settings icon
share icon
မေးခွန်း

ယနေ့ ဘုရားသခင်က လူသားများအား ရူပါရုံများ ပေးသလား။ ယုံကြည်သူများက ရူပါရုံများအား ခရစ်ယာန်အတွေ့အကြုံ၏အစိတ်အပိုင်းတစ်ခုအဖြစ် မျှော်လင့်သင့်သလား။

အဖြေ


ယနေ့ဘုရားသခင်က ရူပါရုံများ ပေးနိုင်သလား။ ပေးနိုင်သည်။ ယနေ့ဘုရားသခင်က လူတွေပေါ်မှာ ရူပါရုံများ ပေးသလား။ ပေးနိုင်သည်။ ကျွနု်ပ်တို့သည် ရူပါရုံများအား သာမန်အဖြစ်အပျက်အဖြစ် မျှော်လင့်ရမလား။ မမျှော်လင့်ရ ပါ။ သမ္မာကျမ်းစာဖော်ပြချက်အရ ဘုရားသခင်က ရူပါရုံများအားဖြင့် ကြိမ်ဖန်များစွာ စကားပြောလေ့ရှိသည်။ ဥပမာအားဖြင့်၊ ယာကုပ်၏သား၊ ယောသပ်၊ မာရိ၏ခင်ပွန်းသည် ယောသပ်၊ ရှောလမုန်၊ ဟေရှာယ၊ ယေဇကျေလ၊ ဒံယေလ၊ ပေတရု၊ နှင့်ပေါလုတို့ဖြစ်သည်။ ပရောဖက် ယောလက ရူပါရုံများသွန်းလောင်းခြင်းကို ကြိုတင်ဟောပြောခဲ့သည်။ ထိုဟောပြော ချက်ကို တမန်တော်အခန်းကြီး ၂ ထတွင် တမန်တော် ပေတရုအားဖြင့် ပြည့်စုံခဲ့သည်။ ရူပါရုံနှင့်အိပ်မက်တို့၏ ခြားနားမှုမှာ ရူပါရုံသည် လူတစ်ယောက်နိုးထနေသည့်အချိန်တွင် ပေးအပ်သော အရာဖြစ်ပြီး အိပ်မက်သည် လူတစ်ယောက်အိပ်မောကျနေသည့်အချိန်တွင် ရရှိသော အရာ ဖြစ်သည်။

ကမ္ဘာ့နေရာအများအပြားတွင် ဘုရားသခင်က ရူပါရုံများနှင့်အိပ်များကို အကျယ်တဝင့်အသုံးပြုနေသည်ပုံရသည်။ ကယ်တင်ခြင်းသတင်းကောင်းမကြားသေးသောနေရာ(သို့)အနည်းငယ်သာရှိသောနေရာမျိုး၊ သမ္မာကျမ်းစာအုပ် မရှိသေးသောနေရာမျိုးများတွင် ဘုရားသခင်က ရူပါရုံများနှင့်အိပ်မက်များအားဖြင့် လူတွေအား သူ၏သတင်းကောင်းကို တိုက်ရိုက်ပြောကြားခဲ့သည်။ ကနဦးခရစ်ယာန်ဘာသာ၌ ဘုရားသခင်ဖွင့်ပြသော သမ္မာတရား ဖွင့်ပြခြင်း သမ္မာကျမ်းစာ ဖော်ပြထားသော ရူပါရုံနမူနာနှင့် ညီညွတ်မှုရှိရမည်။ ဘုရားသခင်က လူတစ်ယောက်ထံ သူ၏သတင်းကောင်းကို ဖွင့်ပြ လိုသောအခါ သူက အမှုတော်ဆောင်တစ်ပါး၊ ကောင်းကင်တမန်တပါး၊ ရူပါရုံနှင့် အိပ်မက်များကို အသုံးပြုလေ့ရှိသည်။ ဘုရားသခင်သည် ကယ်တင်ခြင်းသတင်းကောင်းရောက်ရှိခဲ့ပြီးသော နေရာမျိုးတွင်လည်း ရူပါရုံများ ပေးအပ်နိုင်သည်။ ဘုရားသခင်လုပ်ဆောင်နိုင်သောအရာသည် အကန့်အသတ်မရှိပါ။

ရူပါရုံများနှင့် ရူပါရုံအနက်အဓိပ္ပါယ်ဖွင့်ဆိုချက်များရောက်လာသောလါ ကျွနု်ပ်တို့ ကောင်းမွန်စွာ သတိထားရမည်။ သမ္မာကျမ်းစာသည် ပြည့်စုံခဲ့ပြီး ကျွနု်ပ်တို့သိသင့်သိထိုက်သောအရာအားလုံးကို သမ္မာကျမ်းစာ ဖော်ပြထားသည်ကို ကျွနု်ပ်တို့ မှတ်ထားရမည်။ ဘုရားသခင်သည် ရူပါရုံတစ်ခုပေးခဲ့လျှင် ထိုရူပါရုံသည် သမ္မာကျမ်းစာနှင့် သဘောတူညီညွတ် သောရူပါရုံဖြစ်သင့်သည်။ ရူပါရုံများသည် ဘုရားသခင်၏နှုတ်ကပတ်တော်ထက်ပို၍ သြဇာအာဏာမရှိသင့်ပါ။ ဘုရားသခင်၏နှုတ်ကပတ်တော်သည် ခရစ်ယာန်ဘာသာ၏ ယုံကြည်မှုနှင့်ကျင့်သုံးမှုအပေါ် အာဏာအခွင့်အရှိဆုံးသော အထွဋ်အမြတ်ဖြစ်သည်။ ဘုရားသခင်က သင့်အား ရူပါရုံတစ်ခုကို ပေးအပ်သည်ဟု ခံစားလျှင် ထိုအရာသည် ဘုရားသခင်၏နှုတ်ကပတ်တော်နှင့် ချင့်ချိန်၍ သင်မြင်တွေ့သောရူပါရုံကို နှုတ်ကပတ်တော်နှင့် သဘောတူညီညွတ်ရမည် ဖြစ်သည်။ ထိုနောက် ဆုတောင်းပြီး ဘုရားသခင်က ထိုရူပါရုံအပေါ် မည်သည့်အရာများလုပ်ဆောင်စေလိုသည်ကို စဉ်းစား ရမည် (ယာကုပ် ၁း၅)။ ဘုရားသခင်က လူတစ်ယောက်အား ရူပါရုံပေးပြီးနောက် အနက်အဓိပ္ပါယ်ကို မဖွင့်ပြဘဲမနေပါ။ သမ္မာကျမ်းစာထဲမှာ ရူပါရုံ၏အနက်အဓိပ္ပါယ်ကို သိရှိရန် ဘုရားသခင်ထံ တောင်းလျှောက်သောသူအပေါ် ဘုရားသခင်က ထိုရူပါရုံ၏အနက်အဓိပ္ပါယ်ကို ဖွင့်ပြထားသည် (ဒံယေလ ၈း၁၅-၁၇)။

English



ထို့နောကျ မွနျမာဘာသာဖွငျ့ရေးထားသော စာမကြျနှာသို့ ပွနျလှညျ့ပ

ယနေ့ ဘုရားသခင်က လူသားများအား ရူပါရုံများ ပေးသလား။ ယုံကြည်သူများက ရူပါရုံများအား ခရစ်ယာန်အတွေ့အကြုံ၏အစိတ်အပိုင်းတစ်ခုအဖြစ် မျှော်လင့်သင့်သလား။
© Copyright Got Questions Ministries