Höbs dich iewig laeve?



Vraog: Höbs dich iewig laeve?

Antjwoord:
De Biebel is dudelik euver de waeg nao 't iewige laeve. Op de ierste plaats mótte ver erkènne det ver taege God gezunjigd höbbe: “Alle miense höbbe gezunjigd en misse daodoor Gods glorie” (Romeine 3:23). Ver höbbe allemaol dinger gedaon die bie God neet door de beugel kinne. Daoróm verdene ver allemaol eine sjtraof. Ómdet al oos zunj oetèntelik taege eine iewige God waere begaon, is allein eine iewige sjtraof genóg. “De zunj betaalt ein zwaor loen: de doed! Mer de genade van God geuf wat nemes verdeent: iewig laeve mèt Kristes Jezes, ooze Hieër” (Romeine 6:23).

Mer Jezes Kristes, de zunjeloze (1 Petrus 2:22), iewige Zoon van God is eine miens gewaore (Johannes 1:1,14). Hae is gesjtórve óm oos sjöldj te betale. “Mer God haet ós Zien groete leefde laote zeen door Kristes te sjture en Häöm veur ós te laote sjterve wie veer nog sjöldjige zönjiers waore” (Romeine 5:8). Jezes Kristes is aan 't kruus gesjtórve (Johannes 19:31-42): Hae haet de sjtraof op Zich genómme dae veer verdene (2 Korintiërs 5:21). Drie daag later is D'r oet de doed opgesjtaon (1 Korintiërs 15:1-4). Dit bewies zien euverwinning op de zunj en de doed. “Alle dank en ier is veur de God en Vader van ooze Hieër Jezes Kristes, Dae zoe ónveursjtelbaar good veur ós is. Hae haet nuje miense van ós gemaak door Jezes Kristes oet de doed trök te bringe tot 't laeve.” (1 Petrus 1:3)

In vertroewe mótte ver ós aafkiere van oos zunj en ós tot Kristes kiere óm gered te waere (Hanjelinge 3:19). Es ver oos geluif in Häöm sjtelle en vertroewe op Ziene doed aan 't kruus es betaling veur oos zunj, den zulle ver vergaeve waere en weurt ós ein iewig laeve in de hemel belaof. “Want God haet zoe väöl leefde veur de waereld, det Hae Ziene einsige Zoon haet opgegaeve, zoedet eder dae in Häöm geluif neet verlaore zal gaon, mer 't ieuwige laeve zal höbbe.” (Johannes 3:16). “Want es ger zègk det Jezes Kristes eure Hieër is en es ger mèt gans eur hert geluif det God Häöm oet de doed haet opgewek, den zult ger gered waere” (Romeine 10:9). 't Geluif in 't volbrachte werk van Kristes aan 't kruis is de einsige echte waeg nao 't iewige laeve! “Door Zien genade zeet geer noe gered; doordet ger in Häöm zeet gaon geluive. Det is neet eur eige verdeenste, mer ein kado van God. Nemes zal kinne zègke det d'r dit zelf haet klaorgesjpeeld.” (Efeziërs 2:8-9)

Es se Jezes Kristes noe wils aannumme es diene Redder, den is dit ein veurbeeld van ein gebèd des se kins baeje. Vergaet neet det 't opzègke van ein gebèd dich noets zal kinne redde. Allein ein echt vertroewe in Kristes kin dich oet dien zunj redde. Dit gebèd is gewoen ein meneer óm aan God dudelik te make des se in 'M geluifs en óm 'M te danke veur dien redding. "God, ich weit det ich taege Uch gezunjigd höb en det ich eine sjtraof verdeen. Mer Jezes haet de sjtraof dae ich verdeen op Zich genómme, zoedet ich vergaeve kin waere door in Häöm te geluive. Ich kier mich noe aaf van mien zunj en vertroe allein op Uch veur mien redding. Danke veur Eur wónjerbaarlikke genade en vergaeving: 't kado van 't iewige laeve! Ame!"

Höbs dich ein besjloet genómme veur Kristes door was se hie höbs gelaeze? Es det zoe is, klik den estebleef op de knoep "Jao, ich höb Jezes vandaag aangenómme".


Trök nao de Limburgse toespagina

Höbs dich iewig laeve?