ऐक मसीह कुण है?



प्रश्न: ऐक मसीह कुण है?

उत्तर:
ऐक शब्‍दकोष मांय ऐक मसीह रे बाबत परिभासा इण तरै ऊ व्‍हेला, “एक मिनख जिको यीशु माथै मसीह रे रुप मांय के यीशु री शिक्षा माथे आधारित धरम मांय भरोसो करना ने स्वीकार करे।“ जदै के घणाकर शब्दकोषा री परीभाषा री तरै औ समजण वास्ते, ऐक चोखो सरुआती बिन्दु है , पण एक मसीही कुण व्‍हे, रा अरथ रे वास्ते बाइबल री सचाई रे मारफत बताइयोड़ी हकीकत ऊ घणौ लारे रे जावे। नया नियम मांय “मसीही” शब्द तीन बार काम मांय लियो (प्रेरितो रो काम 11:26, 26:28, 1पतरस 4:16)। यीशु मसीह रा चेला सबा ऊ पैली अन्ताकिया मांय मसीही केविजिया (प्रेरितो रो काम 11:26) क्यु के वारो चाल चलण, हालचाल अर भासा मसीह ज्यू ही। शब्द मसीही रो मतळब, “मसीही रे दळ रो मिनख” के “मसीही रो ऐक भक्त” वेणा ऊ है।

दुरभाग ऊ टेम निकळना रे साथै ई, “मसीही” शब्द घणी हद ताई आपरी खासियत घमाई दी अर इणने घणीकर उण मिनख वास्ते काम ममांय लेवे जिको धारमिक है के जिण कने उचो नैतिक मुल्‍य है पण वो यीशु मसीह रो एक स़ाचो भगत रे ई सके अर नी ई। घणाकर लोग जिको यीशु माथे विस्‍वास अर भरोसो नीं राखे खुद ने सिरफ इन खातर मसीही माने क्‍यु के वे चरच जावे के पछै वे एक “ईसाई” देश मांय रेवे। पण चरच जावण ऊ, खुद ऊ कम भाव वाळा मिनख री सेवाकरना ऊ, के ऐक भलो मिनख बणना ऊ थाने मसीही नीं बणा सके। जेड़ो के ऐक सुसमाचार प्रचारक कियो हो के, “चरच जावणो किने ई मसीही नीं बणावे ज्यू के एक मिस्त्री री दुकान मांय जायने ऐक मिनख मशीन नी बण जावे।” ऐक कळिसिया रो मेम्‍बर वेणो, हमेश मिटिंगा मांय जावणो अर कळिसिया रे काम वास्ते दान देवणो थाने मसीही नीं बणाय देवे।

बाइबल आपां ने शिक्षा देवे के आपां रा भला काम आपां ने परमेश्वर रे सामी ग्रहणजोग नीं बणा सके। तीतुस3:5 आपां ने बतावे के, “वो आपां रो मोक्ष करियो, अर ओ धरम रा काम रे कारण नीं, जिको आपां खुद करियां, पण आपां री दया रे मुजब नवा जनम रे स्नान अर पवित्र आत्मा रे मारफत नवो बणावणा ऊ रियो।“ इण वास्ते एक मसीही वो ईज है जिको परमेश्वर रे मारफत नवो जनम लियो है (युहन्ना 3:3, 3:7, 1 पतरस 3:23) अर जिको आपरो विस्अवस अर भरोसो ने यीशु माथे राखियो। इफसियो आपां ने बतावे के, …।“विस्वास रे मारफत किरपा ऊ थारो मोक्ष रियो है-अर ओ थारी कानी ऊ नीं है, पण परमेश्वर रो दान है।“

ऐक साचो मसीही वो मिनख है जिको आपरा विस्अव अर भरोसा ने सिरफ यीशु मसीह रा मिनखपणा अर काम मांय ई जिण मांय क्रुस माथै मौत मांय थारा पाप री कीमत ने चुका देवणो अर उण रे तीजा दिन जीवतो रे जाणौ भेळौ है। यूहन्‍ना1:12 आपां ने बतावे, “पण जिता ई उने ग्रहण करिया, वो वाने परमेश्वर री संतान वेणा रो हक दियो, मतळब वाने जिको उणरे नाम माथे भरोसो राखे।“ ऐक साचो मसीह साचाणी मांय परमेश्‍वर री संतान है, परमेश्वर रा साचा परिवार रो मेम्बर, अर वो जिने यीशु मसीह मांय नवो जीवन दियो है।

जिको थे अठै पढियो हो काई इण कारण थे मसीह रे लारे चलना रो निरणै लियो? जै एड़ौ है तो किरपा कर ने हेठे दियोड़ा “म्‍हे आज यीशु ने स्‍वीकार कर लियो है” वाळा बटन ने दबाओ।



मारवाड़ी रा पैला पना माथै पाछा जावो सा।



ऐक मसीह कुण है?