Kiko Beibel ta bisa tokante homoseksualidat? Homoseksualidat ta un piká?



Pregunta: Kiko Beibel ta bisa tokante homoseksualidat? Homoseksualidat ta un piká?

Kontesta:
Beibel konsistentemente ta bisa nos ku aktividatnan homoseksual ta un piká (Génesis 19:1-13; Levítiko 18:22; Romanonan 1:26-27; 1 Korintionan 6:9). Romanonan 1:26-27 ta instruí spesífikamente ku homoseksualidat ta un resultado di rechaso i desobedensia na Dios. Ora hende keda biba den piká i sin fe, Dios ta “entregá nan” na pikánan hopi mas malu i grave, pa asina mustra nan e futilidat i desesperashon di un bida ku ta separá fo’i Dios. 1 Korintionan 6:9 ta proklamá ku “esnan kulpabel” di homoseksualidat lo no heredá e reino di Dios.

Dios no a krea un persona ku deseonan homoseksual. Beibel ta bisa nos ku hende ta bira homoseksual pa motibu di piká (Romanonan 1:24-27) i finalmente pa motibu di nan propio eskoho. Un persona por nase ku un tendensia mas grandi pa bira homoseksual, meskos ku tin hende ta nase ku e tendensia pa violensia i otro pikánan. Esaki no ta un eskusá pa un hende skohe piká, dor di entregá su mes na deseonan pekaminoso. Si un persona a nase ku un tendensia grandi pa rabia/ira, esaki ta dun’é e derecho di entregá su mes na e deseonan aki? Klaro ku no! Meskos ta konta pa homoseksualidat tambe.

Pero, Beibel no ta deskribí homoseksualidat komo un piká ku ta “mas grandi” ku e otro nan. Tur piká ta ofensivo pa Dios. Homoseksualidat ta djis unu di e hopi otro kosnan ku tin pará den 1 Korintionan 6:9-10 ku lo por tene un persona pafó di e reino di Dios. Segun Beibel, e pordon di Dios ta obteníbel n’e mesun manera pa un homoseksual ku pa un hende ku a kometé adulteria, asesinato, ladronisia, alabá ídolonan etc. Dios tambe a prometé e forsa pa haña viktoria riba piká, inkluyendo homoseksualidat, pa tur esnan ku kere den Hesu-Kristu pa nan salbashon (1 Korintionan 6:11; 2 Korintionan 5:17; Filipensenan 4:13).



Bai bèk na home page di Papiamentu



Kiko Beibel ta bisa tokante homoseksualidat? Homoseksualidat ta un piká?