settings icon
share icon
प्रश्न

कांई अनन्‍त जीवन मिलियो?

उत्तर


बाइबल अनन्‍त जीवन री कानी एक साफ मारग परसतुत करे है। सबाऊ पैली आपां ने ओ जाण लेनो चाइजै के आपा परमेश्‍वर रे खिलाफ पाप किया है, इण वास्‍ते के सेंग पाप करियो है अर परमेश्‍वर री महिमा ऊ रहित है। (रोमियो 3:23) आपां सेंग एड़ा काम करिया हा जिको परमेश्‍वर ने नाराज करे अर जिको आपां ने सजा मिलण रा पात्र बणावे। क्‍यू के आपा रा स़ेंग पाप आखिरकार एक सनातन परमेश्‍वर रव खिलाफ है, इण वास्‍ते सिरफ एक अन्‍नतकालीन दण्‍ड ई परियाप्‍त है। पाप री मजदूरी तो मौत है पण परमेश्‍वर रो वरदान आपां रे प्रभु यीशु मसीह मांय अनन्‍त जीवन है (रोमियो 6:23)

पण इण उपरान्‍त ई यीशु मसीह जिको पाप रहित हेता पतरस माथै परमेश्‍वर रा अनन्‍त पुत्र एक मिनख बणियो (यूहन्‍ना 1:1,14) अर आपां रा करज ने चुकावण खातर मर गिया। “परमेश्‍वर आपां रे माथै आपरा हेत ने इण रीति ऊ परकट करे के जद आपां पापी हा उणीज टेम मसीह आपां रे खातर मरिया” (रोमियो 5:8) यीशु मसीह क्रुस माथे मरियो (यूहन्‍ना 19:31-42) उण दण्‍ड ने भुगतियो जिण रा हकदार आपां हा (करन्‍थियो 5:21) तीन दिन पछै वो मरियोड़ा मांय ऊ (करन्‍थियो 15:1-4) पाप अर मौत माथै आप री विजै ने साबित करता थका जीवित रेगा। “जिको यीशु मसीह रे मरियोड़ा मांय ऊ जीवता रेवण द्वारा आपरी मोटी दया ऊ आपां ने जीवती आशा रे वास्‍ते नयो जनम दियो” (पतरस 1:३)

विस्‍वास करता थका आपा ने मसीह रे सबंध मांय आपां रे मना ने बदळ लेणा चाइजै– के वो कुण है, उदार रे खातर वो कांई अर क्यु करियो (प्रेरित रा काम 3:19)। जै आपा उण मांय आपा रो भरोसो राखां तो उण रो क्रुस माथे आपां रा पाप रा दाम चुकावण खातर री मौत माथे विस्‍वास करता थका आपां ने माफ कर दिया जावेला अर आपां सुरग मांय अन्‍नत जीवन ने प्राप्‍त करेला। क्‍यू के परमेश्‍वर जगत ऊ ऐड़ौ प्रेम राखियो के वो आपरो एकाएक पुत्र दे दियो ताकी जिको ई उण माथे भरोसो करे वो नाश नीं व्‍हे पण अन्‍नत जीवन ने प्राप्‍त करे। (यूहन्‍ना 3:16) जै थू आप रे मुंडा ऊ यीशु ने प्रभु जाण’र अंगीकार करे अर आप रे मन ऊ विस्‍वास करे के परमेश्‍वर उण ने मरियोड़ा मांय उ जीवतो करियो तप पक्‍को थू उदार पावेला। (रोमियो 10:9)

क्रुस माथै यीशु रे खतम करियोड़ा काम माथै विस्‍वास ई सिरफ अन्‍नत जीवन रो स़ाचौ मारग है। “क्‍यू के विस्‍वास रे मारफत किरपा ऊ थारो उदार व्‍हियो है- अर ओ थारी कानी ऊ नीं पण परमेश्‍वर रो दान है- अर नीं कमजोरी रे कारण एड़ो नीं व्‍हे के कोई घमण्‍ड करे” (इफिसियो 2:8-9)

जै थै यीशु मसीह ने थारो उदारकरता रे रुप मांय स्‍वीकार करणी चाहो तो अठै एक सरल प्राथना दियोड़ी है। याद राखजो, इण प्रारथना के कोई दूजी प्राथना रे बोलना ऊ थाने कोई बचा नी सके। सिरफ यीशु माथै विस्‍वास ईज है जिकौ थाने पाप ऊ बचा सके। आ प्राथना उण मांय आप रा विस्‍वास ने दरसावण वास्‍ते अर आप रे वास्‍ते उदार रो प्रबन्‍ध करण वास्‍ते धन्यवाद देवणौ रो सिरफ एक तरिको है। “ हे परमेश्‍वर म्‍हें जाणू हू के म्‍हे आप रे खिलाफ पाप करियो अर म्‍हें सजा रो हकदार हू। पण यीशु मसीह उण सजा ने खुद रे माथै ले ली जिण रो हकदार म्‍हे हो ताकी उण माथै विस्‍वास करणा रे मारफत म्‍हे माफ करियो जा सकू। म्‍हे उदार रे वास्‍ते आप मांय म्‍हारो विस्‍वास राखु हू। आपरे अद्‍भुत किरपा अर क्षमा – जिको अन्‍नत जीवन रो उपहार है, रे वास्‍ते म्‍हे आप रो धन्यवाद करु। आमीन।”

जिको थे अठै पढियो हो काई इण कारण थे मसीह रे लारे चलना रो निरणै लियो? जै एड़ौ है तो किरपा कर ने हेठे दियोड़ा “म्‍हे आज यीशु ने स्‍वीकार कर लियो है” वाळा बटन ने दबाओ।

English



मारवाड़ी रा पैला पना माथै पाछा जावो सा।

कांई अनन्‍त जीवन मिलियो?
© Copyright Got Questions Ministries