မေးခွန်း
သူငယ်ချင်းများနှင့်မိသားစုအပေါ် ခုခံတိုက်ခိုက်ခြင်းနှင့်အတင်းအဓမ္မ သွေးဆောင်ခြင်းမရှိဘဲ ဧဝံဂေလိတရားကိုမည်သို့ဝေငှပေးနိုင်မည်နည်း။
အဖြေ
ခရစ်ယာန်များမှာခရစ်ယာန်မဟုတ်သော မိသားစုဝင်များ၊ သူငယ်ချင်းများ၊ လုပ်ဆောင်ဖက်များနှင့် ရင်းနှီးသောသူများရှိတတ်ပါသည်။ သူတိုု့နှင့်သတင်းကောင်း ဝေငှခြင်းသည်အလွန်ခက်ခဲနိုင်ပါသည်။ အထူးသဖြင့် မိတ်ဆွေအတွေးအခေါ်ထက် မြင့်သောသူများအပေါ်သတင်းကောင်းဝေငှခြင်းသည်ပို၍ခက်ခဲပါသည်။ လူအချို့တို့သည် သတင်းကောင်းကိုခုခံပြောတတ်ကြသည်ဟု သမ္မာကျမ်းစာကဖော်ပြ ထားပါသည်(လုကာ ၁၂း၅၁-၅၃)။ သို့သော် ကျွန်ု်ပ်တို့သည် သတင်းကောင်းဝေငှရန် အမိန့်ပေးထားသည်။ သတင်းကောင်းမဝေငှခြင်းအတွက် ခွင့်လွှတ်ခြင်းမရှိပေ (မဿဲ ၂၈း၁၉-၂၀၊ တမန် ၁း၈၊ ၁ပေ ၃း၁၅)။
ထိုကြောင့် ကျွနု်ပ်တို့သည် ကျွနု်ပ်တို့၏မိသားစုဝင်များ၊ မိတ်ဆွေသူငယ်ချင်းများ နှင့်အပေါင်းအသင်းများအပေါ် မည်သို့ဧဝံဂေလိဝေငှနိုင်ကြမည်နည်း။ အလွန်အရေးကြီး ဆုံးသောအရာသည် သူတို့အတွက် ဆုတောင်းပေးခြင်းဖြစ်သည်။ ဘုရားသခင်က သူတို့၏နှလုံးသားများပြောင်းလဲစေကာ သတင်းကောင်းသမ္မာတရားသိမြင်(၂ကော ၄း၄) နိုင်သူတို့ဝိညာဉ်မျက်စိဖွင့်ပေးရန်အတွက် ဆုတောင်းပေးလိုက်ပါ။ သူတို့သည် ဘုရားသခင်၏ချစ်ခြင်းမေတ္တာကိုသိရှိပြီး၊ ကယ်တင်ခြင်းရရှိရန် သခင်ယေရှုခရစ် တော်လိုအပ်ကြောင်း (ယောဟန် ၃း၁၆)ဘုရားသခင်ကဖွင့်ပြပေးရန်ဆုတောင်း ပေးလိုက်ပါ။သူတို့ထံ ဧဝံဂေလိတရားဝေငှနည်းသိရှိရန် ဘုရားသခင်ထံဆုတောင်း လိုက်ပါ (ယာကုပ် ၁း၅)။ ဆုတောင်းပေးခြင်းအပြင် သူတို့ရှေ့တွင် ခရစ်ယာန်တစ်ဦးအ ဖြစ်ပုံသက်သေပြသခြင်းအားဖြင့်အသက်ရှင်ပါ။ ထိုကြောင့် ဘုရားသခင်ကမိတ်ဆွေအ သက်တာပြောင်းလဲပေးခြင်းကို သူတို့ကမြင်တွေ့နိုင်ကြမည်ဖြစ်သည် ( ၁ပေ ၃း၁-၂)။ Saint Francis of Assisi က “စကားလုံးအားဖြင့်လိုအပ်သောနေရာတွင်အသုံးပြုနိုင် သည့်အချိန်တိုင်းတွင် ကယ်တင်ခြင်းသတင်းကောင်းဝေငှလိုက်ပါ” ဟုပြောခဲ့ဘူးသည်။
နောက်ဆုံးအနေဖြင့် ကျွနု်ပ်တို့သည် ကယ်တင်ခြင်းသတင်းကောင်းကိုဝေငှရာ တွင် ရဲရင့်ခြင်းနှင့်ဝေငှရန်ဆန္ဒရှိရမည်ဖြစ်သည်။ သခင်ယေရှုအားဖြင့်ရရှိသောကယ် တင်ခြင်းသတင်းကောင်းကို မိတ်ဆွေ၏သူငယ်ချင်းများနှင့်မိသားစုဝင်များထံဝေငှလိုက် ပါ (ရောမ ၁ဝး၉-၁၀)။ မိတ်ဆွေ၏ယုံကြည်ခြင်းဝေငှရန်အသင့်ရှိပါ (၁ပေ ၃း၁၅)။ စိတ် နူးညံ့သိမ်မွေ့ခြင်းနှင့်ရိုသေမှုဖြင့်ဝေငှလိုက်ပါ။ ထိုသို့ပြုလျှင် ကျွနု်ပ်တို့ချစ်သောသူများ အပေါ်ဘုရားသခင်၏ကယ်တင်ခြင်းချထားနိုင်မည်ဖြစ်သည်။ လူတွေကိုကယ်တင်ခြင်း သည် ဘုရားသခင်၏တန်ခိုးတော်နှင့်ကျေးဇူးတော်ကြောင့်သာဖြစ်သည်။ ကျွနု်ပ်တို့ ကြိုးပမ်းအားထုတ်ခြင်းမဟုတ်ပေ။ ကျွနု်ပ်တို့အတွက်အကောင်းဆုံးလုပ်ဆောင်နိုင်သော အရာသည် သူတို့အတွက်ဆုတောင်းပေးခြင်း၊ သက်သေခံခြင်းနှင့် သူတို့ရှေ့တွင် သက်သေပုံဥပမာပြသခြင်းဖြင့်အသက်ရှင်ခြင်းဖြစ်သည်။
English
သူငယ်ချင်းများနှင့်မိသားစုအပေါ် ခုခံတိုက်ခိုက်ခြင်းနှင့်အတင်းအဓမ္မ သွေးဆောင်ခြင်းမရှိဘဲ ဧဝံဂေလိတရားကိုမည်သို့ဝေငှပေးနိုင်မည်နည်း။