Ich höb zjus mien geluif in Jezes gesjtèld.... en noe?



Ich höb zjus mien geluif in Jezes gesjtèld.... en noe?

Perfiesiat! Doe höbs ein beslissing genaome dae dien laeve zal verangere! Mesjien dènk se: “En noe? Wie begin ich mien nuuj reis mèt God?” De vief sjtappe die hiejónger volge zulle dich aanwiezinge gaeve oet de Biebel. Es se vraoge höbs euver dien reis mèt God, sjrief ós den estebleef via https://www.gotquestions.org/Limburgs.

1. Zörg des se 't begrip “redding” of “verlossing” good begrieps.

1 Johannes 5:13 vertèlt ós: ”Ich sjrief dees dinger aan uch miense die geluive in de naam van de Zoon van God, zoedet ger zult weite det ger 't iewige laeve höb.” God wilt det veer oos verlossing begriepe. God wilt det veer zekerheid höbbe euver oos verlossing. Daoróm zètte ver hie nog 's efkes kort op ein rieke wat de redding inhauwt:

Veer höbbe allemaol zunj begaon. Veer höbbe allemaol dinger gedaon die te kort sjete ten opzichte van Gods heilige sjtanderd (Romeine 3:23).

Door die zunj verdene ver 't om gesjtraof te waere met eine ieuwige aafzönjering van God (Romeine 6:23).

Jezes is aan 't kruus gesjtórve om de sjöldj te betale veur oos zunj (Romeine 5:8; 2 Korintiërs 5:21). Jezes is in oos plaats gesjtórve. Zoe haet Hae de sjtraof op Zich genómme dae veer verdeend höbbe. Zien opsjtenjing bewies det de doed van Jezus genóg waor en is óm veur oos zunj te betale.

God geuf ós vergaeving en verlossing van oos zunj, es ver in Jezes geluive en d'rop vertroewe det Ziene doed veur oos zunj haet betaald (Johannes 3:16; Romeine 5:1; Romeine 8:1).

Det is de baodsjap van de verlossing! Es dich dien vertroewe in Jezes Kristes höbs gesjtèld es diene Verlosser, den bès se gered! Al dien zunj zeen vergaeve en God belaof det d'r dich noets zal loslate of in de sjteek zal laote (Romeine 8:38-39; Matteüs 28:80). Ónthauw det dien redding veilig is in Jezes Kristes (Johannes 10:28-29). Es dich allein op Jezes vertroes es diene Redder, den kins se der zeker van zeen des se de iewigheid same mèt God in de hemel zuls doorbringe.

2. Zeuk noe ein goeje kirk woe de Biebel waert óngerweze.

Doe mós de kirk neet zien es ein gebouw. De kirk besjteit oet de miense. 't Is hiel belangriek det miense die in Jezus Kristes geluive vruntelik en geistelik mèt mekaar ómgaon. Det is ein van de belangriekste doele van ein kirk. Noe des dich dien vertroewe in Jezes Kristes höbs gesjtèld, wille ver dich op 't hert drökke om ein Biebelvaste kirk in dien sjtad of dörp te vènje en mèt de veurgenger te gaon kalle. Laot 'm weite des dich noe in Jezes Kristes geluifs.

Ein twiede doel van de kirk is 't óngerwieze van de Biebel. Dich kins liere wie se Gods aanwiezinge in dien laeve kins toepasse. 't Begriepe van de Biebel is de sjleutel tot ein succesvol en krachtig Kristelik laeve. 2 Timoteüs 3:16-17 zaet: ”Alle Biebeltekste zeen door God ingegaeve en zeen good óm ós de waorheid te liere en ós d'rop te wieze wat d'r nog fout is in oos laeve; zuu zètte oos laeve op orde en helpe óm te zeen wat rech en good is. Zoe maak God ós gereid, zoedet D'r ós kin gebroeke veur eder good werk.”

Ein derde doel van de kirk is 't höbbe van ein zoegenaamde “ieredeens”. In ein ieredeens bedanke ver God (meistal mèt zinge en meziek) veur wat Hae veur ós haet gedaon en nog steeds duit! God haet ós gered. God hauwt van ós. God zörg veur ós. God leijt ós en wies ós de richtige waeg. Wie zauwe veer Häöm neet kinne bedanke? God is heilig, rechvaerdig, bermhertig, vol leefde en genade. Aopebaring 4:11 zaet: “Hieër, ooze God, Geer verdeent alle lof, ier en mach, ómdet Geer alles gemaak höb. Alles is óntsjtaon en gemaak, ómdat Geer det gewildj höb.”

3. Neem edere daag de tied óm dich op God te kónsentrere.

't Is hiel belangriek veur ós om edere daag de tied te neme om ós op God te kónsentrere. Sommige miense numme dit eine “sjtille tied”. Angere numme 't ein “toewiejing”, ómdet dit eine tied is woerin ver ós toewieje aan God. Sommige miense doon dit smörges, angere doon 't lever saoves. Mer 't maakt neet oet wie se deze tied nums of wienie des se dit duis. Waat waal belangriek is, is des se regelmaotig tied oettrèks om mèt God same te zeen. Wie veer det kinne doen?

Baeje. Ein gebèd is hiel simpel kalle mèt God. Kal mèt God euver al dien zörg en probleme. Vraog Häöm óm wiesheid en begeleijing. Vraog God óm dich edere daag te gaeve was se nudig höbs. Vertèl God wie väöl des se van 'M hauws en wie zier des se waardeers wat Hae allemaol veur dich duit. Det is wat belangriek is wienie ver baeje.

De Biebel laeze. De Biebel waert in de kerk óngerweze – in de zóndessjaol, Biebeltsudies en/of de ieredeens – mèr toch is 't belangriek des se ouch zelf de Biebel leus. In de Biebel sjteit alles was se mós weite óm ein succesvol Kristelik laeve te leije. In de Biebel vertèlt God ós wie ver beslissinge kinne neme, wie ver kinne weite wat Ziene wil is, wie se angere miense kins helpe en wie se geistelik kins greuje. De Biebel is Gods Woord aan ós miense. De Biebel is oetèntelik Gods gebroeksaanwiezing veur oos laeve; de Biebel vertèlt ós wie veer kinne laeve op ein meneer die God plezeert en ós zelf tevraeje hauwt.

4. Óntwikkel relasies mèt miense die dich in geistelik opzich kinne helpe.

1 Korintiërs 15:33 vertèlt ós: “Mer laot uch nieks wiesmake. Sjlechte vrunj bederve gooie gewèndes.” De Biebel sjteit vol waarsjoewinge euver de invloed die “sjlechte” miense op ós kinne höbbe. Es veer väöl tied doorbringe mèt miense die zich bezighauwe mèt zunjige dinger, den zulle veer verleid waere om mèt te doon. “Was se dich mèt bezig hauws, zal dich besjmètte.” Daoróm is 't zoe belangriek des se dich omrings mèt angere miense die van de Hieër hauwe en hun laeve aan Häöm wieje.

Probeer eine of twie vrunj te vindje, mesjiien in dien kirk, die dich kinne helpe en bemoedige (Hebreje 3:13; 10:24). Vraog dien vrunj om dich verantjwoordelik te hauwe wat betref diene “sjtille tied”, dien aktiviteite en dien laevesreis mèt God. Vraog of des dich dit ouch veur hun kins doon. Dit beteikent neet des se al dien vrunj mós opgaeve die Jezes nog neet es heure Redder kinne. Blief eine vrundj en laot ze zeen des se óm hun gaefs. Laot ze gewoen weite det Jezes dien laeve haet verangerd en des se sommige dinger neet mier wils doon. Vraog God om dich kanse te gaeve óm mèt dien vrunj euver Jezes te kalle.

5. Waer geduip.

Väöl miense begrepe neet good wat de duip is. 't Woord “duipe” beteikent ónger water dómpele. De duip is de Biebelse meneer om äöpelik dien nuuje geluif in Jezus oet te sjpraeke, en ouch dien toewiejing óm 'M te volge. Wienie emes geduip waert, den waert d'r ónger water gedómpelt; dit simboliseert de begrafenis met Kristes. Den weer nao baove kómme simboliseert de opsjtenjing van Kristes. De duip is ein identefekasie mèt de doed, de begrafenis en de opsjtenjing (Romeine 6:3-4).

De duip kin dich neet redde. De duip kin dien zunj neet wegwasse. De duip is gewoen eine sjtap oet gehuurzaamheid, eine äöpelikke verkónjiging van dien geluif in Kristes es diene Redder. De duip is belangriek ómdet 't eine sjtap oet gehuurzaamheid is. Es se d'r klaor veur bès óm geduip te waere, mós se mer mèt diene veurgenger gaon kalle.


Trök nao de Limburgse toespagina

Ich höb zjus mien geluif in Jezes gesjtèld.... en noe?