ငရဲသည် အမှန်တည်ရှိသလား။ ငရဲမီးအိုင်သည် ထာဝရဖြစ်သလား။


ေမးခြန္း: ငရဲသည် အမှန်တည်ရှိသလား။ ငရဲမီးအိုင်သည် ထာဝရဖြစ်သလား။

အေျဖ:
ရာခိုင်နှုန်းအားဖြင့် ငရဲတည်ရှိခြင်းထက်ကောင်းကင်နိုင်ငံတည်ရှိခြင်းကို ယုံကြည်သူပို၍များပြားခြင်းသည် စိတ်ဝင်စားစရာတစ်ခုဖြစ်သည်။ သမ္မာကျမ်းစာဖော် ပြချက်အရာ ငရဲပြည်သည်ကောင်းကင်နိုင်ငံကဲ့သို့အမှန်တည်ရှိသည်။ ငရဲသည် မယုံကြည် သောသူများနှင့်ဆိုးယုတ်သောသူများသေပြီးနောက်ထားရှိမည့်နေရာဖြစ်သည်ဟု သမ္မာ ကျမ်းစာထဲတွင် ကွက်ကွက်ကွင်းကွင်းဖော်ပြထားပါသည်။ ကျွနု်ပ်တို့အားလုံးသည် ဘုရားသခင်ကိုဆန့်ကျင်သောသူများဖြစ်ကြသည် (ရောမ ၃း၂၃)။ အပြစ်၏အခသည် သေခြင်း ဖြစ်သည် (ရောမ ၆း၂၃)။ ကျွနု်ပ်တို့အပြစ်များအားလုံးသည် ဘုရားသခင်ကိုဆန့်ကျင်ခဲ့သည် (ဆာလံ ၅၁း၄)။ ဘုရားသခင်သည် အဆုံးမရှိ၊ထာဝရဖြစ်သောကြောင့် အပြစ်၊ သေခြင်းအတွက် ပြစ်ဒဏ်ပေးခြင်းသည်လည်း နစ္စထာဝရဖြစ်သည်။ ငရဲပြည်သည် ကျွနု်ပ်တို့ အပြစ်အတွက် ရရှိသော နစ္စထာဝရသေခြင်းဖြစ်သည်။

ဆိုးသွမ်းသောသူများကိုငရဲထဲသို့ပစ်ဒဏ်ပေးခြင်းသည်သမ္မာကျမ်းစာထဲတွင် “ထာဝရ မီးအိုင်” (မဿဲ ၂၅း၄၁)၊ “မငြိမ်းနိုင်သောမီးအိုင်” (မဿဲ ၃း၁၂)၊ “ရှက်ကြောက်ဖွယ်နှင့်ထာဝရ ဒုက္ခခံသောနေရာ” (ဒံယေလ ၁၂း၂)၊ “မီးလုံးဝမသေသော”နေရာ (မာကု ၉း၄၄-၄၉)၊ “ဆင်းရဲ ဒုက္ခ”နှင့် “မီးအိုင်”ရှိသောနေရာ (လုကာ ၁၆း၂-၂၄)၊ “ထာဝရပျက်ဆီးသောနေရာ” (၂သက် ၁း၉)၊ “မီးခိုးငွေ့များမရပ်မနား ထာဝရထွက်သော”နေရာ (ဗျာဒိတ် ၁၄း၁၀-၁၁)၊ ဆိုးသွမ်းသော သူများ “နေ့ညမပြတ်” “ကန့်နှင့်မီးဖြင့်လောင်ကျွမ်းသော”နေရာ (ဗျာဒိတ် ၂ဝး၁၀)ဖြစ်သည်ဟုဖော်ပြထားပါသည်။

ဖြောင့်မတ်သူများကောင်း ကင်နိုင်ငံတော်တွင်ထာဝပျော်ရွှင်ခြင်းကဲ့သို့ ဆိုးသွမ်းသောသူများငရဲထဲသို့ထာဝရပြစ်ဒဏ်ခံခြင်းသည်လည်း ထာဝရကာလဖြစ်သည်။ ငရဲမီးအိုင်ထဲသို့ထာဝရပြစ်ဒဏ်ခံခြင်းသည် ကောင်းကင်နိုင်ငံနည်းတူ ထာဝရအသက်ရှင်ခြင်း ဖြစ်သည်ဟု သခင်ယေရှုကဖော်ပြထားပါသည် (မဿဲ ၂၅း၄၆)။ ဆိုးသွမ်းသောသူများသည် ဘုရားသခင်၏ကြောက်မက်ဖွယ်ကောင်းသောအမျက်တော်အောက်တွင် ထာဝရပြစ်ဒဏ်ခံရ မည်ဖြစ်သည်။ ငရဲမီးအိုင်ထဲတွင်ရှိသောသူများသည် ဘုရားသခင်၏ဖြောင့်မတ်ခြင်းတရားကို အသိအမှတ်ပြုကြမည်ဖြစ်သည် (ဆာလံ ၇၆း၁၀)။ ငရဲထဲတွင်ရှိသောသူများက သူတို့သည် ပြစ်ဒဏ်ခံထိုက်သောသူများဖြစ်ကြကြောင်းနှင့် မိမိကိုယ်ကိုသာပြစ်တင်ရန်သာဖြစ်ကြောင်း သိကြလိမ့်မည် (တရားဟော ၃၂း၃-၅)။ ငရဲသည် အမှန်တကယ်တည်ရှိသည်။ ငရဲသည် အဆုံးမရှိသောထာဝရပြစ်ဒဏ်ခံသောနေရာဖြစ်သည်။ ကျွနု်ပ်တို့သည် သခင်ယေရှုအားဖြင့် ဤထာဝရဆိုးသွမ်းသောကံကြမ္မာမှလွှတ်မြောက်ခဲ့ကြသောကြောင့် ဘုရားသခင်ကိုချီးမွမ်း လိုက်ပါ (ယောဟန် ၃း၁၆၊ ၁၈၊ ၃၆)။

English
ထို့နောကျ မွနျမာဘာသာဖွငျ့ရေးထားသော စာမကြျနှာသို့ ပွနျလှညျ့ပ
ငရဲသည် အမှန်တည်ရှိသလား။ ငရဲမီးအိုင်သည် ထာဝရဖြစ်သလား။

ဘယျလိုထှကျရှာရနျ ...

ဘုရားသခငျနှငျ့အတူထာဖွုနျ



ဘုရားသခငျထံမှအပွစျလှှတျခွငျးလကျခံရရှိ