प्रश्न
मोक्ष री योजना/मोक्ष रो मारघ काई है?
उत्तर
काई थे भूखा हो? डील ऊ भूखा नीं, पण थारे जीवन मांय कीं ओर चीज री भूख है? काई थोरे मन री गेहराई मायं ऐड़ी की चिज है जिको कदेई धापती नीजर नीं आवे? जे ऐड़ो है तो, यीशु ईज ऐक मारग है। यीशु केयो, “जीवन री रोटी म्हे हू: जिको म्हारे कने आवे वो कदैई भुखो नीं रेवेला, अर जिको म्हारे माथे विस्वास करे वो कदेई तिरौ नीं रेवेला” (यूहन्ना 6:35)।
काई थे अळुजाड़ मांय हो? काई थोरे जीवन रे वास्ते थोने कोई मारग के कोई उदेस नीजर नीं आवे? काई थोने ऐड़ो लागे के कोई लाइट बुझाय दी अर थे इने चलू करण वास्ते खटको नीं लादे। जे ऐड़ो है तो यीशु एज ऐक मारग है। यीशु घोसणा करी के, जगत री ज्योति म्हे हु, जिको म्हारे लारे व्हे जावेला वो अन्दारा मांय नी चालेला, पन जीवन री ज्योति पावेला”(यूहन्ना 8:12)
काई थोने कदेई ऐड़ौ लागे के थोरा जीवन रा दवार बन्द व्हे गिया? काई थे घणाकरा द्वार ने सिरफ ओ जाणन वास्ते बजाया हा, के वारे लारे सिरफ खालीपन अर अरथहिनता है? काई थे भरपुरी रा एक जीवन मांय प्रवेश करण वास्ते प्रवेश दवार री खोज मांय हो? जे ऐड़ो है तो यीशु ईज ऐक मारग है। यीशु घोसणा करी के, “द्वार म्हे हू, जे कोई म्हारे मारफत माय प्रवेश करे तो मोक्ष मिलेला अर बारे मांय आवतो जावतो रेअला अर चारो मिलेला” (यूहन्ना 10:9)
काई दूजा लोग हमेश थाने नीचो दिखावे? काई थोरा सबन्ध उपरला मन ऊ अर थोथा है? काई थोने ऐड़ो लागे के हरेक मिनख थोरो फायदो उठावण री कोशिश करे? जे ऐड़ो ह तो यीशु इज ऐक मारग है! यीशु केयो हो, “बढिया ग्वाळौ म्हे हु, बढिया ग्वाळौ जिनावर वास्ते आपरो जीव देवे, म्हे म्हारा जिनावर ने जाणु अर म्हारा जिनावर म्हने जाणे” (यूहन्ना 10:11-14)।
काई थे अचम्बो करो के इण जीवन रे पछै काई रेवे? काई थे थौरा जीवन ने उण चीजा ने काम मांय लेवता थाक गिया जिको सिरफ हिरड़े के काट खाय जावे? काई थाने केई बार शक रेवे के जीवन रो की अरथ है के नी ? काई थै थारी मोत रे पछै ई जीवणी चावो? जे ऐड़ो है तो, यीशु इज ऐक मारग है! यीशु घोसणा करी के, “पुनरुत्थान अर जीवन म्हे ई हू, जिको ई म्हारे माथे विस्वास करे जे वो मर ई जावेला तो वो जीवेला। अर जिको ई जिवतो है अर म्हारे माथे विश्वास करे वो अनन्तकाल तांई नी मरेला” (यूहन्ना11:25-26)।
मारग काई है? स़ाच काई है? जीवन काई है? यीशु जवाब दियो, “मारग अर स़ाच अर जीवन म्हे ई हू, म्हारे बगैर पिता कने कोई नी पुग सके” (यूहन्ना 14:6)
जिण भूख ने थे मेसूस करो वो ऐक आत्मा री भूख है, अर सिरफ यीशु रे मारफत ईज पूरी करी जा सके। ऐकलो यीशु इज है जिको अंधारा ने खतम कर सके। यीशु ऐक सन्तुष्ट जीवन रो द्वार है। यीशु ऐक मित्र अर गवाळौ है जीण री थे खोज करता हा। यीशु- इण कानी आवण वाळा संसार वास्ते जीवन है। यीशु ईज मौक्ष रो मारग है।
वो कारण जिण ऊ थै भूख ने मेसूस करो, वो कारण जिण ऊ थाने अंधारा मांय घमणो लाग, वो कारण जिण ऊ थे थारे जीवण मांय की अरथ नीं पावो, ओ है के थे परमेश्वर ऊ नैरा वेगा हो (सभोपदेशक 7:20, रोमियो 3:23)। जिण खालीपण ने थे थोरा हिया मांय मेसूस करो वो थोरे जीवन मांय परमेश्वर रो नीं व्हेणौ है। आपां री रचना परमेश्वर रे साथै सम्बम्ध बणाया राखण वास्ते करी हि। पण आपां आपां रा पाप रे कारण, आपां उण सबम्ध ऊ नैरा वेगा। इण ऊ खराब ओ है के आपां रो पाप आपां ने इण अर धकला जनम मांय ई पुरा अनन्तकाल रे वास्ते परमेश्वर ऊ नैरा व्हेण रो कारण बणेला(रोमियो 6:23, युहन्ना 3:36)
इण समस्या रो हळ काई रे सके? यीशु ई ऐक मारग है। यीशु आपां रो पाप खुद रे ऊपर ले लियो (कुरिन्थियो 5:21)। यीशु आपां रि जागा (रोमियो 5:8), उण दण्ड ने लेवता थका मर गिया जिण रा गुनेगार आपां हा। तीन दिन पछै, यीशु मुरदा मांय ऊ, पाप अर मोत रे माथे आपरी जीत ने दरसावता थका जीवता रेगा (रोमियो 6:4-5)। वो ऐड़ो क्यू करियो? यीशु खुद इण सवाल रो जवाब दियो: “इण ऊ मोटौ हेत किणौई नी के कौइ आपरा दोस्त वास्ते खुद रा प्राण दे”(युहन्ना 15:13)! यीशु मरीयो ताकी आपां जीव सका। जे आपां यीशु मांय आपां रो विश्वास, उणरी मौत ने आपां रा पाप रे वास्ते चुकायोड़ी कीमत मान’र करा – तो आपां स़ेंग पाप माफ अर धो दिया जावे। तद आपां आपां री आत्मा री भूख री सन्तुष्टी ने पा सका। पाछी लाइटा लाग जावेला। आपां री पकड़ ऐक भरपुरी रे जीवन तांई व्हे जावेला। आपां आपां रा स़ाचा बढिया अर चौखा गवाळा ने जाणाला। आपां ओ जाणौला के मरिया रे पछै ई आपां रे कने जीवन रे ला-यीशु रे साथे अनन्तकाल रे वास्ते सुरग मांय एक जीवतो रियोड़ो जीवन!
“क्यू के परमेश्वर जगत ऊं ऐड़ौ हेत राखियो के वो आपरो ऐकाएक पुत्र दे दियो, ताकी जिको ई उण माथे विश्वास करे वो नाश नीं व्हे, पण अनन्त जीवन पावे” (युहन्ना3:16)
जिको थे अठै पढियो हो काई इण कारण थे मसीह रे लारे चलना रो निरणै लियो? जै एड़ौ है तो किरपा कर ने हेठे दियोड़ा “म्हे आज यीशु ने स्वीकार कर लियो है” वाळा बटन ने दबाओ।
English
मोक्ष री योजना/मोक्ष रो मारघ काई है?