म्‍हे अबार अबार म्‍हारो भरोसो यीशु मांय राकीयो………॥अबे आगे कांई है?



म्‍हे अबार अबार म्‍हारो भरोसो यीशु मांय राकीयो………॥अबे आगे कांई है?

बधाई हो! थे एक जीवण ने बदळने वाळो निरणय लियो हो! शायद थे ओ बूझ रिया हो, “अबे आगे काई है? परमेश्‍वर रे स़ाथै म्‍हे म्‍हारी जात्रा किकर स़रु करु?” हेठे दियोड़ा पांच कदम थाने बाइबल ऊ निरदेस देला। जद थाने थारी जात्रा ऊ बारे कोई सवाल आवे तो किरपा करने।ने देखो www.GotQuestions.org/Marwari.

1. ओ पक्‍को करो के थे मोक्ष ने स़मझो हो।

1 युहन्‍ना 5:13 आपां ने बतावे है के “म्‍हे थाने जिको परमेश्‍वर रा पुत्र माथे भरोसो राखे, इण वास्‍ते राकिया के थे जाण सको के अन्‍नत जीवण थारो है।“ परमेश्‍वर चावे के आपां मोक्ष रो मतळब समझ सका। परमेश्‍वर आपां ऊ चावे के आपां ने पक्‍को भरोसो व्‍हे जावे के आपां बचा लिया गिया हा। संक्षेप मांय, आवो आपां मोक्ष री खास बातां ने देख ला:

इण वास्‍ते के स़ेंग पाप करियो है। जिको ई आपां करियों वो परमेश्‍वर ने नाराज करण वाळो है (रोमियो 3:23)

(ख)आपां रे पाप रे कारण , आपां परमेश्‍वर ऊ अन्‍नतकाल रे वास्‍ते नेरा व्‍हेणा रो दण्‍ड रा पात्र है (रोमियो 6:23)

ग) आपां रे पाप रा दण्‍ड री कीमत चुकावण रे खातर यीशु क्रुस माथे मर गियो (रोमियो 5:8, करन्‍थियि 5:21)। यीशु आपां री जागा उण दण्‍ ने लेय’र मरियो जिण रा हकदार आपां हा। उण रे जीवता रेवणा ऊ ओ साबित रेगो के यीशु री मौत आपां रे पाप री कीमत चुकावण खातर भरपुर ही।

घ) परमेश्‍वर वां सबा ने माफी अर मोक्ष प्रदान करे जिको आप रो भरोसो यीशू मांय मांय-उणरी मौत माथे ओ भरोसो राखता थका करे के वा आपां रा पाप रा दाम चुकावण खातर ही(यूहन्‍ना 3:16, रोमियो 5:1 रोमियो 8:1 )

ओ मोक्ष रो सन्‍देस है! जे थे थौरो भरोसो यीशु मसीह माथे आपरो उदारकरता रे रुप मांय राखियो तो थे बचाय लिया गया हो। थोरा स़ेंग पाप माफ कर दिया है अर परमेश्‍वर थाने कदेई नीं छोड़ना री अर ना कदेई त्‍यागना री कसम लेवे।(रोमियो 8:28-29, मती 28:20 ) याद राखो, यीशु मसीह मांय आपरो मोक्ष सुरक्षित है (यूहन्‍ना 10:29-29)। जे थे थोरे मोक्ष देवण वाळा रे रुप मांय सिरफ यीशु माथे भरोसो राखो, तो थे निश्‍चित व्‍हे सको के सुरग मांय थे परमेश्‍वर रे स़ाथे अन्‍नतकाळ तांई रेवेला।

2. ऐक बढिया कळिसिया री खोज करो जिको बाईबल री शिक्षा देवे।

कळिसिया रो मतळब ऐक गिरजाघर के चर्च के पछै घर रे रुप मांय मती स़ोचजो। कळिसिया तो मिनख व्‍हे। ओ घनौ जरूरी है के यीशु माथे भरोसो करण वाळा एक दूजा रे स़ाथे मेळ-मिळाप राखे। औ कळिसिया रा खास मकसद मांय ऊं ऐक है अब जदै के थे थारो भरोसो यीशु मसीह माथे राक दियो, तो म्‍हे थाने घणो जोर दे’र हौसलो बढावा के थे थोरे ऐरिया मांय एक बाइबल आधारित विश्‍वासी कळिसिया री खोज कर लो अर उण रा पादरी साहब ऊ बात करो। यीशु मसीह माथे थोरे नया भरोसा रे बाबत उणाने बताओ।

कळिसिया रो एक दूजौ मकसद बाइबल री शिक्षा देणौ है। थे परमेश्‍वर रा निरदेसो ने थोरे जीवण मांय लागु करणो किकर सीख सको। बाइबल ने सम़जणो एक सफल अर सामरथी मसीही जीवन जीवणा री चाबी है। तीमुथियस 3:16-17 केवे के “सगळौ पवित्रसास्‍तर परमेश्‍वर री अगुवाई ऊ रचियोड़ौ है अर उपदेस, समझावण अर स़ुधारना अर धरम री शिक्षा रे वास्‍ते गुणकारी है। ताकी परमेश्‍वर रो भगत खरो बणे अर हरेक भला काम वास्‍ते तेयार रेवे।“

कळिसिया रो तीजो उदेस पुजा है। परमेश्‍वर रा स़ेंग करियोड़ा काम रो धन्यवाद करणौ ई पुजा है। परमेश्‍वर आपां ने बचाया है। परमेश्‍वर आपां रु प्रेम राखे। परमेश्‍वर आपां रे वास्‍ते स़ेंग चिजा री व्‍यवस्‍था करे। परमेश्‍वर आपां ने मारग दिखावे अर आपां ने निरदेस देवे। आपां क्‍यू नीं उणने धन्यवाद देवा। परमेश्‍वर पवित्र, धरमी, प्रेमी, दयालू अर किरपा ऊ भरयोड़ो है प्रकाशित वाक्‍य4:11 घोसणा करे के “हे म्‍हारा प्रभु अर परमेश्‍वर थू ई आदर, महिमा अर सामरथ रे जोग है क्‍यू के थे ईज स़ेंग चीजा ब़णाई अर वे थारी ईज मरजी ऊ ही अर बणाई।

3. परमेश्‍वर रो ध्‍यान करण वास्‍ते रोजीना टेम काडो।

आपां रे वास्‍ते रोजीना परमेश्‍वर रो ध्‍यान करणौ घणौ जरूरी है। कीं लोग इणने “मौन टेम” केवे। केई लोग इणने ”भक्‍ति रो टेम” केवे, क्‍यू के ओ एड़ो टेम है जिण टेम आपां खुद ने परमेश्‍वर रे आगे समरपित कर देवा। कीं लोग इण टेम ने सुबै री टेम नैरो राखे तो कीं लोग इण वास्‍ते आथण रो टेम ने ठिक माने। इण ऊ की फरक नीं पड़े के इण टेम ने थे काई केवो अर इणने की टेम करो। जिको बात खास है वा आ है के थे रोजीना परमेश्‍वर रे साथे टेम बितावो। की बाता है जिको भेळी व्‍हेर परमेश्‍वर रे साथे आपां रे टेम ने बणावे।

क) प्रर्थना- प्रर्थना सीदा तरीका ऊ परमेश्‍वर ऊ बात करणो है। थारी चिंता अर समस्‍या रे बाबत परमेश्‍वर ऊ बात करो। परमेश्‍वर ऊ थाने ज्ञान अर मारगदरशन देवण रो केवो। थोरी जरुरत ने पूरी करण वास्‍ते परमेश्‍वर नर केवो। परमेश्‍वर ने बतावो के थे उण ऊ कितो हेत राखो, अर जिको ई वो थोरे वास्‍ते करे उण वास्‍ते थे उण ने कितो सराहो। ऐण स़ेंग बाता ने प्रार्थना केवे।

ख) बाइबल ने पढणौ- कळिसिया मांय, अदितवार री स्‍कूल अर बाइबल पढणा री कक्षा मांय बाइबल री शिक्षा लेवण रे अलावा थाने खुद ने ई बाइबल पढणा र जरुरत है। बाइबल मांय एक सफळ मसीही जीवन जीवण री स़ेंग सामग्री दियोड़ी है जिणने थाने जाणना री जरुरत है। इण मांय परमेश्‍वर रो वो मारग दरशन दियोड़ो है के सही निरणय किकर लेवा, परमेश्‍वर ई ईच्‍छा ने कीकर जाणा, दूजा री देखभाळ किकर करां अर आत्‍मिक विकास किकर करा। बाइबल आपां रे वास्‍ते परमेश्‍वर रो वचन है। आपां आपां रे जीवन ने खास तरै ऊ कीकर राखा इण वास्‍ते बाइबल परमेश्‍वर रे निरदेसा री किताब है जिण ऊ के वो राजी व्‍हे जावे अर आपां सुखि रेवा।

4. ऐड़ा लोगा ऊ संबंध बणाओ जिको थारी आत्‍मिक सहायता कर सके।

1 करन्‍थियो 15:33 आपां ने बतावे के “धोखो नीं खावणौ: बुरी संगत चोखा चरित्र ने बिगाड़ देवे” बाइबल आपां रे माथे पड़ण वाळा “बुरा” लोगा रे असर रे बाबत दियोड़ी हावचेती ऊ भरीयोड़ी है। पाप वाळा काम करण वाळा लोगा रे साथे रेवणा ऊ आपां ने ई वां लोगा जेड़ा बणाय देवे। आपां जिण लोगा रे आड़ पाड़ रेवा वारा लखण आपां रे उपर ई असर छोड़ देवे। इण वास्‍ते आ खास बात है के आपां ऐड़ा लोगा ने आपां रे चारू मेर राखा जिको परमेश्‍वर ऊ हेत राखा अर उण वास्‍ते समरपित है।

एक या दो दोस्‍ता ने, शाद थोरी कळिसिया मांय ऊ सोदणा री कौसिस करो, जिको थारी मदद कर सके अर थोने आगे बढावे (इब्रानियो 3:13, 10:24)। थारे दोस्‍तां ने केवो के वे थारे खाली टेम मांय थारी गतोविधि अर परमेश्‍वर रे साथे थारी चाल रे बाबत जवाबदेह बणावे। उणाने बुझो के कांई थे ई वारे वास्‍ते ऐड़ौ कर सको। इण रो मतळब ओ नी है थाने आपरा वां स़ेंग दोस्‍ता ने छोडना पड़ेला जिको यीशु ने आपरो मोक्षदाता नीं माने। वारा दोस्‍त हमेशा बणयोड़ा रेवो अर वारे ऊ हेत राखो। बस आराम ऊ वाने जाणन दो के यीशु थारे जीवन ने बदळ दियो अर अब थे वे सब काम नीं कर सको जिको पैली करता हा। परमेश्‍वर ने केवो के वो थाने यीशु रे बाबत आपरा दोस्‍ता ने बतावण रो मौका देवे।

5. बपतिस्‍मो लो।

गणाकर लोगा ने बपतिस्‍मा रे बाबत जाणकारी कोनी। सब्‍द बपतिस्‍मा रो मतळब पाणी मांय डुबकी लगावणी है। बपतिस्‍मा यीशु मांय आपां रो नवो विस्‍वास अर उण रे लारे चालण रो आप रे समरपण ने सबा रे स़ामी स्‍वीकार करणा रो बाइबल आधारित एक तरिको है। पाणी मांय डुबकी लगावण की क्रिया औ दरसावे के आपां यीशु रे साथे बुरीजिया हा। पाणी मांय ऊ बारे आवण री क्रिया यीशु रे जीवता रेवण रो चित्रन है। बपतिसमा लेवण ऊ खुद ने यीशु री मोत, उणने गाडणौ अर जीवतो रे जावण री पेचाण करवाणी है (रोमियो 6:3-4)।

बपतिसमा रो मतलब ओ कोनि के थे बच गा। बपतिस्‍मा थारे पाप ने धोवे कोनी। बपतिस्‍मो तो सिरफ आज्ञाकारिता रो ऐक कदम, मोक्ष रे वास्‍ते सिरफ मसीह मांय ई आप रे भरोसा री सबा रे सामी ऐक घोसणा है। बपतिस्‍मो इण वास्‍ते खास है क्‍यु के- मसीह माथे थारे भरोसो अर उण रे खातर थारो समरपण रई सबा रे सामी घोसणा रे वास्‍ते आज्ञाकारिता रो कदम है। जे थे बपतिस्‍मा लेवण वास्‍ते तैयार हो तो थाने किणी पास्‍टर ऊ बात करणी चाइजै।



मारवाड़ी रा पैला पना माथै पाछा जावो सा।



म्‍हे अबार अबार म्‍हारो भरोसो यीशु मांय राकीयो………॥अबे आगे कांई है?