प्रश्न
थारे वास्ते यीशु ने मोक्षदाता रे रुप मांय स्वीकार करणा रो काई मतळब है?
उत्तर
काई थे कदेई यीशु मसीह ने थारा खुद रा मोक्षदाता रे रुप मांय स्वीकार करिया? इण सवाल ने सावळ उ स़मजण वास्ते पैली थाने, “यीशु मसीह”, “खुद रो” अर “मोक्षदाता” जैड़ा शब्दा री सावळ जस़मझ व्हेणी चाइजै।
यीशु मसीह कुण है? घणाकर मिनख यीशु मसीह ने ऐक चौखो मिनख, ऐक महान मास्टर, के पछै परमेश्वर रो एक आगमभाकी रे रु मांय स्वीकार करे। ऐ बाता यीशु रे बाबत पक्की तरै ऊ स़ाची है, पण ऐ र्पूई र्तै ऊ स़ावळ परीभाषा नीं देवे के वो कुण है। बाइबल आपां ने बतावे के यीशु डील मांय परमेश्वर है, परमेश्वर मिनख रुप मांय है। (देखो यूहन्ना 1:1-14)। परमेश्वर धरती माथे आपां ने शिक्षा देवण ने, स़ावळ करणे, आपा ने सुधारने , माफ करने- अर आपां रे वास्ते मरणे वास्ते आयो। यीशु मसीह परमेश्वर, सरस्टीकरता अर राज करणा वाळा प्एभु है। काई थे इण यीशु ने स्वीकार करियो?
ऐक मोक्षदाता कुण व्हे अर आपां ने मोक्षादाता री जरुरत क्यू व्हे? बाइबला आपां ने बतावे के आपां सब पाप करियो, आपां सब गळत काम करिया(रोमियो 3:10-18)। आप रा पांप रे परिणामस्वरुप, आपां परमेश्वर री रीस अर न्याव रा हकदार हा। एक अणमाप अर सनातन परमेश्वर रे खिलाफ पाप करणा रे वास्ते एक ईज सिरफ सजा अणमाप रो दण्ड है(रोमियो 6:23, प्रकाशित वाक्य 20:1-15) इण वास्ते आपां ने मोक्षदाता री जरुरत है।
यीशु मसीह धरती माथे आयो अर वो आपां री जागा मोत ने ले ली। यीशु री मौत आपां रे पाप रे वास्ते अणमाप री कीमत चुकावणी हो(कुरिन्थियो 5:21) यीशु आपां रे पाप रे दण्ड ने चुकावण वास्ते मौत ने ले ली(रोमियो 5:8)। यीशु मोल चुकायो जिण ऊं के आपां ने नीं चुकावणो पड़े। यीशु री मौत मांय ऊ पाछो जी उठणौ ओ साबित करे के उण री मौत आपां रा पाप रो जुरमानो चुकावण वास्ते भरपूर ही। ओ ईज कारण है के यीशु इज ऐक अर सिरफ ऐकलो मोक्षदाता है(यूहन्ना15:6, प्रेरितो के काम 4:12) कांई थे यीशु माथे थोरा मोक्षदाता रे रुप मांय भरोसो करो हो।
कांई यीशु थोरो खुद रो मोक्षदाता है? घणाकर मिनख मसीहत ने चरच जावणौ, रीति रिवाजा ने पुरा करणा अर कीं पाप ने नीं करणा रे रुप मांय देखे। आ मसीहत नीं है। साची मसीहत यीशु मसीह रे साथे खास सबंध व्हेणो है। यीशु ने आपरो खुद रो मोक्षदाता रे रुप माय मानणा रो मतळब उण मांय आप रो खुद रो विस्वास अर भरोसो राखणौ है। कोई ई दूजा रे विस्वास ऊ मोक्ष नीं ले सके। कोई ई खास तरै रा काम करणा ऊ मोक्ष नीं ले सके। मोक्ष लेवणा रो एकाएक मारग ओ है के थे यीशु ने आपरो मोक्षदाता, उणरी मोत ने खुद रा पाप री कीमत चुकावण रे रुप मांय भरोसो कर अर उण रा पाछा आवण ने अन्नत जीवण वास्ते पक्को मानर स्वीकार करो।(यूहन्ना 3:16) कांई यीशु व्यकतिगत रुप ऊं आपरो मोक्षदाता है?
जे थे यीशु मसीह ने थोरा मोक्षदाता रे रुप मांय मानणौ चावो तो परमेश्वर ऊ हेठे लिखियोड।अ शब्द केवो। याद राखो इण प्राथना के कोई दूजी प्रार्तना ने बोलना ऊ थाने बचा नीं सके। सिरफ यीशु मसीह अर क्रुस माथे उण रे मारफत खतम करियोड़ा काम मांय भरोसो ईज है जिको थाने पाप ऊ बचा सके। आ प्रार्थना उण मांय आपरो विस्वास दरसावण अर आपरे वास्ते मोक्ष रो प्रबन्ध करण वास्ते धन्यवाद देवण रो ऐक तरिको मात्र है। “हे परमेश्वर, म्हे जाणु हू के म्हे थोरे खिलाफ पाप करियो हूं, अर म्हे सजा रो पात्र हू। पन यीशु मसीह उण सजा ने खुद रे माथे ले ली जिण रो हकदार म्हे हो ताकी उण माथे विस्वास करणा रे मारफत म्हे माफ लियो जा सकू। म्हे मोक्ष रे वास्ते थोरे मांत म्हारे विस्वास ने राखु। थोरी अनौखी किरपा अर माफी – जिको अनन्त जीवन रो उपहार है, रे वास्ते म्हे आपरो धन्यवाद करुहू। आमीन।”
जिको ई थे अठे पढियो हो कांई उण कारण थे मसीह रे लारे चलणा रो निरणय लियो हो? जे ऐड़ो है तो किरपा कर ने हेठे दियोड़ा “म्हे आज यीशु ने स्वीकार कर लियो है” वाळा बटण ने दबाओ।
जिको थे अठै पढियो हो काई इण कारण थे मसीह रे लारे चलना रो निरणै लियो? जै एड़ौ है तो किरपा कर ने हेठे दियोड़ा “म्हे आज यीशु ने स्वीकार कर लियो है” वाळा बटन ने दबाओ।
English
थारे वास्ते यीशु ने मोक्षदाता रे रुप मांय स्वीकार करणा रो काई मतळब है?