settings icon
share icon
မေးခွန်း

မောလ်မွန်းခံယူချက်စွဲကိုင်သူများသည် အစွန်းရောက်ဘာသာတရားကိုးကွယ်ခြင်း ဖြစ်သလား။ မောလ်မွန်းများက ဘာကို ယုံကြည်သလဲ။

အဖြေ


မောလ်မွန်းဘာသာတရား၊ ၄င်းနောက်လိုက်သူများကို မောလ်မွန်းယုံကြည်သူများဟု သိရပြီး Later Day Saints (LDS)ဟု သိရသည်။ Joseph Smith ခေါ် လူတစ်ယောက်အားဖြင့် လွန်ခဲ့သော နှစ်ပေါင်း နှစ်ရာခန့်က တည်ထောင်ခဲ့ခြင်း ဖြစ်သည်။ သူက ခမည်းတော်ဘုရားသခင်နှင့် သခင်ယေရှုခရစ်တော်သည် သူ့ထံသို့လာပြီး အသင်းတော်အားလုံးနှင့် ကျင့်သုံးမှုများသည် ယိုယွင်းပျက်စီးခဲ့သည်ဟု ပြောခဲ့သည်။ Joseph Smith က အသစ်သောဘာသာတရားကို ထူထောင်ပြီး ထိုအသင်းတော်တစ်ခုတည်းသာလျှင် "ကမ္ဘာပေါ်မှာ စစ်မှန်သောအသင်တော်" ဖြစ်သည်ဟု ပြောခဲ့သည်။ မောလ်မွန်းတို့၏ပြဿနာမှာ သမ္မာကျမ်းစာကို အကျယ်ချဲ့ပြီး နှုတ်ကပတေ်တော်နှင့်ဆန့်ကျင်သောအရာများကို ပုံကြီးချဲ့ ပြောကြားခဲ့သည်။ ခရစ်ယာန်များက သမ္မာကျမ်းစာသည်မှားယွင်းကြောင်း မပြည့်စုံကြောင်း ပြောစရာအကြောင်းမရှိပါ။ စစ်မှန်သော ဘုရားသခင်ကို ယုံကြည်ခြင်းနှင့်ကိုးစားခြင်းသည် ဘုရားသခင်၏နှုတ်ကပတ်တော်ကို ယုံကြည်ခြင်း၊ နှုတ် ကပတ်တော်အားလုံးသည် ဘုရားသခင်ထံမှလာပြီး ဘုရားသခင်၏မှုတ်သွင်းခြင်းဖြစ်သည်ဟု ယုံကြည်ခြင်း ဖြစ်သည် (၂တိ ၃း၁၆)။

မောလ်မွန်းယုံကြည်သူများက နှုတ်ကပတ်တော်သည်ဘုရားသခင်၏မှုတ်သွင်းတော်မူခြင်းဖြစ်ကြောင်း အောက်ပါ အချက်လေးခုအတိုင်း ယုံကြည်ကြသည်။ ၁။ သမ္မာကျမ်းစာကို တိကျမှန်ကန်စွာ ဘာသာပြန်ဆိုထားခြင်း ဖြစ်သည်။ ကျမ်း ပိုဒ်ခွဲခြင်းသည် တိကျမှုမရှိသဖြင့် မှားယွင်းသော ဘာသာပြန်ဆိုခြင်းဖြစ်သည်ဟု ယူဆကြသည်။ ၂။ မောလ်မွန်စာအုပ် သည် ၁၈၃၀ ခုနှစ်တွင် ထုတ်ဝေခြင်းဖြစ်ပြီး Smith ၏ဘာသာပြန်ဆိုခြင်း ဖြစ်သည်။ Smith က ထိုစာအုပ်သည် ကမ္ဘာပေါ် မှာ အမှန်ကန်ဆုံးသောစာအုပ်ဖြစ်သည်ဟု ပြောခဲ့သည်။ လူတစ်ယောက်သည် အခြားသောစာအုပ်များထက် ထိုစာအုပ်လမ်းညွှန်ချက်အတိုင်း လိုက်လျှောက်လျှင် ဘုရားသခင်နှင့်ပို၍နီးကပ်နိုင်သည်။ ၃။ ဓမ္မခံယူချက်နှင့် ပဋိညာဉ်များ ထဲတွင် ပြုပြင်ခဲ့ပြီးသော သခင်ယေရှုခရစ်တော်၏အသင်းတော်အကြောင်းနှင့်ပတ်သက်ပြီး ခေတ်မီသော ဗျာဒိတ်စကားများပါဝင်သည်။ ၄။ တန်ဖိုးကြီးများသော ရတနာမြတ် ကို မော်လ်မွန်းယုံကြည်သူများက ပျောက်ဆုံးသွား ခဲ့သော ကျမ်းစာအုပ်ထဲမှာပါဝင်သည့် ခံယူချက်များနှင့်သွန်သင်မှုများကို အဓိကဖော်ပြထားသောစာအုပ်ဖြစ်ကြောင်းယုံကြည်ပြီး ကမ္ဘာဖန်ဆင်းခြင်းအကြောင်းကို သူတို့ကိုယ်တိုင် ဖြည့်စွက်ထားသည်။

မောလ်မွန်းယုံကြည်သူများက ဘုရားသခင်အကြောင်းကို အောက်ပါတိုင်းယုံကြည်ကြသည်။ သူသည် လောကမှာ အကြီးမြတ်ဆုံးသောသူမဟုတ်ပါ။ သို့သော် ဘုရားသခင်သည် အသက်ရှင်ခြင်းနှင့် ဆက်လက်ကြိုးပမ်းသူအဖြစ် လောကမှာ အမှုပြုသောသူ ဖြစ်သည်။ သူတို့က ခမည်းတော်ဘုရားသခင်က လူသားတစ်ယောက်ကဲ့သို့ ပျက်စီးနိုင်သော ကိုယ်ခန္ဓာ၊ အသွေးအသားရှိသည်ဟု ယုံကြည်ကြသည်။ ယခု မောလ်မွန်းခေါင်းဆောင်များ သွန်သင်မှုနှင့်မတူဘဲ Brigham Young က အာဒံသည် ဘုရားသခင်နှင့် သခင်ယေရှုခရစ်တော်၏ဖခင်ဖြစ်သည်ဟု သွန်သင်ခဲ့သည်။ သို့သော် ခရစ်ယာန်များက ဘုရားသခင်အကြောင်းကို ဤသို့ သိထားကြသည်။ ဘုရားသခင်တဆူတည်းရှိသည် (တရားဟောရာ ကျမ်း ၆း၄၊ ဟေရှာယ ၄၃း၁၀၊ ၄၄း၆-၈)။ သူသည် ထာဝရတည်ရှိသည် (တရားဟောရာကျမ်း ၃၃း၂၇၊ ဆာလံ ၉ဝး၂၊ ၁တိ ၁း၁၇)။ သူသည် ဖန်ဆင်းခြင်းခံရသောသူမဟုတ်ဘဲ ဖန်ဆင်းရှင်ဖြစ်သည် (ကမ္ဘာဦးကျမ်း ၁၊ ဆာလံ ၂၄း၁၊ ဟေရှာယ ၃ရး၁၆)။ သူသည် ပြည့်စုံသည်။ သူနှင့်တူသောသူတစ်ဦးမျှ မရှိပါ (ဆာလံ ၈၆း၈၊ ဟေရှာယ ၄ဝး၂၅)။ ခမည်းတော်ဘုရား သခင်သည် လူမဟုတ်ပါ။ (တောလည်ရာကျမ်း ၂၃း၁၉၊ ၁ရာ ၁၅း၂၉၊ ဟောရှေ ၁၁း၉)။ သူသည် နံဝိညာဉ် ဖြစ်သည် (ယောဟန် ၄း၂၄)။ ၀ိညာဉ်သည် အသွေးအသားမရှိပါ (လုကာ ၂၄း၃၉)။

မောလ်မွန်းယုံကြည်သူများက သေပြီးနောက် ကောင်းကင်နိုင်ငံအမျိုးမျိုးရှိသည်ဟု ယုံကြည်ကြသည်။ ၄င်းတို့မှာ- celestial kingdom (အာကာတ ကောင်းကင်နိုင်ငံ)၊ terrestrial kingdom (ကမ္ဘာနှင်ဆိုင်သော ကောင်းကင်နိုင်ငံ)၊ the telestial kingdom (ဂြိုဟ်နှင့်ဆိုင်သော ကောင်းကင်နိုင်ငံ)နှင့် အမှောင်ထုနိုင်ငံ တို့ ဖြစ်ကြသည်။ လူသားများသည် သူတို့၏ ယုံကြည်မှုနှင့် အသက်ရှင်မှုအပေါ်မူတည်ပြီး နိဂုံးချုပ်လိမ့်မည်။ သို့သော် သမ္မာကျမ်းစာ လူတစ်ယောက်သည် သခင်ယေရှုခရစ်တော်ကို မိမိကယ်တင်ပိုင်ရှင်အဖြစ် ယုံကြည်ခြင်းရှိ/မရှိအပေါ်မူတည်ပြီး ကောင်းကင်နိုင်ငံ သို့မဟုတ် ငရဲ သို့သွားရမည်ဟု ဖော်ပြထားသည်။ ယုံကြည်သူများသည် ကိုယ်ခန္ဓာမဟုတ်သော ၀ိညာဉ်အားဖြင့် ဘုရားသခင်နှင့်အတူ နေထိုင်လိမ့်မည် (၂ကော ၅း၆-၈)။ မယုံကြည်သူများသည် ငရဲ (သို့) လူသေနေရာမှာ ပစ်ချခြင်းကို ခံရမည် (လုကာ ၁၆း၂၂-၂၃)။ သခင်ယေရှုပြန်လည်ကြွလာသောအခါ ကျွနု်ပ်တို့သည် အသစ်သော ကိုယ်ခန္ဓာ ပိုင်ဆိုင်လိမ့်မည် (၁ကော ၁၅း၅၀-၅၄)။ ယုံကြည်သူများအတွက် ကောင်းကင်သစ်နှင့်မြေကြီးသစ် ရှိလိမ့်မည် (ဗျာဒိတ် ၂၁း၁)။ မယုံကြည်သူများ အတွက် ထာဝရငရဲမီးအိုင်းထဲသို့ ပစ်ချခြင်းခံရမည် (ဗျာဒိတ် ၂ဝး၁၁-၁၅)။ သေပြီးနောက် ကယ်တင်ခြင်းအတွက် ဒုတိယ အခွင့်အရေးမရှိတော့ပါ (ဟေဗြဲ ၉း၂၇)။

မောလ်မွန်းခေါင်းဆောင်များက သခင်ယေရှုလူ့ဇာတိခံယူခြင်းသည် ခမည်းတော်ဘုရားသခင်နှင့်မာရိတို့၏ ကိုယ်ခန္ဓာ အသွေးအသားပေါင်းမှုကြောင့် ဖြစ်သည်ဟု သွန်သင်ခဲ့ကြသည်။ သခင်ယေရှုသည် ဘုရားတစ်ပါးဖြစ်သည်ဟု မောလ်မွန်း များက ယုံကြည်ကြသည်။ လူတစ်ယောက်သည်လည်း ဘုရားတစ်ပါးဖြစ်နိုင်သည်။ မောလ်မွန်းဘာသာတရားက ယုံကြည် ခြင်းနှင့် ကောင်းမှုကုသိုလ်ပေါင်းစပ်ခြင်းအားဖြင့် ကယ်တင်ခြင်းရရှိသည်ဟု သွန်သင်ခဲ့သည်။ ခရစ်ယာန်များက သမိုင်းတ လျှောက်တွင် ဘုရားသခင်၏ သန့်ရှင်းခြင်းကို မှီနိုင်သောသူတစ်ယောက်မျှ မရှိဟု သွန်သင်ခဲ့သည် (၁ရာ ၂း၂)။ ဘုရားသခင်ကို ယုံကြည်ခြင်းအားဖြင့်သာလျှင် ကျွနု်ပ်တို့သည် ဘုရားသခင်၏ရှေ့တော်၌ သန့်ရှင်းနိုင်ခြင်း ဖြစ်သည် (၁ကော ၁း၂)။ သခင်ယေရှုသည် ဘုရားသခင်၏တပါးတည်းသောသားတော်ဖြစ်သည် (ယောဟန် ၃း၁၆)။ သူတို့တစ်ပါး တည်းသာလျှင် အပြစ်ကင်းမဲ့စွာ၊ အပြစ်ကင်းစင်သောအသက်တာဖြင့် အသက်ရှင်ကာ ယခု ကောင်းကင်နိုင်ငံတော်အမြင့် ဆုံးမှာ နေသောသူဖြစ်သည် (ဟေဗြဲ ရး၂၆)။ သခင်ယေရှုနှင့် ဘုရားသခင်သည် တလုံးတဝဖြစ်သည်။ သခင်ယေရှုသည် ကိုယ်ခန္ဓာဖြင့် မွေးဖွားခြင်းမရှိမီ တည်ရှိသောဘုရားဖြစ်သည် (ယောဟန် ၁း၁-၈၊ ၈း၅၆)။ သခင်ယေရှုသည် မိမိကိုယ်တိုင် ယဇ်ပရောဟိတ်အဖြစ် ပေးအပ်ခဲ့သည်။ ဘုရားသခင်က သူ့ကို သေခြင်းမှ ထမြောက်စေခဲ့သည်။ တစ်နေ့သောအခါ လူအားလုံးက သခင်ယေရှုခရစ်တော်သည် ဘုရားဖြစ်ကြောင်း ဝန်ခံကြလိမ့်မည် (ဖိလိပ္ပိ ၂း၆-၁၁)။ သခင်ယေရှုက ကောင်းမှုကုသိုလ်များအားဖြင့် ကောင်းကင်နိုင်ငံတော်သို့မရောက်၊ သူ့ကို ယုံကြည်ခြင်းအားဖြင့်သာလျှင် ကယ်တင် ခြင်းရရှိသည်ဟု ပြောခဲ့သည် (မဿဲ ၁၉း၂၆)။ ကျွနု်ပ်တို့သည် မိမိအပြစ်များအတွက် ထာဝရပြစ်ဒဏ်ခံထိုက်သော သူ များဖြစ်ကြသည်။ သို့သော် ဘုရားသခင်၏ထာဝရမေတ္တာတော်နှင်္င့် ကျေးဇူးတော်က ကျွနု်ပ်တို့အား ထာဝရပြစ်ဒဏ်မှ ကယ်လွတ်ခဲ့သည်။ "အပြစ်တရား၏ အခကားသေခြင်းပေတည်း။ ဘုရားသခင်ပေးသနားတော်မူသော ဆုကျေးဇူးတော် ကား၊ ငါတို့ သခင်ယေရှုခရစ်အားဖြင့် ထာဝရအသက်ပေတည်း" (ရောမ ၆း၂၃)။

ကယ်တင်ခြင်းရရှိနိုင်သော နည်းလမ်းတစ်ခုမှာ ဘုရားသခင်နှင့်သူ၏သားတော်၊ သခင်ယေရှုကို သိရှိခြင်းဖြစ်သည် (ယောဟန် ၁ရး၃)။ ကောင်းမှုကုသိုလ်အားဖြင့်မဟုတ်ဘဲ ယုံကြည်ခြင်းအားဖြင့် ဖြစ်သည် (ရောမ ၁း၁၇၊ ၃း၂၈)။ ကျွနု်ပ်တို့သည် ဆိုးသောသူဖြစ်စေ၊ အပြစ်ပြုသည်ဖြစ်စေ ဤဆုကျေးဇူးကို ရရှိနိုင်သည် (ရောမ ၃း၂၂)။ "ထိုသခင်၏ နာမတော်မှတပါး ငါတို့ကို ကယ်တင်နိုင်သော နာမတစုံတခုမျှ ကောင်းကင်အောက် လူတို့တွင် မပေါ်မရှိဟု ပေတရုသည် ထိုသူတို့အား မြွက်ဆို၏" (တမန် ၄း၁၂)။

မောလ်မွန်းယုံကြည်သူများသည် အများအားဖြင့် လူတွေပေါ်များ ခင်မင်မှု၊ ချစ်ခြင်းနှင့်သနားကြင်နာမှုရှိကြသော်လည်း သူတို့သည် ဘုရားသခင်အကြောင်း၊ သခင်ယေရှုခရစ်တော်အကြောင်းနှင့် ကယ်တင်ခြင်းရရှိခြင်းအကြောင်းများကို မှားယွင်းစွာသွန်သင်သော မှားယွင်းသော ဘာသာတရား၏လှည့်ဖြားမှုကို ခံရသော သူများဖြစ်ကြသည်။

English



ထို့နောကျ မွနျမာဘာသာဖွငျ့ရေးထားသော စာမကြျနှာသို့ ပွနျလှညျ့ပ

မောလ်မွန်းခံယူချက်စွဲကိုင်သူများသည် အစွန်းရောက်ဘာသာတရားကိုးကွယ်ခြင်း ဖြစ်သလား။ မောလ်မွန်းများက ဘာကို ယုံကြည်သလဲ။
© Copyright Got Questions Ministries