काई यीशु परमेश्‍वर है? कांई यीशु परमेश्‍वर व्‍हेणा रो दावो करियो?



प्रश्न: काई यीशु परमेश्‍वर है? कांई यीशु परमेश्‍वर व्‍हेणा रो दावो करियो?

उत्तर:
बाइबल आपां ने कठेई ओ पको नीं बतावे के यीशु आ बात केई है के, “म्हे परमेश्वर हू।“ पण तो ई इण रो मतळब ओ नीं है के वो आ घोसणा नीं करी के वो परमेश्वर नीं है। उदारहरण रे वास्ते युहन्ना 10:30 मांय यीशु रा इण श्ब्दा ने ले लो, “म्हे अर पिता दोनू एक हा।“ आपां ने यीशु रे इण र्थन रे खातर करयोड़ी परतिकिरिया ने ओ देखण वास्‍ते करणो चाइजै के वो परमेश्‍वर व्‍हेणा रो दावो कर रियो हो। इण वास्‍ते वे उण माथे भाटा फेकणी चावता। थू मिनख व्‍हे’र खुद ने परमेश्वर ब़णावे। (यूहन्ना 10:33) यहूदी हावळ ऊ यीशु रे केवण रो मतळब स़मज गा हा मतळब उणरा ईश्‍वर व्‍हेणा रा दावा ने। ध्‍यान देणा री बात है के यीशु खुद रे परमेश्‍वर व्‍हेणा रे दावा ने खारज नीं करे। जद यीशु आ घोसणा करे के, “म्हे अर पिता ऐक है” (यूहन्ना 10:30) तो वो ओ केवतो हो के वो अर पिता स्वभाव अर तत्व मांय ऐक है। यूहन्ना 8:58 एक दूजो उदाहरण है। यीशु आ घोसणा करी के, “म्हे थारे ऊ स़ाची स़ाची केवु के, ईन पैली के अब्राहम जनमियो, म्हे हूं।“ जिको यहूदी इण बात ने स़ुणी वारी परतीकिरया भाटा लेय’र ईश्वर री बुराई रे कारण भाटा ऊ मारणा री ही एकदम ऐड़ी ज्यू मूसा री व्यवस्था मांय वाने आदेश हो।

यूहन्ना यीश ईश्वरवाद री धारणा ने दोहरावे के: “वचन परमेश्वर हो” अर “वचन मिनख बणियो” यूहन्ना 1:1, 1:14। ऐ लाइणा साफ साफ इशारो करे के यीशु ई सरीर ऊ परमेश्वर है। प्रेरितो रो काम 20:28 आपां ने बतावे के थे परमेश्वर री कलिसिया री रूखाळी करो जिने वो आपरे लोही ऊ मोल ली ही।“ जिको कलिसिया ने मोल लियो है- परमेश्वर रि कलिसिया ने- आप रा लोही ऊ मोल लिहै? मतळब यीशु मसीह ने। प्रेरितो रा काम 20:28 घोसणा करे के परमेश्वर उण री कलिसिया ने खुद रा लोही ऊ मोल ली है। इण वास्ते यीशु ई परमेश्वर है।

चेलो थोमा यीशु रे बाबत ऐड़ी घोसणा करी के, “हे म्हारा प्रभु, हे मेरे परमेश्वर” (युहन्ना 20:28)। यीशु उणने नीं सुधारियो। तितुस 2:13 आपां ने आपां रा परमेश्वर अर मोक्ष देवणवाळा, यीशु मसीह रे आवण री बाट जोवण वास्ते उत्साहित करे। इब्रानियो 1:8 मांय पिता यीशु रे वास्‍ते ऐड़ी घोसणा करे के, “पण पुत्र रे विषै मांय केवे के हे परमेश्वर थारो सिंहासन युगान युग रेवेला, थारे राज रो राजदण्ड न्याव रो राजदण्ड है।“ पिता यीशु ने “हे परमेश्वर” केय ने बुलावे जिण कारण यीशु ईज जरुर परमेश्वर है।

प्रकाशित वाक्य मांय एक सुरगदूत प्रेरित यूहन्‍ना ने सिरफ परमेश्‍वर ने ई धोक देवण रो निरदेस देवे। (प्रकाशित वाक्य 19:10) पवित्र शास्तर मांय केई बार यीशु आराधना ने प्राप्त करी (मती 2:11, 14:33, 28:9,17, लुका 24:52, यूहन्ना 9:38)। वो लोगा ने कदेई ऊनरी पुजा करणे वास्ते हाका नीं करिया। जे यीशु परमेश्‍वर नीं व्‍हेतो तो वो लोगा ने के देवतो के वे उण री पूजा नीं करे। ठीक यू ज्‍यू सुरगदूत प्रकाशित वाक्‍य मांय कियो। अठै भळे ई लाइणा अर पवित्र शास्‍त्र रे बाबत है जिको यीशु री ईदश्‍वर व्‍हेणा री बात करे।

सबा ऊ खास कारण के क्यू यीशु ने परमेश्‍वर व्‍हेणौ हो वा आ है के जे यीशु परमेश्‍वर नी है तो उणरी मौत पुरा संसार रे पाप रा जुरमाना री कीमत चुकावण वास्‍ते पुरी नीं व्‍हे सकती हि (यूहन्ना 2:2)। जे अगर वो परमेश्वर नीं व्हेतो तो यीशु सिरफ एक बणायोड़ौ मिनख व्हेतो, वो अन्नत परमेश्वर एव स़ामी पाप रे वास्‍ते मांगियोड़ा अन्‍नत जुरमाना ने चुका नीं सकतो। सिरफ परमेश्‍वर ईज इता मोटा अणमाप रा जुरमाना ने चुका सके। सिरफ परमेश्‍वर ईज इण संसार रा पाप ने उठाय ने लेजा सके 2 करन्थियो5:21, मर सकता अर जी उठणा रे मारफत मौत अर पाप रे उपर आपरी जीत ने प्रमाणीत कर सके।



मारवाड़ी रा पैला पना माथै पाछा जावो सा।



काई यीशु परमेश्‍वर है? कांई यीशु परमेश्‍वर व्‍हेणा रो दावो करियो?