प्रश्न
कांई परमेश्वर रो अस्तितव है? कांई परमेश्वर रे अस्तितव रो कीं सबूत है?
उत्तर
परमेशुर का अस्तितव के साबुत य नकर नहि ज सका हई। बाइबल ई आ बात केवे के आपा ने भरोसा ऊं इण बात ने सिवकार करनी चाइजै के परमेश्वर रो अस्तित्व है। अर विस्वास बिना उने राजी करणौ मुमकिन नी है। क्यू के परमेश्वर रे कने आवण वाळा ने विसवास करणौ चाइजै के वो है अर उने खोजण वाळा ने फळ जरुर देवे” (इब्रानियो 11:6) जे परमेश्वर री ऐड़ी ईछा हेती तो वो यू इज परकट व्हे जातो अर स़ेंग जगत ने साबित कर देतो के उणरो अस्तित्व है। पण जै अगर वो ऐड़ो करतो तो पछै विसवास री की जरुत कोनी व्हेती। यीसु उणने कियो, ‘थू मने देखियो है इण खातर विसवास करियो, धन्य है वे जिको ब़िना देखिया विसवास करियो’ युहना 20:29
इणरो मतलब ओ कोनी के परमेश्वर रे असतित्व रो कोई सबूत ई कोनी है। बाइबल घोसणा करे है के आकास ईसवर री मईमा रो वरणन करे है, अर आकास मनडल उणरी हाथ री कळा ने दरसावे है। दिन ऊ दिन बाता करे अर रात ने रात ग्यान सिखावे। नी तो कोई बोली है अर नी कोई भासा जठे उणरो सबद सुणाई नी देवे। उणरो सुर पूरी धरती माथे गूंज गियो है अर उणरा बोल जगत रे छोर तक पूग गिया है” (भजन संहिता 19:1-4) तारा री कानी देख’र इण बरमाण्ड री विशालता ने स़मजता थका, परकति रा अजूबा माथे ध्यान देवता थका, दिन बदता ने देखता थका ऐ स़ेंग चीजा एक सरस्टी करण वाळा परमेश्वर री कानी इशारो करे। जै औ कम है तो आपा रे खहुद रे हिया मांय ई परमेश्वर रे वास्ते एक परमाण है। सभौपदेशक 3:11 आपां ने केवे के वो मिनखां रे मन मांय अनादी अनंत काळ रो गियान पैदा करियो है। आपां रे खुद मांय री गेहराई मांय एड़ी कोई पेचाण है के इण जीवन रे पछै ई कीं है अर इण संसार रे पछै ई कोई है। आपा इण गियान ने बुदी ऊ नकार सका पण आपां मांय अर आपां रे चारू मेर परमेश्वर री उपस्थिति साफ रुप ऊ बणयोड़ी है। इण सबा रे पछै ई बाइबल आपा ने चितोनी देवे है के कीं लोग पछै ई परमेशवर रे अस्तित्व ने नकार देवेला, मूरख आप रे मन मांय केवे के कोई परमेश्वर है ई नीं। भजन सहितां 14:1 | क्यू के अबे तांई रा इतिहास मांय स़ेंग संस्करतिया मांय, सेंग सभ्यताओं मांय, सेंग महाद्वीपों मांय घणाकर लोगा रो बहुमत किणी परकार रा परमेश्वर रे अस्तित्व मांय विसवास राखे तो इण विसवास रो कारण कीं तो रैला।
परमेश्वर रे अस्तित्व रे वास्ते बाइबल आधारित दलीला रे अलावा अटै तारकिक दलील ई है। पैली दलील तत्वमींमांसात्मक है तत्वविज्ञानी दलील रो सबा ई ब़तो चरचित आधारभुत रुप ऊ इण विचारधारा रो उपयोग करे है के परमेश्वर ने ई परमेश्वर रे अस्तित्व रो परमाण देवणौ चाइजै। वो परमेश्वर री इण परीभासा ऊ सरू व्हे के वो इतो मोटो हे के उण ऊ मोटा री कल्पना नीं कर सकां।
पछै आ बहस सरु हो जावे के अस्तित्व में रेणौ ईज अस्तित्व मांय नीं रेवणा ऊ मोटो है अर इण वास्ते सबा ऊं मोटा प्राणि ने अस्तित्व मांय रेवणौ चाइजे। जे परमेश्वर रो असतित्व नीं है तो परमेश्वर सबां ऊ मोटो काल्पनिक मानखौ नीं रे सके अर आ बात परमेश्वर री परीभासा ने ई गलत साबित कर देला।
दूजी दलील सोदेश्यवादी है सोदेश्यवादी दलील आ घोसणा करे है के क्यू के बरमाण्ड एक ऐड़ा अचम्बा वाळा खाका ने दरसावे है इण वास्ते उटे कोई ईश्वरिय खाकाकार वेणौ चाइजै। उदाहरण रे वास्ते जै धरती खासकर सुरज ऊं कीं सों मील कने या आगी व्हेती तो वा जीवन री इण परकार सहायता करण जोग नीं व्हेती जित्ती वा आज री टेम करे। जे आपां रे वातावरण मांय विद्यमान तत्व अटै तांई के सिरफ की प्रतिशत ई नेरा व्हेता तो धरती माथला लगभग सेंग जीवता प्रानी मर जावेला। एक एकला प्रोटीन रे अणू रे सयोग ऊ बणना री संभावना 10243 मांय ऊं ई रेवे है (इणो मतलब है के 10 रे पछै 243 शुन्य लगावणा) एक ऐकल कोसिका लाखौ अणुआ ऊ मिल र बणै।
परमेश्वर रे अस्तित्व रे विषय मांय जिको तीसरी दलील है वा बरमाण्ड ऊ जुड़योड़ी दलील है। हरेक परिणाम रे लारे कोई एक कारण वेणौ चाइजै। ओ बरमाण्ड अर इण मांय री हरेक चीज एक परीणाम है। कोई ना कोई एक चीज वेणी चाइजै जिण कारण हर एक चीज असतित्व मांय आइ। आखिरकार कोई चीज “बिना कारण” ई वेणी चाइजै जिण बाकी सेंग चीजा रे अस्तित्व मांय आवण रो कारण बण सके। वो बिना कारण री चीज ई परमेशवर है।
चौथी दलील नैतिक दलील रे रुप मांय मानिजैँ। इतिहास मांय अबे तांई हरेक संस्कृति कने कोई न कोई व्यवस्था व्हेती आई है। हरेक रे कने सही अर गलत रो बोध है। खून, झूठ, चोरी अर अनैतिकता रो लगेटगे पुरा संसार मांय मान्यता कोनी है। सही अर गलत रो बोध जै परमेश्वर रे कने ऊं नीं है तो पछै कठै ऊं आयो।
इण सबा रे पछै ई बाइबल आपा ने ब़तावे के लोग परमेश्वर रे खरा अर असवीकार नीं करण वाळा गियान नें अस्वीकार कर देला अर इण पछै ई एक झूठ माथै भरोसो करेला। रोमियो 1:25 घोसणा करे कें वे परमेश्वर री सचाई ने बदळ’र झूठ बणाय दियो अर सरस्टी री पूजा अर सेवा करी ना के उण सिरजहार री जिको हमेशा ऊ धन्य है। आमीन बाइबल आ ई घोसणा करे के परमेश्वर माथै भरोसो नी करण वास्ते लोगा कने किणी परकार रो कोई बहानो नी है, क्यु के उणरा अणदेखिया गुण मतळब उणरी सदैव री सामरथ अर परमेश्वर्तव जगत री सिरस्टी रे टेम ऊं उणरा काम रे मारफत देखण मांय आवे।
लोग परमेश्वर रे अस्तित्व रे दावा ने इण वास्ते खारिज कर देवे क्यू के उण मांय “वेज्ञानिकता नीं”- है के पछै “क्यू के इण रो कोई प’रमाण नीं है” स़ाचो कारण ओ है के एक बार लोग मान लेवे के परमेश्वर है ओ वाने ओ ई मान नो पड़ेला के वो परमेश्वर रे वास्ते जिमेदार है अर वाने परमेश्वर ऊ माफी री जरुरत है (रोमियो 3:13, 6:23) जे परमेश्वर रो असतित्व है तो पछै आपा, आपां ऊण रे वास्ते आपां रा काम रे वास्ते जवाबदार हा। जै परमेश्वर रो असतित्व नीं है तो पछै आपां जिको चावा इण बात री परवाह नीं करता थका कर सका के परमेशवर आपा रो न्याव करेला। इण खातर इज वे लोगा मांय ऊ गणाकरा जिको परमेश्वर रे अस्तित्व ने नकार देवे प्राक्रितक विकासवाद रे सिदान्त मांय सक्ति रे साथै विश्वास करता थका चिपकियोड़ा रेवे- औ ऊणाने एक सरसटीकरता परमेश्वर मांय विस्वास करना रे बदळा मांय एक विकल्प देवे। परमेश्वर है अर आखिरकार सब जाणै के परमेश्वर है। स़ाची बात आ है के कीं लोग उणरा अस्तित्व ने गलत साबित करण वास्ते इती बेईमानी ऊ कोशिस करे के आ खुद मांय उणरा अस्तित्व होवण रे वासते एक दलील बण जावे
आपा किकर जाणा के परमेश्वर रो असतित्व है? मसीह विस्वासी वेणा रे खातर आपां जाणा के परमेश्वर रो अस्तित्व है कयू के आपां रोजीना उण ऊ बातां करा। आपां उणने ऊंची आवाज मांय आपां ऊं बाता करता नीं स़ुणा पण आपां ने उण रो मौजूद वेणा रो बोध रेवे, आपां उण री आगीवाण मेसूस रेवे , आपा उण रे प्रेम ने जाणा, आपा उण री किरपा रा अभिलाषी हा। आपां रे जिवण मांय एड़ी घटना व्हे चुकी है जिणरी व्याख्या परमेश्वर रे अलावा ओर कोई नीं दे सके। परमेश्वर आपा ने गणा अधिक अचम्बा ऊ बचाया है अर आपां रे जीवण ने एड़ो बदळियो है के आपां उण रे अस्तित्व ने पेहचाणा अर उण री जे जेकार करणा रे अलावा ओर की नीं कर सका। इण मांय ऊं कोई दलीलापने आप मांय किने ई उकसा नीं सके जिको इण बात ने पैचाणना ऊ इंकार करे जिको के पैला ऊ इसपसट है। अन्त मांय परमेश्वर रो अस्तित्व विस्वास ऊ मानणौ चाइजै (इब्रानियो 11:6) परमेश्वर माथै भरोसो अधेरा मांय आंधी उडान नीं है आ एक हावळ तरै ऊ रोशन कमरा मांय सुरक्षित पग जठै पैला ऊं ई घणाकर लोगा रो बहुमत है।
English
कांई परमेश्वर रो अस्तितव है? कांई परमेश्वर रे अस्तितव रो कीं सबूत है?