Pregunta
Dikon mi no mester kometé suisidio?
Kontesta
Nos ta ekstendé nos kurasonnan na esnan ku tin pensá di kaba ku nan bida pa medio di suisidio. Si abo ta den e situashon aki, porta bo ta sinti bo mes hopi emoshonal, ku sentimentunan di desesperashon i pèrdida di speransa. Porta bo ta sinti bo manera bo ta den e pos di mas profundo, i bo ta duda ku tin speransa ku kosnan lo drecha bèk. Ta manera kos ku ningun hende no ta komprondé kiko bo ta pasando aden. Gewon bida no ta balelapena pa biba… òf tòg si?
Si bo por, tuma un momento pa duna Dios un chèns pa E berdaderamente ser Dios den bo bida aworaki, E lo mustra kon grandi E ta di bèrdat, “Pasobra pa Dios nada no ta imposibel” (Lukas 1:37). Porta heridanan di pasado ta pone bo sinti bo mes hopi rechasá òf abandoná. Esaki por pone ku bo ta kuminsá sinti lástima di bo mes, rabia, amargura, pensamentunan vengativo, òf miedunan irashonal ku a kousa problemanan den algun di bo relashonan di mas importante.
Dikon bo no mester kometé suisidio? Amigu/amiga, maske kon malu kos ta den bo bida, tin un Dios di amor ku ta wardando riba bo pa bo lag’É guia bo dor di e túnel di desesperashon ku bo ta aden, i asina drenta den Su lus maravioso. E ta bo speransa sigur. Su nòmber ta Hesus.
E Hesus aki, e Yu sin piká di Dios, ta identifiká Su mes ku bo den bo tempu di rechaso i humiashon. E profeta Isaías a skirbi di djE den Isaías 53:2-6, deskribiendo E komo un hòmber ku a wòrdu “menospresiá i rechasá” dor di tur hende. Su bida tabata yená ku tristesa i sufrimentu. Pero e tristesa ku E a karga no tabata di Su mes; e tabata di nos. E a wòrdu borá, heridá, i trapá, tur esaki pa motibu di nos piká. Dor di Su sufrimentu, nos bida por wòrdu salbá i kompletá.
Amigu/amiga, Hesu-Kristu a soportá tur e kosnan aki pa asina tur bo pikánan por wòrdu pordoná. No ta importá e peso di e remordimentu ku bo ta karga, djis sa ku E lo pordoná bo si humildemente bo risibi’É komo bo Salbador. “…yama Mi den apuro, lo Mi libra bo…” (Salmonan 50:15). Nada ku bo a yega di hasi no ta asina malu pa Hesus keda sin pordoná bo. Algun di e sirbidónan ku E mes a skohé a yega di kometé aktonan hororoso manera asesinato (Moises), asesinato i adulterio (Rei David), i abuso físiko i mental (apóstel Pablo). Pero tòg nan a haña pordon i un bida nobo di abundansia den Señor. “Un hende ku ta uní ku Kristu ta un kreashon nobo. E kosnan di ántes a pasa bai i loke ta nobo a yega!” (2 Korintionan 5:17).
Dikon bo no mester kometé suisidio? Amigu/amiga, Dios tei pará kla pa bo pa repará lokual ta “kibrá”, manera, e bida ku bo tin awor aki, e bida ku bo ke kaba kune dor di suisidá. Den Isaías 61:1-3, e profeta a skirbi, “Spiritu di SEÑOR Dios ta sosegá riba mi, pasobra El a ungí mi i duna mi e enkargo: pa hiba bon notisia pa pobernan i animá hende desanimá; pa anunsiá libertat na prizoneronan i na hende será den lugá skur ku nan por sali; pa anunsiá yegada dje aña ku SEÑOR ta bai mustra pueblo su bondat… pa konsolá esnan ku ta yora; pa trese alegria pa esnan ku ta na rou… un bunita ko'i tapa kabes na lugá di shinishi, zeta perfumá riba nan kara na lugá di un mirada tristu, paña di fiesta na lugá di un spiritu abatí.”
Aserká Hesus, i lag’É restourá bo goso i propósito mientras bo ta konfi’É pa E kuminsá un obra nobo den bo bida. E ta primintí di restourá e goso ku b’a pèrdè i duna bo un spiritu nobo pa sostené bo. Bo kurason kibrá ta presioso p’É: “Mi sakrifisio na Dios; mi kontrishon; un kurason kibrá i arepentí, o Dios, Bo no ta despresiá” (Salmonan 51:12, 15-17).
Bo ta aseptá Señor komo bo Salbador i Wardadó? E lo guia bo pensamentunan i pasonan- dia pa dia – pa medio di Su Palabra, Beibel. “Lo Mi duna bo instrukshon i lo mustra bo e kaminda ku lo bo tin ku sigui; lo Mi duna bo konseho, Mi no ta pèrdé bo fo’i bista” (Salmonan 32:8). “SEÑOR ta duna bo seguridat den bo bida, kada be di nobo E ta trese salbashon, E ta duna sabiduria i konosementu na abundansia. Temor di Dios, esei ta bo tesoro di mas grandi” (Isaías 33:6). Den Kristu, lo bo pasa den difikultat, pero awor lo bo tin speransa. E ta “amigu berdadero ta nifiká mas ku ruman” (Proverbionan 18:24). Ku e grasia di Señor Hesus ta ku bo ora bo ta tumando bo desishon.
Si bo ta deseá di konfia den Hesu-Kristu komo bo Salbador, bisa Dios e palabranan aki den bo kurason: “Dios, mi mester di Bo den mi bida. Por fabor, mi ta pidi Bo pordoná mi tur e kosnan ku m’a hasi. Mi ta pone mi fe den Hesu-Kristu i mi ta kere ku E ta mi Salbador. Por fabor, limpiá mi, kurá mi i restourá e goso den mi bida. Danki pa e amor ku Bo tin p’ami i pa Hesus ku a muri na mi luga.”
Bo a tuma e desishon di aseptá Kristu dor di algu ku bo a lesa akiriba? Si ta asina, porfabor klék riba e boton akibounan “Mi a aseptá Kristu awe”.
English
Dikon mi no mester kometé suisidio?
