တရားစွဲဆိုခြင်းအကြောင်းကို သမ္မာကျမ်းစာက မည်သို့ ဖော်ပြထားသနည်း။


ေမးခြန္း: တရားစွဲဆိုခြင်းအကြောင်းကို သမ္မာကျမ်းစာက မည်သို့ ဖော်ပြထားသနည်း။

အေျဖ:
တမန်တော်ရှင်ပေါလုက ကောရိ န္တုယုံကြည်သူများအား အချင်းချင်းတိုက်ခိုက်ကာ တရားရုံးသို့မသွားကြရန် လမ်းညွှန်ထားသည် (၁ကာ ၆း၁-၈)။ ခရစ်ယာန်များအတွက် တစ်ယောက်နှင့်တစ်ယောက်ခွင့်မလွတ်ခြင်းနှင့် မတူ ညီမှုများကို နားလည်မှုမပေးဘဲ ရန်ငြိမ်းမှုမပြုခြင်းသည် ၀ိညာဉ်ရေးရာ ရှုံးနှိမ့်ခြင်းရှိကြောင်း ထင်ရှားစေသည်။ ခရစ်ယာန် များသည် ပြဿနာပေါင်းစုံနှင့်ရင်ဆိုင်ပြီး ထိုပြဿနာများကို မဖြေရှင်းနိုင်လျှင် လူတွေက အဘယ်ကြောင့် ခရစ်ယာန် ဖြစ် ချင်ကြမည်နည်း။ သို့သော် တရားစွပ်စွဲရန် သင့်တော်သောအရာအချို့ရှိသည်။ သမ္မာကျမ်းစာဖော်ပြထားသည့်အတိုင်း ပြန်လည်သင့်မြတ်ခြင်းက လိုက်လာပြီး (မဿဲ ၁၈း၁၅-၁၇) စိတ်မကျေမနပ်ဖြစ်သောသူသည် မှားယွင်းသေးလျှင် တရား ရုံး၌တရားစီရင်စေရမည်။ ဤအရာကို ဆောင်ရွက်ရာတွင် ဉာဏ်ပညာရရှိရန် ဆုတောင်းခြင်း များစွာ လိုအပ်သည် (ယာ ကုပ် ၁း၅)။ ၀ိညာဉ်ရေးရာခေါင်းဆောင်မှု၌ကျွမ်းကျင်သူများနှင့် ဆွေးနွေးတိုင်ပင်ရမည်။

၁ကော ၆း၁-၆ ထဲတွင် အသင်းတော်၌ မသင့်မတင့်ဖြစ်ခြင်းအကြောင်းကို ဖော်ပြထားသည်။ သို့သော် ရှင်ပေါလုက ဤဘဝ တွင် ဖြစ်ပျက်လာသော တရားစီရင်မှုအားအကြောင်းကို ဖော်ပြသောအခါ ရုံး၌တရားစီရင်ခြင်းမျိုးကို ကိုးကား ဖော်ပြထားသည်။ ဤဘဝတွင် ဖြစ်ပျက်သောကိစ္စများဖြေရှင်းပေးရန်အတွက် ရုံး၌စွဲတင်တရားစွဲခြင်းသည် အသင်းတော် နှင့်မပတ်သက်ကြောင်းကို ရှင်ပေါလုဖော်ပြလိုခြင်း ဖြစ်သည်။ အသင်းတော်ပြဿနာများကို တရားရုံးသို့ မပို့သင့်ပါ။ သို့သော်အသင်းတော်၌သာ တရားစီရင်ရမည်။

တမန်တော် အခန်းကြီး ၂၁-၂၂က ရှင်ပေါလုသည် မတရားစွပ်စွဲမှုခံရသဖြင့် သူမကျူးလွန်သောဒုစရိုက်အပြစ်ကြောင့် ချည် နှောင်ခြင်းကို ခံခဲ့ရသည်ဟု ဖော်ပြထားသည်။ ရောမစစ်သားများက သူ့ကို ဖမ်းဆီးချုပ်နှောင်ခဲ့သည်။ "စစ်ဗိုလ်ကြီးက ပေါလုအား အိမ်ထဲသို့ခေါ်ပြီး သူသည် ဒုစရိုက်ကျူးလွန်သူဖြစ်ကြောင်း မိမိကိုယ်ကို အပြစ်ဝန်ချတောင်းပန်ရန် အမိန့်ပေးကာ ကြာပွတ်ဖြင့် ရိုက်နက်ခဲ့ကြသည်။ ဘာကြောင့်လူထုက စိတ်တက်ကြွနေကြသည်ကို သိရှိရန် သူက ဆန္ဒ ရှိခဲ့သည်။ သူတို့က ပေါလုကို ကြာပွတ်ဖြင့်ရိုက်ရန် ချည်နှောင်ထားသောအခါ ပေါလုက မတ်သပ်ရပ်ပြီး ရုံးအရာရှိအား 'ချည်နှောင်ခြင်းမခံသော ရောမနိုင်ငံသားတစ်ဦးကို ကြာပွတ်ဖြင့်ရိုက်ခြင်းသည် တရားသလား'"ဟု ပြောခဲ့သည်။ ပေါလုက မိမိကိုယ်ကို ကာကွယ်ရန် ရောမဥပဒေနှင့်သူ၏နိုင်ငံသားဖြစ်ခြင်းကို အသုံးပြုခဲ့သည်။ ဥပဒေကို မှန်ကန်သော စိတ်ထား နှင့် သန့်ရှင်းသောနှလုံးဖြင့်အသုံးပြုလျှင် မှားယွင်းမှုတစုံတခုမျှမရှိပါ။

ပေါလုက "ထိုသို့သင်တို့သည် အချင်းချင်းတရားတွေ့သည် အမှုမှာ အလွန်ကြီးစွာသော အပြစ်ရှိကြ၏။ တရားမတွေ့ဘဲ ညှဉ်းဆဲခြင်းကို အဘယ်ကြောင့်မခံကြသနည်း" (၁ကော ၆းရ)ဟု ဖော်ပြထားသည်။ ဤနေရာမှာ ပေါလုဖော်ပြလိုသော အရာမှာ ယုံကြည်သူတစ်ဦး၏ သက်သေခံချက်ဖြစ်သည်။ ထိုသို့သက်သေခံခြင်းသည် ဆဲဆိုခြင်း၊ ညှဉ်းဆဲခြင်းထက်ပို၍ ကောင်းမွန်သည်။ လူတစ်ယောက်ကို ခရစ်တော်ထံမှ ဝေးသောနေရာ တရားရုံးသို့ ခေါ်ဆောင်ပြီး ဒဏ်ခတ်ခြင်းထက်ပို၍ ကောင်းသည်။ တရားဥပဒေအရတရားစီရင်ခြင်း နှင့် လူတစ်ယောက်၏ထာဝရဝိညာဉ်အတွက် စစ်ဆင်နွဲခြင်းသည် မည်သည့်အရာက ပို၍အရေးကြီးသနည်း။

အချုပ်အားဖြင့်၊ ခရစ်ယာန်များသည် အသင်းတော်ကိစ္စများအတွက် တရားရုံးသို့ အချင်းချင်းစွဲချက် တင်သင့်သလား။ လုံးဝ တရားမစွဲသင့်ပါ။ ခရစ်ယာန်များသည် တရားရုံး၌ မြို့ရွာပြဿနာအတွက် တရားစွဲဆိုသင့်သလား။ ရှောင်လွှဲနိုင်သောအရာ ဖြစ်ပါက မစွဲသင့်ပါ။ ခရစ်ယာန်များက ခရစ်ယာန်မဟုတ်သောသူများအား မြို့ရွာပြဿနာနှင့်ပတ်သက်ပြီး တရားစွဲသင့်သ လား။ ရှောင်လွှဲနိုင်သောအရာ ဖြစ်ပါက မစွဲသင့်ပါ။ သို့သော် နမူနာအားဖြင့် ကျွနု်ပ်တို့၏ကိုယ်ပိုင်လွတ်လပ်မှုကို ကာကွယ် ခြင်းအားဖြင့် (ပေါလု၏စံနမူနာအတိုင်း) တရားဥပဒေနှင့်ဆိုင်သောအရာများကို သင့်တော်စွာ ဖြေရှင်းနိုင်သည်။

English
ထို့နောကျ မွနျမာဘာသာဖွငျ့ရေးထားသော စာမကြျနှာသို့ ပွနျလှညျ့ပ
တရားစွဲဆိုခြင်းအကြောင်းကို သမ္မာကျမ်းစာက မည်သို့ ဖော်ပြထားသနည်း။

ဘယျလိုထှကျရှာရနျ ...

ဘုရားသခငျနှငျ့အတူထာဖွုနျ



ဘုရားသခငျထံမှအပွစျလှှတျခွငျးလကျခံရရှိ