လူသားအားလုံးကယ်တင်ခြင်းရရှိခြင်းသည် သမ္မာကျမ်းစာဖော်ပြချက်နှင့် ညီညွှတ်သလား။


ေမးခြန္း: လူသားအားလုံးကယ်တင်ခြင်းရရှိခြင်းသည် သမ္မာကျမ်းစာဖော်ပြချက်နှင့် ညီညွှတ်သလား။

အေျဖ:
လူသားအားလုံးကယ်တင်ခြင်းရရှိခြင်းသည် ကမ္ဘာပေါ်မှာရှိသောလူသားအားလုံးတစ်ယောက်မကျန် ကယ်တင်ခြင်းရရှိသည်ဟု ယုံကြည်ခြင်း ဖြစ်သည်။ ယနေ့ကမ္ဘာပေါ်မှာ လူသားအားလုံးကယ်တင်ခြင်းရရှိခြင်းကို စွဲကိုင်သူ များစွာရှိပြီး လူသားအားလုံးသည် ကောင်းကင်နိုင်ငံတော်သို့ ဝင်စားကြလိမ့်မည်ဟု ယုံကြည်ကြသည်။ ငရဲမီးအိုင်ထဲမှာ တသက်လုံးဆင်းရဲဒုက္ခခံရမည် တွေးတောခြင်းက သမ္မာကျမ်းစာသွန်သင်ချက်အချို့များကို ငြင်းပယ်ထားသည်။ သူတို့က ဘုရားသခင်၏ မေတ္တာတော်နှင့် ဂရုဏာတော်ကို အလွန်အကျွံ အထူးပြုထားသည်။ ဘုရားသခင်၏ ဖြောင့်မတ်ခြင်းတရား နှင့် တရားမျှသမှုကို လျစ်လျူရှုထားကြသည်။ ထိုကြောင့် ဘုရားသခင်သည် လူသားအားလုံးအပေါ် ဂရုဏာတရားရှိလိမ့်မည်ဟု ယုံကြည်ကြခြင်း ဖြစ်သည်။ သို့သော် သမ္မာကျမ်းစာက အချို့သောသူများသည် ငရဲမီးအိုင်မှာ ထာဝရနေရမည်ဟု သွန်သင်ထားသည်။

ပထမနေဖြင့်၊ ကယ်တင်ခြင်းမရရှိသောသူများသည် ငရဲမီးအိုင်မှာ ထာဝရနေရမည်ဟု သမ္မာကျမ်းစာက တိကျစွာ ဖော်ပြ ထားသည်။ ကယ်တင်ခြင်းရရှိသောသူများသည် ကောင်းကင်နိုင်ငံတော်မှာ ထာဝရနေသလို ကယ်တင်ခြင်းမရသေးသော သူများသည် ငရဲထဲမှာ ထာဝရနေရမည်ဟု သခင်ယေရှုကိုယ်တိုင်က ပြောခဲ့သည်။ မဿဲ ၂၅း၄၆ထဲတွင် "ထိုသူတို့သည် ထာဝရအပြစ်ဒဏ်ခံရာသို့၄င်း၊ ဖြောင့်မတ်သောသူတို့မူကား၊ ထာဝရအသက်ရှင်ရာသို့၄င်း၊ သွားရကြလတ့ံဟု မိန့်တော်မူ၏" ဟုဖော်ပြထားသည်။ ဤကျမ်းပိုဒ်အရ၊ ကယ်တင်ခြင်းမရသောသူများ၏ ပြစ်ဒဏ်ခံခြင်းသည် ဖြောင့်မတ် သောသူများ၏ ကောင်းကင်နိုင်ငံတော်နေသည့်ကာလပတ်လုံးဖြစ်သည်ဟု သိရသည်။ အချို့သောသူများက ငရဲထဲသို့ ရောက်သောသူများသည် လုံးဝပျောက်ကွယ်သွားမည်ဟု ယုံကြည်ကြသည်။ သို့သော် သခင်ယေရှုကိုယ်တိုင်က ထာဝရ နေရမည်ဟု ပြောခဲ့သည်။ မဿဲ ၂၅း၄၁ နှင့် မာကု ၉း၄၄ ထဲတွင် ငရဲမီးအိုင်သည် "ထာဝရမီးအိုင်" နှင့် "လုံးဝမငြိမ်းသတ် နိုင်သောမီးအိုင်"ဟု ဖော်ပြထားသည်။

ဤမငြ်ိမ်းနိုင်သောမီးအိုင်ကို မည်ကဲ့သို့ ရှောင်ရှားနိုင်မည်နည်း။ မြောက်များစွာသောလူများက လမ်းအားလုံး- ဘာသာတရားအားလုံးနှင့်ယုံကြည်မှုအားလုံး တို့က ကောင်းကင်နိုင်ငံတော်သို့ ပို့ဆောင်ပေးသည်ဟု ယုံကြည်ကြ သည်။ သူတိုပက ဘုရားသခင်သည် မေတ္တာတရားနှင့်၄င်း၊ ဂရုဏာတရားနှင့်၄င်း ပြည့်စုံသဖြင့် လူသားအားလုံး ကောင်းကင်နိုင်ငံ တော်သို့ ပို့ဆောင်လိမ့်မည်ဟု ယုံကြည်ကြသည်။ ဘုရားသခင်သည် မေတ္တာ၊ဂရုဏာတော်နှင့်အမှန် ပြည့်စုံသည်။ ထိုကြောင့် သူက တပါးတည်းသောသားတော်သခင်ယေရှုကို ကျွန်ု်ပ်တို့အတွက် ကားတိုင်ပေါ်မှာ အသေခံရန် ဤလောက သို့စေလွှတ်ခဲ့သည်။ သခင်ယေရှုခရစ်တော်သည် ကောင်းကင်နိုင်ငံတော်သို့ဝင်ရောက်နိုင်သော တံခါးဖြစ်သည်။ တမန် ၄း၁၂ က "ထိုသခင်၏နာမတော်မှတပါး ငါတို့ကို ကယ်တင်နိုင်သော နာမတစံတခုမျှ ကောင်းကင်အောက် လူတို့တွင် မပေါ်မရှိဟု ပေတရုသည် ထိုသူတို့အား မြွက်ဆို၏" ဟု ဖော်ပြထားသည်။ "ဘုရားသခင်တဆူတည်းရှိတော်မူ၏။ ဘုရား သခင်နှင့်လူတို့၏စပ်ကြားမှာ၊ လူဖြစ်သော ယေရှုခရစ်တည်းဟူသော အာမခံတဦးတည်းရှိ၏" (၁တိ ၂း၅)။ ယောဟန် ၁၄း၆ ထဲတွင် သခင်ယေရှုက "ငါသည် လမ်းခရီးဖြစ်၏။ သမ္မာတရားလည်းဖြစ်၏။ အသက်လည်း ဖြစ်၏။ ငါ့ကိုအမှီမပြုလျှင် ခမည်းတော်ထံသို့ အဘယ်သူမျှမရောက်ရ"ဟု ဖော်ပြထားသည်။ ယောဟန် ၃း၁၆ ထဲတွင် "ဘုရားသခင်၏သားတော်ကို ယုံကြည်သောသူအပေါင်းတို့သည် ပျက်စီးခြင်းသို့မရောက်။ ထာဝရအသက်ကို ရစေခြင်းငှါ ဘုရားသခင်သည် မိမိ၌တပါးတည်းသောသားတော်ကို စွန့်တော်မူသည့်တိုင်အောင်လောကီသားတို့ကို ချစ်တော်မူ၏"ဟု ဖော်ပြထားသည်။ ကျွနု်ပ်တို့သည် ဘုရားသခင်၏သားတော်ကို မရွေးလျှင် ကယ်တင်ခြင်းရရှိနိုင်သော နည်းလမ်း တစ်ခု မျှမရှိတော့ပါ(ယောဟန် ၃း၁၆၊ ၁၈၊ ၃၆)။

ဤကျမ်းပိုဒ်များအရ လူသားအားလုံးအလိုအလျောက်ကယ်တင်ခြင်းရရှိခြင်း ယုံကြည်ချက်သည် သမ္မာကျမ်းစာဖော်ပြချက် နှင့်ညီညွတ်မှုမရှိပါ။ လူသားအားလုံးကယ်တင်ခြင်းအလိုအလျောက်ရရှိခြင်းသည် သမ္မာကျမ်းစာသွန်သင်ချက်နှင့်ဆန့်ကျင် သည်။ လူပေါင်းများစွာတို့က ခရစ်ယာန်များသည် သည်းခံခွင့်လွတ်ခြင်းမရှိ "အမြင်ကျဉ်း"သည်ဟု စွက်စွဲကြသည်။ ဤစကားများသည် သခင်ယေရှုခရစ်တော်ကိုယ်တိုင် ပြောခဲ့သောစကားဖြစ်သည်ကို သိရှိခြင်းသည် အရေးကြီးသည်။ ခရစ်ယာန်များသည် ဤခံယူချက်များကို သူတို့ကိုယ်တိုင် တီထွင်သောအရာမဟုတ်ပါ။ ခရစ်ယာန်များသည် သခင်ယေရှု ပြောခဲ့သောအရာပေါ်မှာ စတင်ခြင်းဖြစ်သည်။ လူတွေက သူတို့၏အပြစ်များနှင့်မရင်ဆိုင်လိုခြင်း၊ သခင်ယေရှုကို သူတို့၏ကယ်တင်ရှင်အဖြစ်မဝန်ခံလိုခြင်းကြောင့် ဤစကားများကို ငြင်းပယ်ကြခြင်း ဖြစ်သည်။ သားတော်သခင်ယေရှုအားဖြင့် ကယ်တင်ခြင်းအတွက် ဘုရားသခင်ပြင်ဆင်ပေးထားသောအရာကို ငြင်းပယ်သောသူများသည် ဘုရားသခင်၏ သန့်ရှင်းခြင်းနှင့်တရားဖြောင့်မတ်ခြင်းကို အထင်သေးသောသူများဖြစ်ကြပြီး၊ သခင်ယေရှုသည် သူတို့ကိုယ်စား အသေခံရန်လိုအပ်မှုကို မထီမဲ့မြင်ပြုသောသူများဖြစ်ကြသည်။

English
ထို့နောကျ မွနျမာဘာသာဖွငျ့ရေးထားသော စာမကြျနှာသို့ ပွနျလှညျ့ပ
လူသားအားလုံးကယ်တင်ခြင်းရရှိခြင်းသည် သမ္မာကျမ်းစာဖော်ပြချက်နှင့် ညီညွှတ်သလား။

ဘယျလိုထှကျရှာရနျ ...

ဘုရားသခငျနှငျ့အတူထာဖွုနျ



ဘုရားသခငျထံမှအပွစျလှှတျခွငျးလကျခံရရှိ