Waat is de waeg nao mien redding? Waat is Gods reddingsplan veur mich?



Vraog: Waat is de waeg nao mien redding? Waat is Gods reddingsplan veur mich?

Antjwoord:
Höbs se hónger? Ich bedoel geine lichamelikke hónger. Höbs se hónger nao get mier in 't laeve? Zit d'r deep bènnenin dich get wat noets tevraeje waert gesjtèld? Jao? Den is Jezes de waeg! Jezes zaet: “Ich bèn 't broed det laeve geuf. Waem bie Mich kump, zal noets mier hónger höbbe. Waem in Mich geluif, zal noets mier doors kriege.” (Johannes 6:35)

Bès dich in de war? Wilt 't dich mer neet lökke om richting of ein doel in dien laeve te vènje? Liek 't esof emes 't leech haet oetgedaon en dich de leechknoep mer neet kins vènje? Jao? Den is Jezes de waeg! Jezes zei: “Ich bèn 't leech van de waereld. Waem Mich volg, zal noets in 't duuster op 't geveul de waeg probere te vènje, mer hae zal in 't leech laeve.” (Johannes 8:12)

Höbs dich soms 't geveul des se oet 't laeve bès boetegeslaote? Höbs se al eine houp deure geprobeerd, mer bleek alles achter die deure steeds laeg en zinloos te zeen? Jao? Den is Jezes de waeg! Jezes zei: “Ich bèn de deur en waem door Mich nao bènne geit, zal veilig zeen. Hae zal in en oet kinne gaon en aete vènje.” (Johannes 10:9)

Laote angere miense dich altied sjtikke? Zeen dien relasies oppervlakkig en laeg gewaes? Liek 't esof ederein dich probeert te gebroeke? Jao? Den is Jezes de waeg! Jezes zei: “Ich bèn de gooie herder. De gooie herder geuf Zien laeve veur de sjäöp... Ich bèn de gooie herder. Ich kin mien sjäöp en zie kinne Mich...” (Johannes 10:11, 14)

Höbs se dich oets aafgevraog wat d'r nao dit laeve zal gebeure? Bès dich 't meug óm te laeve veur dinger die allein maar wegrotte of wegroeste? Vreugs se dich oets aaf of 't laeve waal zin haet? Wils dich laeve nao diene doed? Jao? Den is Jezes de waeg! Jezes zei: “Ich bèn Zelf 't laeve. Waem in Mich geluif, zal laeve, zelfs as d'r gesjtórve is. Waem laef en in Mich geluif, zal noets sjterve.” (Johannes 11:25-26)

Waat is de waeg? Waat is de waorheid? Waat is 't laeve? Jezus antjwoordde: “Ich bèn de waeg, de waorheid en 't laeve. Ich bèn de einsige waeg nao de Vader.” (Johannes 14:6)

De hónger dae se veuls is eine hónger van de zeel. Deze hónger kin allein door Jezes verholpe waere. Jezes is de einsige dae 't duuster kin weghaole. Jezes is de paort nao ein tevraeje laeve. Jezes is de vrundj en de herder dae se altied al höbs gezoch. Jezes is 't laeve: in deze waereld en in de volgende. Jezes is de waeg nao dien redding!

De raeje veur diene hónger, de raeje des se verlaore lieks in 't duuster, de raeje des se de zin van 't laeve neet zuus, is des se van God bès aafgezönjerd. De Biebel vertèlt ós det veer allemaol gezunjigd höbbe en det ver daoróm van God zeen afgesjeije (Praeker 7:20; Romeine 3:23). De laegde dae se in dien hert veuls is d'r omdes se God mis in dien laeve. Veer zeen gemaak óm ein relasie mèt God te höbbe. Door oos zunj zeen ver van die relasie aafgesjneje. En nog erger, oos zunj höbbe d'rveur gezörg det ver tot in de iewigheid van God Zelf zeen aafgezönjerd. In dit laeve en in 't volgende (Romeine 6:23; Johannes 3:36).

Wie kin dit probleem den opgelos waere? Jezes is de waeg! Jezes haet oos zunj op Zich genómme (2 Korintiërs 5:21). Jezes is in oos plaats gesjtórve (Romeine 5:8); Hij haet de sjtraof dae veer verdeend höbbe op Zich genómme. Drie daag later is Jezes oet de doed opgesjtaon. Daomèt haet D'r Zien euverwinning op de zunj en de doed beweze (Romeine 6:4-5). Waoróm haet Hae det gedaon? Jezes haet die vraog Zelf veur ós beantjwoord: “Waem zien laeve opgeuf veur zien vrunj, haet de groetste leefde” (Johannes 15:13). Jezes is gsjtórve zoedet wae kinne laeve. Es veer in Jezes geluive en d'rop vertroewe det Ziene doed veur oos zunj haet betaald, den zeen al oos zunj vergaeve en weggewasse. Ooze geistelikke hónger zal den verholpe zeen. 't Leech zal den aangaon. Ver zulle toegank höbbe tot ein laeve vol tevraejeheid. Ver zulle ooze bèste vrundj en gooie herder kinne. Ver zulle weite det wae ein laeve nao de doed höbbe; in ein nuuj lief ein iewig laeve mèt Jezes!

“Want God haet zoe väöl leefde veur de waereld, det Hae Ziene einsige Zoon haet opgegaeve, zoedet eder dae in Häöm geluif neet verlaore zal gaon, mer 't ieuwige laeve zal höbbe.” (Johannes 3:16)

Höbs dich ein besjloet genómme veur Kristes door was se hie höbs gelaeze? Es det zoe is, klik den estebleef op de knoep "Jao, ich höb Jezes vandaag aangenómme".


Trök nao de Limburgse toespagina

Waat is de waeg nao mien redding? Waat is Gods reddingsplan veur mich?