-ihá, etc. Beibel no ta bisa kuantu aña Kain tabata tin ora el a mata Abel (Génesis 4:8). Komo ku tur dos tabata kunukero, e chèns ta grandi ku tur dos tabata hende grandi, adulto kaba, i nan lo tabatin nan propio famia. Ta sigur ku Adam i Eva a haña hopi mas yu na luga di Kain ku Abel so, den e tempu ku Abel a wòrdu matá. Seguramente nan a haña mas yu despues (Génesis 5:4). E echo ku Kain tabatin miedu pa su bida despues ku el a mata Abel (Génesis 4:14) ta indiká ku hopi chèns tabatin hopi otro mucha mas, i pódise Adam i Eva tabatin asta nietu den e tempu ei. E kasá di Kain (Génesis 4:17) tabata un yu muhé òf nieta di Adam ku Eva.

Komo ku Adam i Eva tabata e promé (i úniko) ser humanonan, nan yunan lo no tabatin un otro eskóho ku no ta pa kasa den famia. Dios no tabata prohibí matrimonio den famia e tempu ei, sino te mas despues ora ku tabatin sufisiente hende riba mundu pa hasi matrimonio den famia innesesario (Levítiko 18:6-18). E motibu dikon awendia hopi bia insèst ta resultá den apnormalidat genétiko ta, paso ora dos hende ku genétikonan similar (manera un ruman hòmber i un ruman muhé) haña yu ku otro, tin un riesgo haltu ku nan karakterístikanan recesivo ta bira dominante. Ora hendenan di diferente famia haña yu ku otro, e chèns ta hopi chikitu ku tur dos mayornan ta karga e mesun karakterístikanan recesivo. E kódigo genétiko di ser humano ta birando mas i mas “polushoná” durante e siglonan, mientras e defektonan genétiko ta multipliká, amplifiká, i ta wòrdu pasá di generashon pa generashon. Adam i Eva no tabatin defekto genétiko, i dor di esaki nan i e promé generashonnan di nan desendientenan tabatin un kalidat di salubridat hopi mas haltu ku nos tin aworaki. E yunan di Adam ku Eva tabatin tiki, of asta ningun defekto genétiko. Dor di esaki, tabata seif pa nan kasa den famia.



Bai bèk na home page di Papiamentu



Ken tabata e kasá di Kain? Kain tabata kasá ku su ruman muhé?