Kiko ta e importansia di boutismo Kristian?



Pregunta: Kiko ta e importansia di boutismo Kristian?

Kontesta:
Boutismo Kristian ta un di e dos mandatonan ku Hesus a instituí pa e iglesia. Nèt promé ku Su asenshon, Hesus a bisa, “Bai antó i hasi hende den tur nashon mi disípulo: batisá nan den nòmber di Tata, di Yu i di Spiritu Santu i siña nan kumpli ku tur loke Mi a manda boso. I sa ku Mi ta ku boso tur dia, te na fin di mundu” (Mateo 28:19-20). E instrukshonnan aki ta spesifiká ku e iglesia ta responsabel pa instruí e palabranan di Hesus, traha disípulonan, i batisá e disípulonan ei. E kosnan aki mester wòrdu hasí tur kaminda (“tur nashon”) te na “fin di mundu”. P’esei, si te na ora no tin un otro motibu pa hasié, boutismo ta importante pasobra Hesus a bisa pa hasié.

Boutismo tabata wòrdu praktiká promé ku e iglesia a wòrdu lantá. E Hudionan di tempunan antiguo tabata batisá e kombertidonan komo símbulo ku nan naturalesa “a wòrdu limpiá”. Huan Boutista a uza boutismo pa prepará e kaminda di Señor, dor di rekerí tur hende, no solamente esnan ku no ta Hudio so, pa wòrdu batisá, paso tur hende mester kombertí. Pero, e boutismo di Huan, kual ta nifiká repentimentu, no ta meskos ku e boutismo Kristian, manera por wòrdu mirá den Echonan 18:24-26 i 19:1-7). Boutismo Kristian tin un nifikashon mas profundo.

Boutismo mester wòrdu hasí den nòmber di Tata, Yu, i Spiritu Santu – esaki ta lokual ta hasié boutismo “Kristian”. Ta pa medio di e mandato aki un persona ta haña entrada na e kongregashon di iglesia. Ora nos wòrdu salbá, nos ta wòrdu “batisá” pa medio di Spiritu Santu den Kurpa di Kristu, kual ta e iglesia. 1 Korintionan 12:13 ta bisa, “Nos tur, hudiu i no hudiu, katibu i hende liber, a batisá pa asina nos bira parti di ún kurpa pa medio di e mesun Spiritu; i nos tur a haña di bebe di e mesun Spiritu”. Boutismo den awa ta un “ripitishon” di e boutismo pa medio di Spiritu Santu.

Boutismo Kristian ta e método ku un persona ta hasi públikamente su profeshon di fe i ku e ta un disípulo. Den un boutismo di awa, un persona ta bisa sin palabra, “mi ta konfesá mi fe den Kristu; Hesus a limpia mi alma pa kita mi piká, i awor mi tin un bida nobo di santifikashon.”

Boutismo Kristian ta ilustrá, den un manera dramátiko, e morto, entiero, i resurekshon di Kristu. N’e mesun momentu, e ta ilustrá nos morto pa piká i bida nobo den Kristu tambe. Segun e pekador ta konfesá ku Hesus ta Señor, e ta muri pa piká (Romanonan 6:11) i e ta wòrdu introdusí na un bida nobo nobo (Kolosensenan 2:12). Ora un persona bai bou di awa, ta nifiká morto pa piká, i ora e bin ariba fo’i bou di awa bèk, ta nifiká e bida limpiá i santu ku ta kompañá salbashon. Romanonan 6:4 ta bisa asinaki: “Ke men ku pa medio di nos boutismo nos tabata derá i a muri huntu ku Kristu, pa meskos ku El a keda lantá for di morto pa medio di poder glorioso di Tata, nos tambe lo ta lantá for di morto pa biba un bida nobo.”

Símpelmente, boutismo ta un testimonio eksterno di e kambio interno di un kreyente su bida. Boutismo Kristian ta un akto di obediensia na Señor despues di salbashon; aunke boutismo ta wòrdu hopi asosiá ku salbashon, e no ta un rekisito pa salbashon. Beibel ta mustra den varios kaminda ku e órden di e eventonan ta 1) un persona ta kere den Señor Hesus i 2) e ta batisá. E sekuensha aki por wòrdu hañá den Echonan 2:41, “Esnan ku a aseptá su palabra (di Pablo) a laga nan batisá nan” (lesa tambe Echonan 16:14-15).

Un kreyente nobo den Hesu-Kristu mester deseá pa wòrdu batisá mas lihé posibel. Den Echonan 8 Felipe ta papia di “e bon notisia tokante Hesus ku e funshonario di Etiopia, i, “Siguiendo e kaminda nan a pasa un lugá ku awa. E funshonario a bisa: ‘Ata awa! Kiko por tin kontra pa mi batisá?’:” (versíkulonan 35-36). Mesora nan a stòp e shèrs, i Felipe a batisá e hòmber.

Boutismo ta ilustrá ku un kreyente ta identifiká su mes ku e morto di Kristu, entiero, i resurekshon. Tur kaminda ku e evangelio a wòrdu prediká, e hendenan mester wòrdu batisá.



Bai bèk na home page di Papiamentu



Kiko ta e importansia di boutismo Kristian?