settings icon
share icon
ৱাহং

খৃষ্ট্যান হায়বসি করিনো?

পাওখুম


ৱেবস্টর দিক্সনারিনা খৃষ্ট্যান অমা ওইববু “যীশু থাজববু হিংনবগী শিনফম ওইনা পায়রিবা মীশক অমা নত্রগা যীশুগী পাওতাক্তা য়ুম্ফম ওইবা লাইনিংবু হিংনবগী শিনফম ওইনা পায়রিবা কনাগুম্বা মীশক অমা” হায়না তাকলি। খৃষ্ট্যান অমা হায়বসি করিনো খঙননবগী অহৌবমক্তদা নিংথিনা তাকপা ৱাফম ওইবনা, লাইনিংগা মরী লৈনদবা ৱাহনথোক ময়ামগা মান্ননা, খৃষ্ট্যান অমা ওইবসিনা করিবু খঙনবগে হায়বসিগী মতাংদা বাইবলনা তাকলিবা অচুম্বদু তশেংনমক্কী তেন্না পাও ফাওদোকনবা করিগুম্বা খরবু মসিনা ফোংদোকই।

অনৌবা ৱারেপনবদা খৃষ্ট্যান হায়বা ৱাহৈ আসি অহুমলক পল্লি (পাখোনচতপশিং 11:26; পাখোনচতপশিং 26:28; 1 পিতর 4:16)। যীশু খৃষ্টগী তুংইনবশিংবু “খৃষ্ট্যান” হায়না এন্টিওকতা ইহান হান্না শীজিন্নৈ (পাখোনচতপশিং 11:26) মরমদি মখোয়গী লমচতশাজত, থবক, অমসুং ৱাঙাংশাঙাং খৃস্টগুমনা তৌরমই। খৃষ্ট্যানশিংবু ফাগি তৌবা ওইনা এনটিওক্কী খৃষ্ট্যান চত্ বশিংনা উশিত্ তবা মওংদা শীজিন্নবা মিং মখল অমা ওইনা মসি হৌদোরকখি। ময়েকনা তাবনা খঙহল্লিবদি, ৱেবস্টর ডিক্সনারিনা তাকলিবা অদুগা চপ মান্ননা “খৃস্টগী পার্টি অমদা য়াওবা” নত্রগা “খৃষ্টদা নপশিনজবা নত্রগা তুংইনবা” হায়বসিনি ।

লাইবক থিবদগী মতম কুইনগী তুংদা, মী অয়াম্বনা “খৃষ্ট্যান” ৱাহৈসিমক্কী ৱাহনথোক খঙনরক্ত্রে হায়বদি যীশু খৃষ্টগী অশেঙবা হন্নমুক পোক্লবা তুংইনবা অমবু খঙনবগী মহুত্তা লাইনিং চেতপা নত্রগা লমচত শাজত য়ামনা ফজবা কনাগুম্বা মীশক অমবু খঙনরে। যীশু খৃস্টবু থাজদবা অমসুং নীংদবা মীওই কয়ানা চচচ্র্তা চাং নাইনা চতলগা নত্রগা “খৃষ্ট্যান” লৈবাক অমদা লৈরগা মশামকপু খৃষ্ট্যাননি লৌজরি। হায়বদি চর্চ্চতা চতলগা, ঐখোয়দগী হেন্না মরাইবক থীরবশিংবু মতেঙ পাংবিবনা, নত্রগা অফবা মীশক অমা ওইবনা ঐখোয়বু খৃষ্ট্যান অমা ওইহনবা ঙমদে। বাইবলগী ওজা অমনা মতম অমদা হায়রমই, “গেরেজ অমদা চতপখক্না অচেনবা গাড়ী অমা শাবা ওইথোক্তবগুম চর্চ্চতা চতপখক্না কনাগুম্বনা খৃষ্ট্যান অমা ওইবা ঙমলোই।”

বাইবলনা ঐখোয়দা তম্বিরি মদুদি ঐখোয়না তৌবা অফবা থবকশিংনা ঐখোয়বু ঈপুরোয়না য়াগদবা নততে। তিতা 3:5 না অসুমনা হায় মদুদি “ঐখোয়না তৌখিবা অচুম্বা থবকনা নত্তে, শাজত চুমথোক্তুনা অমসুং থৱায় অশেঙবনা নৌথোকপীদুনা, ঐখোয়বু মহাক্কী থৌজালনা কনবিবনি।” মরম অসিনা, খৃষ্ট্যান অমা হায়বসি ঈপুরোয়না হন্নমুক পোকপিরবা মীশক অমবুনি (যোহন 3:3; যোহন 3:7 ; 1 পিতর 1:23) হায়বদি যীশু খৃষ্টবু নিংজদুনা থাজরবা মখোয়বুনি। এফিসিয়া 2:8 না ঐখোয়দা অসুমনা হায় মসি “থাজবগী মতেংননি অদোমবু থৌজালনা কনবিরিবসি, অদুনা মসি ঐখোয় ইশাদগী থোরকপা নততে; মসি ঈপুরোয়গী খুদোল অদুনি।” অশেঙবা খৃষ্ট্যান অমা হায়বসি পাপ তৌরুবগী লাল্লে হায়জরবা অমসুং যীশু খৃষ্টখক্তদা লাইনিং ওইদুনা থাজবা থমলবা কনাগুম্বা নিপা নত্রগা নুপী অদুনি। মখোয়না থাজজবা য়াইরোন অমা চতপা নত্রগা লমচতশাজতকী পথাপ অমা ঙাকপা, নত্রগা তৌবা য়াই অমসুং য়াদে তাকপা পাওতাক পরেং অমা ইল্লগা চতপদু নত্তে।

অশেঙবা খৃষ্টান অমা হায়বসি যীশু খৃষ্ট মশামক অমসুং মহাক্না অশিববু মায়থিবা পিনবা অমদি মহাকপু থাজরিবা পুম্নমক্তা লোমনাইদবা পুন্সি পিনবা ক্রোশ মথক্তা শিরবা মতুং হুমনি শুবা নুমিত্তা অমুক হিংগতলকখিবগী থৌদোকপু থাজবগা লোয়ননা লাইনিং ওইজরিবা নিপা নত্রগা নুপী অদুবুনি। যোহন 1:12 ঐখোয়দা হায়, “তৌইগুম্বসুং ইবুংঙোবু লৌশিল্লবমখৈদা হায়বদি ইবুংঙোগী মিংদা থাজরবা মখোয় অদুদা ঈপুরোয়গী মচাশিং ওইরকনবা ইবুংঙোনা মতিক পিনবিরে।” অশেঙবা খৃষ্ট্যান অমা হায়বসি ঈপুরোয়গী অশেঙবা ইমুংগী শরুক অমা ওইনা, তশেংনমক্কী ঈপুরোয়গী মচা ওইরবা অমবুনি, অমসুং খৃষ্টগী মিংদা অনৌবা পুন্সি পিনবিরবা কনাগুম্বা অমবুনি। অশেঙবা খৃষ্ট্যান অমগী খুদমদি অতোপ্পবু নুংশিবা অমসুং ঈপুরোয়গী ৱাহৈ ঙাকনা চতপা অসিনি (1 যোহন 2:4; 1 যোহন 2:10)

অইবা অসি পাবদগী নহাক খৃষ্টগী দমক ৱারেপ লৌরব্রা? করিগুম্বা ৱারেপ লৌবা লৈরবদি, মখাগী ‘‘ঐহাক ঙসি খৃষ্টবু লৌশিঞ্জরে’’ হায়বা অসিদা নম্বিয়ু।

English



মৈতৈলোনগী হোম পেজদা হনবীরকউ

খৃষ্ট্যান হায়বসি করিনো?
© Copyright Got Questions Ministries