settings icon
share icon
ৱাহং

পূনসিগী ৱাহনথোক করিনো?

পাওখুম


পূনসিগী ৱাহনথোক করিনো? ঐহাক্না করমনা পূনসি অসিদা মরম খঙনা, মপূং ফান অমদি পেনথোকনা হিংবা ঙমগনি? তুং কোইনা কান্নবা খর ফংহন্নবগী পাংগল ঐঙোন্দা য়াওজরিব্রা? অসুক্কী মতিক য়াম্লবা মীওইশিংনা অসিগুম্বা মরুওইবা ৱাহংশিং অসি করিনো হায়বসিদা খন্নবা সুকলেপ লেপতে। মখোয়না ফংগে খন্দুনা তানখিবদু ফংলগসু, মখোয়গী মরী মী মশেল মরক্তা করিগীদমক্তা তৎনখ্রিবনো অমদি মখোয়না করিগীদমক্তা মখোয়গী পূনসি অসুক্কী মতিক ইহাং হাংলে খল্লিবনো হায়বসিদা, মখোয়না হৌখ্রবা চহী খর হংগৎনা য়েংবদা অঙকপা পোক্নরি। বেজবোলগী হোল ওফ ফ্যামদা শান্নখিবা বেজবোল শান্নরোই অমদা মসিগুম্বা অমা থোকখি। মহাকনা বেজবোল ইহান হান্না শান্নবা হৌরকখিবা মতমদুদা কনাগুম্বা অমনা মঙোন্দা মহাক্না নিংলিবা অদুগী মতাংদা কনাগুম্বা অমনা করিগুম্বা খর মঙোন্দা হায়রকখিবা লৈরমগনি মদু করিনো হংলকখি। মদুদা মহাক্না খুমখি, “কনাগুম্বা অমনা অসুমনা হায়বীরকখিবা অমদি লৈখি মদুদি নহাক্না মতোল অদু য়ৌবা মতমদা, মফম অদুদা করিসু লৈরমলোই।” পনথুং কয়ামরুমনা চহী কয়া মাঙনা হোৎনরুরবা মতুংখক্তদা ইহাঙ হাঙলমলে হায়বসি ফোঙদোক্তুনতা লাকলি।

অৱাংবা থাক্কী মহৈ মশীং হৈরবা অখঙ অহৈ কয়ামরুম লৈনরবা ঐখোয়গী খুনাই অসিদা, মীওইবনা হীরম কয়ামরুমদা, কান্নবা ফংগনি ৱাখলদা মসিবু ফংননবা তান্নরি। তান্নরিবা খরসিগী মনুংদা ললোন ঈতিক্তা মায় পাকপা য়াওনরি, লন থুম পৈশিন্নরি, অফবা মরী থমনরি, পাপী তিন্নবদা নিংবা থুংনরি, হরাও কুম্মৈদা নুংঙাইথোকলি, অমসুং অতোপ্পগী ফনবা তৌবীবদা মাঙজিল থাব য়াওনরি। মীশিংনা থবকনা নত্রগা ৱাহৈনা খঙনরে মদুদি মীওইবনা তানগে খনবা লন থুম ফংলবসু, অফবা মরী থম্বা ঙমলবসু, অমদি হরাও নুংঙাইদা মপূং ফাহল্লবসু, ফংবা ঙমলরোইদবা অৱাৎপা অমদি নুংদা লুথনা লৈরম্বা অদুম্মক থেংনগনি, অৱাৎপা অসি মেনশিনবা সুকঙম ঙমলরোই হায়না পুকনিংদা ফাওরকপা অহাঙবা অমনি।

বাইবলগী পাও শন্দোকপশিংগী অইবা অসিনা অসিগুম্বা পুকনিংদা ফাওরকপা ইথিল অসিবু অসুমনা শীংথারমই, “অমাঙবগী অমাঙবা ঙাক্তা! হায়নীঙাই লৈতনা মাঙলে! খুদিংমক মাঙলে! (পাওশন ১:২)”। পাও শন্দোকপশিং লাইরিক ইবা নিংথৌ সলোমোন, নিংথৌ লৈবাকশিংনা মিহৌনফম ওইরবা লন থুম পাথোকনা লৈরমই, হৌজিক অমসুং মহাক্কী মতমগী কনাগুম্বা অমত্তনা খঙলরোইদবা লৌশিং মঙোন্দা লৈরমই, নুপী চাম্ম চাম্মনা থৌগল তৌবা কোনুং অমদি লৈকোল মশীং লাকঙমদনা লৈরমই। খ্বাইদগী ফবা চীঞ্জাক অমদি য়ু, অমদি কুম্মৈ মখল খুদিংমক মহাক্কী শরুক ওইরমই। মতাং অমদা মহাকনা অসুম্না হায়খি মদুদি মহাক্কী থম্মোয়না মিতাবা খুদিংমক, মহাক্না ফংননবা তান্নখি। অদুফাওবদা মহাক্না সুপচিন্না “পূনসি নুমিৎকী মখাদনিকো” হায়রমই - পূনসি ফংনিংবা পূম্নমক ফংদুনসু ঐখোয়গী মিৎ অসিনা উবা ঙমদবা কয়া লৈরি অমসুং ঐখোয়না খঙলিবসিদগী হেনবা শোকপা ঙমদবা পোৎ কয়া অমসু লৈরি - অরেম্বা ঙাক্তনি! অসিগুম্বা কান্নদবা অমা লৈরিবসি করিগীনো? মরমদি মতম অমদা ঐখোয়না হেক্তমক খঙবা ঙম্বা লৌশিং অসিগী ৱাংমদা ঈপূরোইনা করিগুম্ব মরম খরগীদমক্তা ঐখোয়বু শেমবীখি। ঈপূরোইগী মরমদা, সলোমোননা হায়খি, “ইবুংঙো মহাকনা মীশিংগী থম্মোয়দসু লোমনাইদবা খুবম ফংননবগী ইথিল চঙহল্লমই….” (পাওশন ৩:১১)। ঐখোয়গী থম্মোয় খুদিংদা ঐখোয়না ফাওনরিবা “মতম অমদা হেক্তা” হায়রিবসি পূম্নমক্তা হেক্তমক থোক্কদবা নত্তে।

বাইবলগী ইহান হানবা লাইরিক, মৈহৌরোনদা, ঈপূরোইনা মহাক্কী মমিদা তাইবং মী শেমখি হায়বসি ঐখোয়না থেংনৈ (মৈহৌরোন ১:২৬)। মসিনা হায়রিবদি ঐখোয় করিগুম্বা পোৎশক অমা (থৱায় পানবা মশক অমা) মানবদগীদি হেন্দোক্না ঈপূরোই মাল্লি হায়বসিনি। ঐখোয়না মসিমসু থেংনৈ মদুদি মীওইবনা পাপকী কোমদা তাদ্রিঙৈ অমদি পাপকী শাপ মালেমসিদা লাকত্রিঙৈ মমাঙদা, পীরিবা ৱাফমশিং অসি চুমলমই: (১) ঈপূরোইনা মীওইববু মতেঙ লৌনবা ঙম্বা থৱায় পানবা অমগুম শেম্বীরমই (মৈহৌরোন ২: ১৮-২৫); (২) ঈপূরোইনা মীওইবদা থবক পীবীরমই (মৈহৌরোন ২: ১৫); (৩) ঈপূরোইনা মীওইবগা শীংলুপ য়াওমিন্নরমই (মৈহৌরোন ৩: ৮); অমসুং (৪) ঈপূরোইনা মীওইবদা মালেম অসিগী মথ্ক্তা পানবা ঙমননবা পাংগল পীবীরমই (মৈহৌরোন ১: ২৬)। হায়রিবশিং অসিনা মীওইবদা পীরিবা কান্নবনা করি করিনো? ঈপূরোইনা মসিগী খুদিংমকপু ঐখোয়গী পূনসিদা ঐখোয়গী অৱাৎপা মেনখৎপদা হাপচিনবা পামখি, অদুবু পূম্নমক অসি (মরু ওইনা মীওইবগা ঈপূরোইগা শীংলুপ তৌমিন্নবা) হায়রিবশিং অসি মীওইবনা পাপকী কোমদা তাখিবনা অমদি মদুগী মহৈনা মালেমসিগী মথক্তা শাপ লাকখিবনা ওন্ন তৈননা থোকহল্লে।

বাইবলগী অরোয়বা রাইরিক, ফোংদোকপিবদা, ঈপূরোইনা হায় মদুদি হৌজিক্কী ঐখোয়না উরিবা মালেম অমদি লাইরৈপাক অসি থুপচিনখ্রবা মতুংদা নৌনা শেমলবা লাইরৈপাক অমগা মালেম অমগা লোমনাইদনা থমগনি। মতম অদুদা, মপূং ফান লিংলবা শীংলুপ অদু পাপতগী লানবীরবা তাইবং মীওইবদা হনজিলহনগনি, অদুবু মতম অসিমক্তদা পাপ চেন্দুনা লৈরিবা পাপ কোকপীদ্রিবশিং হিংবদা মতিক চাদ্রে হায়দুনা অচুম অরান ৱায়েল্লবা মতুংদা মৈগী পাৎ মনুংদা লংশিনগনি (ফোংদোকপিবা ২০: ১১-১৫)। পাপকী শাপ থুংহল্লবা মতুং অদুদা; পাপ, অৱাঅনা, অনাঅয়েক, অশিঅনা, অৱাচৈনা অসিনচিংবা অমুক হন্না অমত্ত লৈররোই (ফোংদোকপিবা ২১:৪), অসুমনা পোৎ পূম্নমক থংদরক্তুনা থাজরবশিংনা ফংহৌগনি। ঈপূরোইনা মখোয়গা লৈমিন্নগনি, অদুগা মখোয়না মহাক্কী মচাশিং ওইগনি (ফোংদোকপিবা ২১:৭)। অসুম্না ঐখোয় ঈপূরোইনা শেমখিবা কাংগোই মনুং অদুদা মহাক্কা শীংলুপ তৌমিন্ননবা চঙলক্কনি, মীওইবনা পাপ তৌখিবা, শীংলুপ থুগাইখিবা, ঈপূরোইনা শীংলুপ অদু লোমনাইদবা ফিবমদা মপূং ফান হনজিলহল্লগা হিংদুনা লৈবদা মতিক চারবা মীওইশিং অদুগা লোয়ননা মহাক্কা লৈমিন্নগনি। হৌজিক খুদিংমক ফংননবখক্কী পূনসি হিংনররোই মরমদি মসিদি ঈপূরোইদগী তোঙান্না খাইদোক্লগা শিবগা পাংখকনি, অদুগা লোমনাইদনা হিংবসু ওইথোক্তবা ওইরকপদগী হেনদোক্তুনা হেন্না ফত্তবা ওল্লক্কনি! অদুবু ঈপূরোইনা লোমনাইদনা নুংঙাইববু ওইথোকপা য়ান শেম্বদা নৎতনা লম্বী অমা শেম্বীরে (লুক ২৩:৪৩), পেনথোক্লবা অমসুং ৱাহনথোক লৈরবা পূনসি ফাওবা মালেমথকসিদা লেপনমক ওইননবা শেম্বীখরে। মসিগী লোম্বা নাইদনা নুংঙাইবা হায়রিবসি করমননো অদুগা “মালেমথক্কী লাইরৈপাক” হায়রিবসিনা করমনা ফংগনি?

পূনসিগী ৱাহনথোক যীশু খৃষ্টগী মতেঙনা হনজিলহল্লে

হৌজিকমক হিংলিবা পূনসি অমসুং লোমনাইদবা পূনসি অনীমক্তা, আদম অমসুং ইবকী মতমদা পাপ লংজরুবদগী তৎনখিবা ঈপূরোইগা লৈনরমবা মরী অদু হনজিলহনবদা পূনসিগী অশেঙবা ৱাহনথোক ফংগনি। ঙসিদি, ঈপূরোইগা লৈনরমবা মরী অদু মহাক্কী মচানিপা, যীশু খৃষ্টগী মতেংখক্তনা ফংবা ঙমনরে (পাখোন চৎপা ৪:১২; যোহান ১৪:৬; যোহান ১:১২)। কনাগুম্বা কনাগুম্বীনা পূনসি মশক খঙবা মথৌ তারমবদু খঙবা ঙমননবা মহাক মহাক্কী পাপ অদু হায়দোক্কদবনি (তৌরম্বা অদু অমুক হন্না তৌবা য়াদ্রে হায়বদি খৃষ্টগী মতেংনা মখোয়না হোংবা পাম্বগা লোয়ননা মখোয়বু অনৌবা মী অমমম ওইননবা শেমহনগদবনি) অমদি যীশু খৃষ্টদা থাজবা থম্বা হৌবগা লোয়ননা মহাকপু কনবীবা মপূ ওইনা লৌশিনগদবনি (খ্বাইদগী মরুওইবা ৱাফম অসিগীদমক্তা হেন্না খঙননবা “অরান খুবমগী থৌরাং করিনো?” হায়বা ৱাহং অসি পাবীয়ু)।

পূনসিগী অশেঙবা ৱাহনথোক হায়বসি যীশুবু লানবীবা মপূ ওইনা ইচম চম্না লৌশিল্লগা হেক্তমক ফংলোই (তৌনরিবসি উবদা ঙকনিংঙাইনি)। থোইদোক হেনদোক্না, পূনসিদা অশেঙবা ৱাহনথোক হায়বসি কনাগুম্বনা খৃষ্টগী মনাই ওইনা মহাক্কী মতুং ইনবা, মহাক্কী মরমদা তমশিনবা, মহাক্কা লোয়ননা মহাক্কী ৱাহৈ বাইবলদা মতম লেনমিন্নবা, মহাক্কা অমত্ত ওইনা হায়জমিন্নবা, অমদি মহাক্কী য়াথংশিং পাঙথোকপদা মহাক্কা লোয়ননা পাঙথোকমিন্নবা মতম অদুদগী হৌখ্রবনি। অদোমনা থাজদ্রিবা মী অমা ওইবীরগদি (নত্রগা নৌনা থাজরকপদা ঙাইরিবা অমা ওইরবসু) অদোমনা ইশামক্তদা তয়াং তশোইনা অসুম্না হংনিংলকপা য়াই, “অসিগুম্বা অসিদি ঐঙোন্দা থোইদোক্না কল্লকপা পোক্তে নত্রগা অসুমনা তৌরগা নিংবা থুংগনি থাজবসু লৈতে!” অদুবু খজিক্তং মখা চৎথনা পাবীখো। যীশুনা মখাগী ৱাফমশিং অসি পল্লমই:

“থবক ৱান শুরিবা অমদি পোৎলুম পুরিবা পূম্নমক ঐগী নাক্তা চংলকলবদি, ঐহাক্না মখোয়বু পোৎথাহনবীগনি। ঐহাক্কী পোৎপু মথক্তা থোংগৎপীগনি, অমসুং ঐগী মতৌ তমহনগনি, মরমদি ঐহাক্কী পুকনিং তপ্পনি অদুগা থম্মোয়সু ইচম চম্বনি, অদু ওইরবদি নখোয়গী থৱায়না পোৎথাবা ফংজগনি। মরমদি ঐগী পোৎপু ইরায় লায়বনি অদুগা ঐগী পোৎলুম ইয়াং য়াংবনি” (মাথি ১১: ২৮-৩০)। “মখোয়বু হিংহল্লগে খন্দুনা ঐহাক লাকখিবনি, অদুনা মপূং ফান হিংবা ওইজরো” (যোহান ১০:১০বি)। “কনাগুম্বনা ঐগী তুং ইন্নিংলবদি, মহাক্না মশাগী ওইজবা থাদোক্তুনা ঐগী পাং পুগদবনি অদুদগী তুং ইল্লক্কদবনি। মরমদি মপূনসি কন্নিংবশিং মপূনসি মাঙদুনা তোক্কনি, অদুবু ঐগীদমক্তা মপূনসি মাঙলবশিং মপূনসি কনবা ঙমজরবনি” (মাথি ১৬:২৪-২৫। “নশামকপু মপূ ইবুংঙোদা লেনবদা নুংঙাইজৌ অদু ওইরবদি নহাক্কী থম্মোয়না পামলিবদু মহাক্না মপান নাইদনা পীনবিগনি” (লাইশোন ঈশৈ ৩৭:৪)।

পরেংশিং অসিনা ঐখোয় মীওইবগী অপাম্বা অমমম লৈনৈ হায়বসি তাকলি। ঐখোয়না ঐখোয় ইশামক্কী পূনসিবু লমজিং লমতাকপিবা লেপতনা থিনরি, অদুবু মমৈথংদা করিসু লৈরমলোই, নত্রগা থম্মোয় শেংনা ঐখোয়গী পূনসিগীদমক্তা ঐখোয়না ঈপূরোই অমসুং মহাক্কী অপাম্ববু খঙননবা কন্না হোৎনবা ঙমলবদি, মমৈথংদা ৱাত্ত পাদনা হিংগনি, পূকনিংগী অপাম্বা ফংলবা মতমদুদা, পেনসু পেল্লে অদুগা পেনসু পেলহল্লে। মসিগী মরমদি ঐখোয়গী শেম্বীবা মপূনা ঐখোয়বু নুংশিবীবনা ঐখোয়বু খ্বাইদগী ফবদু ওইহননিংই (কান্নদবদা খ্বাইদগী তয়াং তশোয়বা পূনসি নত্তবা, খ্বাইদগী মবুক থল্লবা পূনসি)।

অদোম শান্ন খোৎনবদা ঙাওজবা মীশক অমা ওইরবদি মশান্না অমা য়েংবা চৎলে লৌরসি, অদোমনা ডোলার খর চাদিং তৌরগা ষ্ট্যাডিয়ামগী মথক ইথং থংবা পরেংদা লৈবা “নোজ ব্লীড” অমা ফংননবা নত্রগা ডোলার চাম্ম খরদং পিনিংদনা পীরগা শান্নরিবদুগা য়াম্না নকশিন্না অমদি হকথেংননা উবা য়াব মফম অমদা ফমননবা হোৎনরক্কনি। খৃষ্ট্যানগী পূনসিদসু মসিমক্কা চপ মান্নৈ। ঈপূরোইগী থবক হান্ন তৌনবা শংলিবা নোংমাইজিং খৃষ্ট্যান নত্তে। মখোয় মমল পিখিদ্রি। ঈপূরোইগী থবক হান্ন তৌনবা শংলিবা খৃষ্টখক্তদা থৱায় হকচাং লূপলবা ঙাক্তনি। খৃষ্টনা মখোয়বু মশা মশাগী অপাম্বা তানবা তোকহনখ্রবনি। অসুমনা ঈপূরোইগী অপাম্বা করিনো খঙনা মথৌ শঙহনখ্রবা ঙাক্তনি। মখোয় মমল পীখ্রবা (খৃষ্ট অমসুং খৃষ্টনা পামজবদা পূংলুপ লুপচখ্রবনি) ঙাক্তনি; মখোয় পাথোক্না লৈরবা পূনসি মশক খঙলবা ঙাক্তনি; অমসুং অৱাবা য়াওদনা মখোয় মশা মশাগী, মরুপ মপাংগী, অমদি ঈপূরোইগী মাইয়োক্নবা ঙমলবনি! অদোমগী মমল পিবিখ্রবরা? মমল পীবা য়াবিনিংলব্রা? য়াবিনিংলবদি, মসিগী ৱাহনথোক নত্রগা মরম খঙলবগী তুংদা অদোম অমুকহন্না খঙনিংবা পোকলরোই।

English



মৈতৈলোনগী হোম পেজদা হনবীরকউ

পূনসিগী ৱাহনথোক করিনো?
© Copyright Got Questions Ministries