မေးခွန်း
အနာရောဂါငြိမ်းခြင်းအကြောင်းကို သမ္မာကျမ်းစာက မည်သို့ ဖော်ပြထားသနည်း။ ရွေးနှုတ်ကယ်တင်ခြင်းမှာ အနာရောဂါငြိမ်းခြင်းပါဝင်သလား။
အဖြေ
ဟေရှာယ ၅၃း၅ ကို ၁ပေ ၂း၂၄ ထဲတွင် ကိုးကားဖော်ပြထားသည်။ အနာရောဂါငြိမ်းခြင်းအကြောင်းကို အထူးပြု ဖော်ပြထားသည်။ သို့သော် နားလည်မှုလွှဲချော်ပြီး အသုံးချမှုမှားတတ်ကြသည်။ "ထိုသူသည် ငါတို့လွန်ကျူးခြင်းအပြစ် များကြောင့်၊ နာကျင်စွာထိုးခြင်း၊ နှိပ်စက်ခြင်းကိုခံရလေ၏။ ငါတို့၏ငြိမ်သက်ခြင်းချမ်းသာကိုဖြစ်စေသော ဆုံးမခြင်းသည် သူအပေါ်သို့ ရောက်၍ သူခံရသော ဒဏ်ချက်အားဖြင့် ငါတို့သည် အနာပျောက်လျက်ရှိကြ၏။" "အနာရောဂါငြိမ်းခြင်း" သည် ၀ိညာဉ်ရေးရာ သို့မဟုတ် ကိုယ်ခန္ဓာအနာငြိမ်းခြင်း ဖြစ်သည် ။သို့သော် ဟေရှာယ ၅၃ နှင့် ၁ ပေ ၂ ကို သေချာစွာ ကြည့်လျှင် ၀ိညာဉ်ရေးရာအနာရောဂါငြိမ်းခြင်းဖြစ်ကြောင်း သေချာစွာ သိရှိနိုင်သည်။ "ငါတို့သည် အပြစ်နှင့်ဆိုင်သော အရာ၌ အသေဖြစ်၍ ဖြောင့်မတ်ခြင်းအရာ၌ အသက်ရှင်စေမည်အကြောင်း ငါတို့အပြစ်များကို ကိုယ်တော်တိုင် သစ်တိုင် မှာ ခံတော်မူပြီး ဒဏ်ချက်တော်များအားဖြင့် သင်တို့သည် အနာပျောက်လျက်ရှိကြ၏" (၁ပေ ၂း၂၄)။ အပြစ်တရားနှင့် ဖြောင့်မတ်ခြင်းအကြောင်းကို ဖော်ပြထားသည်။ ဖျားနာခြင်းနှင့်ရောဂါအကြောင်းများ မဖော်ပြထားပါ။ ထိုကြောင့် ဤ ကျမ်းပိုဒ်များထဲတွင် ဖော်ပြထားသော "အနာ ရောဂါငြိမ်းခြင်း"သည် ခွင့်လွတ်ခြင်းနှင့် ကယ်တင်ခြင်းခံရခြင်းအကြောင်း ကို ဖော်ပြလိုခြင်းဖြစ်သည်။ ကိုယ်ခန္ဓာကျန်းမာခြင်းကို ဖော်ပြလိုခြင်းမဟုတ်ပါ။
သမ္မာကျမ်းစာက ကိုယ်ခန္ဓာကျန်းမာခြင်းနှင့် ၀ိညာဉ်ရေးရာကျန်းမာခြင်းတို့ကို ကွင်းဆက်ဖော်ပြထားခြင်းမရှိပါ။ တခါတရံ လူတွေက ခရစ်တော်ကို ယုံကြည်သောအခါ ကျန်းမာခြင်းရရှိကြသည်။ သို့သော် ခရစ်တော်ကို ယုံကြည်သည့်အခါတိုင်း ကျန်းမာခြင်းမရပါ။ ဘုရားသခင်အလိုတော်ရှိလျှင် ကျန်းမာခြင်းရရှိသည်။ သို့သော် တခါတရံ ကျန်းမာခြင်းမရှိတတ်ပါ။ တမန်တော်ရှင်ယောဟန်က သင့်တော်သောအမြင်ကို ဖော်ပြထားသည်။ ငါတို့သည် ဘုရားသခင့်အထံတော်၌ ရဲရင့်ခြင်း အကြောင်းဟူမူကား၊ ငါတို့သည် အလိုတော်နှင့်အညီ တစုံတခုသောဆုကို တောင်းလျှင်၊ ဘုရားသခင်သည် နားထောင် တော်မူ၏။ ဆုတောင်းသမျှသော စကားတို့ကို နားထောင်တော်မူသည်ကို ငါတို့သိလျှင်၊ အထံတော်၌ တောင်းသော ဆု တို့ကို ရမည်ဟု သိရကြ၏" (၁ယော ၅း၁၄-၁၅)။ ဘုရားသခင်သည် အံ့သြဖွယ်နိမိတ်လက္ခဏာများကို ပြုလုပ်သေးသည်။ ဘုရားသခင်က လူတွေကို ကျန်းမာစေသည်။ ဖျားနာခြင်း၊ ရောဂါဘယ၊ နာကျင်မှု၊ နှင့်သေခြင်းတရားတို့သည် ဤလောက တွင် ရှိသေးသည်။ သခင်ယေရှုမလာလျှင် ယနေ့အသက်ရှင်သောသူအားလုံးသည် သေကြလိမ့်မည်။ ခရစ်ယာန်များ အပါအဝင် လူတွေအားလုံး၏ပြဿနာမှာ ကိုယ်ခန္ဓာပြဿနာ (ရောဂါ၊ ဖျားနာခြင်း၊ ဒဏ်ရာရခြင်း)ဖြင့် သေခြင်း ဖြစ်သည်။ ကျွနု်ပ်တို့ကိုယ်ခန္ဓာ ကျန်းမာခြင်းတစ်ခုတည်းသည် ဘုရားသခင်၏အလိုတော်အမြဲမဟုတ်ပါ။
နောက်ဆုံးအနေဖြင့်၊ ကောင်းကင်နိုင်ငံမှာ ကျွနု်ပ်တို့၏ပြီးပြည့်စုံသော ကိုယ်ခန္ဓာကျန်းမာခြင်းက စောင့်နေသည်။ ကောင်းကင်နိုင်ငံတော်မှာ နာကျင်မှု၊ ဖျားနာမှု၊ ရောဂါ၊ ဒုက္ခခံစားခြင်း၊ သေခြင်းမရှိတော့ပါ (ဗျာဒိတ် ၂၁)။ ကျွနု်ပ်တို့အား လုံးသည် မိမိကိုယ်ခန္ဓာကို ဤလောကမှာ ထိန်းသိမ်းပြုစုစောင့်ရှောက်ရန် လိုအပ်သည်။ ၀ိညာဉ်ရေးရာအခြေအနေကို လည်း ကောင်းမွန်စွာ ဂရုစိုက်ရမည် (ရောမ ၁၂း၁-၁၂)။ ထိုနောက် ကျွနု်ပ်တို့သည် မိမိနှလုံးသားများကို ကောင်းကင်နိုင်ငံ တော်ကို အာရုံစူးစိုက်ရမည်။ ထိုနေရာတွင် ကိုယ်ခန္ဓာပြဿနာများ လုံးဝခံစားရတော့်မည်မဟုတ်ပါ။ ဗျာဒိတ် ၂၁း၄ ထဲ တွင် ကျွနု်ပ်တို့အားလုံးတောင့်တသင့်သော စစ်မှန်သော အနာရောဂါငြိမ်းခြင်းကို ဖော်ပြထားသည်။ "ဘုရားသခင်သည် သူတို့၏မျက်စီ၌ မျက်ရည်ရှိသမျှတို့ကို သုတ်တော်မူမည်။ နောက်တဖန်သေဘေးမရှိရ။ စိတ်မသာညည်းတွားခြင်း၊ အော်ဟစ်ခြင်း၊ ပင်ပန်းခြင်းလည်းမရှိရ။ အကြောင်းမူကား၊ ရှေးဖြစ်ဘူးသောအရာတို့သည် ရွေ့သွားကြပြီ။"
English
အနာရောဂါငြိမ်းခြင်းအကြောင်းကို သမ္မာကျမ်းစာက မည်သို့ ဖော်ပြထားသနည်း။ ရွေးနှုတ်ကယ်တင်ခြင်းမှာ အနာရောဂါငြိမ်းခြင်းပါဝင်သလား။