settings icon
share icon
မေးခွန်း

တခြားလူမျိုးများနှင့် စုံဖက်ခြင်းအကြောင်းနှင့်ပတ်သက်၍ သမ္မာကျမ်းစာက မည်သို့ ဖော်ပြထားပါသနည်း။

အဖြေ


ဓမ္မဟောင်းကျမ်းစာထဲတွင် ဣသရေလလူမျိူးများသည် တခြားသောတိုင်းတပါးများ နှင့် အိမ်ထောင်မပြုရန် ဘုရားသခင်က တားမြစ်ထားပါသည် (တရား၊ ရး၃-၄)။ သို့ရာတွင် ထိုတားမြစ်ချက်သည် လူမျိုးရေးရာနှင့် ပတ်သက်မှုမရှိပေ။ ၄င်းသည် ဘာသာရေးကစ္စကြောင့်သာဖြစ် သည်။ ဘုရားသခင်က တိုင်းတပါးများနှင့် အိမ်ထောင်မပြုရ ဟုတားမြစ်ခြင်း အကြောင်းသည် တိုင်းတပါးတို့သည် ဘုရားသခင်ကို အသိ၊ ရုပ်တု နှင့် မှားယွင်းသော ဘုရားများကို ကိုးကွယ်ကြသော ကြောင့်ဖြစ်သည်။ ဣသရေလလူမျိုးများသည် ရုပ်တုကို ကိုးကွယ်သောသူများ၊ ဘုရားမသိသောသူ များ၊ လူရိုင်းများနှင့် အိမ်ထောင်ပြုလျှင် သူတို့သည် ဘုရားသခင်နှင့် ဝေးကွာနိုင်ပေသည်။ ထိုနည်းတူ၊ ဓမ္မသစ်ကျမ်းထဲတွင်လည်း ထိုကဲ့သို့ ဖော်ပြထားပါသည်။ သို့ရာတွင် ကွာဟမှုများ ရှိသည်။ “မယုံကြည််သောသူတို့နှင့်တွဲဘက်၍ ဆန့်ကျင်ဘက်ဖြစ်သောထမ်းပိုးကို မထမ်းကြနှင့်။တရားသော အမှုသည် မတရားသောအမှုကို အဘယ်သို့လက်ခံနိုင်မည်နည်း။ အလင်းသည် အမှောင်နှင့် အဘယ်သို့ ဆက်ဆံနိုင်မည်နည်း။” (၂ကော၊ ၆း၁၄) ဣသရေလလူမျိုးတို့သည် တဆူတည်းသော ဘုရားသခင်ကို ယုံကြည်သောသူများဖြစ်ကြသောကြောင့် သူတို့သည် ရုပ်တုကိုးကွယ်သောသူများနှင့် အိမ်ထောင်မပြုရန် ဘုရားသခင်က ပညတ်ထားပါသည်။ ထိုနည်းတူယုံကြည်သူများသည်လည်း တဆူ တည်းသောဘုရားသခင်ကို ယုံကြည်သောသူများဖြစ်သောကြောင့် မယုံကြည်သူများနှင့် အိမ်ထောင်မ ပြုကြရန် အမိန့်တော်ရှိသည်။ ထို့ကြောင့် ဤမေးခွန်းကို တိတိကျကျဖြေဆိုရလျှင် အခြားသောလူ မျိုးများနှင့်အိမ်ထောင်ဘက်ပြုခြင်းသည် မှားယွင်းမှုရှိသည် ဟု သမ္မာကျမ်းစာက မပြောခဲ့ပေ။

Martin Luther King က လူတစ်ဦးသည် မိမိအသားအရေပေါ်မူတည် ၍ တရားစီရင်ခြင်းမခံရ ဘဲ မိမိပြုသော အကျင့်စာရိတ္တပေါ်တွင် မူတည် ၍ တရားစီရင်ခြင်းခံရမည် ဟု ပြောဆိုခဲ့သည်။ ယုံကြည်သူခရစ်ယာန်များကြားတွင် လူမျိုးခွဲခြားမှု လုံးဝမရှိပေ (ယာကုပ်၊ ၂း၁-၁၀)။ အိမ်ထောင်ဖက် အတွက် ရှာဖွေရာတွင် ခရစ်ယာန်များသည် သခင်ယေ ရှုခရစ်တော်ကို ယုံကြည်ခြင်းအားဖြင့် ဒုတိယ မွေးဖွါးခြင်းခံသောသူများကို ရှေ့ဦးစွာ ရှာဖွေရန် လိုအပ်လျက်ရှိသည်(ယော၊ ၃း၃-၅)။ ကြင်ဖော်ကြင် ဖက် ရွေးချယ်ရာတွင် အသားအရေကို အကြည့်ဘဲ ခရစ်တော်ကို မိမိကယ်တင်ရှင်အဖြစ် ယုံကြည် လက်ခံ သောသူများကိုသာ ရွေးချယ်ရမည်ဖြစ်သည်။ လူမျိုးမတူသော အိမ်ထောင်ပြုခြင်း၌ အမှား/အမှန် ဟူ၍ မရှိပေ။ သို့သော် မိမိနှင့်အိမ်ထောင်ပြုမည့်သူကို ကောင်းမွန်စွာ သိကျွမ်း၍ ဆုံးဖြတ်ချက်ချရန်နှင့် ဆုတောင်းရန်လိုအပ်ပေသည်။

လူမျိုးမတူသောသူနှင့်အိမ်ထောင်ပြုခြင်းအတွက်စဉ်းစားစရာတစ်ခုသည်လင်မယားနှစ်ဦး ကြားတွင် မတူညီသော ယဉ်ကျေးမှုနှစ်ခု ပေါင်းစပ်ထားခြင်းဖြစ်သောကြောင့် တစ်ဦးနှင့်တစ်ဦး ဆက်ဆံရာတွင် လူမှုရေးပြသနာအခက်အခဲနှင့် ရင်ဆိုင်နိုင်ပေသည်။ လူမျိုးမတူညီသောသူနှင့်စုံဖက်သောလင်မယားအမြားမပြားတို့သည်မိမိအိမ်ထောင်မိသားစု၌ပင်လျှင် ခွဲခြားဆက်ဆံခြင်းနှင့် ပြောင်လှောင်သရော်ခြင်းများ ဖြစ်ပေါ်တတ်ပါသည်။ တခါတရံ လူမျိုးမတူသော လင်မယားမှာ မိမိသား သမီးများသည် မိဘများထံမှ (သို့) မွေးချင်းညီအစ်ကို မောင်နှမများထံမှရရှိသော အသားအရေ ကြောင့် လည်း မိသားစု မဋိပက္ခ ဖြစ်နိုင်သည်။ လူမျိုးမတူသော လင်မယားတို့သည် ဤအချက်များကို သေချာစွာ စဉ်းစားတတ်ရန် လိုအပ်ပေသည်။ တစ်ဦးနှင့်တစ်ဦးနားလည်မှုရှိရန်အတွက်လည်း ပြင်ဆင်ရပေမည်။ ထိုသို့နားလည်မှုမရှိနိုင်လျှင် အခြားသောလူမျိုးများနှင့် အိမ်ထောင်မပြုသင့်ပေ။ နောက်တဖန်၊ သမ္မကျမ်းစာဖော်ပြထားသောအိမ်ထောင်ပြုခြင်းသည်ခရစ်ယာန်တစ်ဦးကသခင်ယေရှုခရစ်တော်ကို ယုံကြည်လက်ခံခဲ့ပြီးသော သူများနှင့် စုံဖက်ခြင်း ဖြစ်ပါသည်။

English



ထို့နောကျ မွနျမာဘာသာဖွငျ့ရေးထားသော စာမကြျနှာသို့ ပွနျလှညျ့ပ

တခြားလူမျိုးများနှင့် စုံဖက်ခြင်းအကြောင်းနှင့်ပတ်သက်၍ သမ္မာကျမ်းစာက မည်သို့ ဖော်ပြထားပါသနည်း။
© Copyright Got Questions Ministries