म अब अब यीषु प विष्वास कररोचू आंग काय होच देक्या?



म अब अब यीषु प विष्वास कररोचू आंग काय होच देक्या?

भलो हे जाओ तमारो तम एक जिवन बदलेवाळो निर्णय लिदेचो काई तम हे विचारेचो काई आंब काई हेवाळोच परमेष्वरेसोबत मारये वाट चालेन सुरूवात कु करू काई तमेन बाईबलेती पाच वाते दकाळया जर तमेन तमार रस्ताप काई प्रष्न आवोतो कृपया www.GotQuestions.org/Lambadi आत देखो.

1 ई हमेन कळाओ तम उद्धारेन समझरेचो

1 योहान 5:13 ये वातेन केरोच जो तमोन परमेष्वरेर बेटा र नामेप विष्वास करने एरसारू लकरूच की तम ओळखो आणि ओळखो की अनंन्स जिवन तमारो छ परमेष्वर चावच तम उद्धारेर अर्थेन ओळखतो परमेष्वर हमार सामु देखरोच की हम कळालेनु स्वतःर आत्मविष्वासेती हम बचालदेचा करतांनी काई वातेती देखलाउद्धारेर मुख्य वाते देखला

(क) येरसारू की रो हेतानीपाप किदेच जे काई हम किदेचा परमेष्रेन जो अच्छो लागेनी जु च किदेचा (रोमीयो 3: 23)

(ख) हमार पापेर कारण परमेष्वरेती अनंतरकाळेसारू छेटी हेगेचा दंडे सारू (रोमियो 6:28)

(ग) हमार पापेर किमंत यीषु देसारू यीषु मरगो (रोमियो 5:8) येषू हमारे उपरेर दंडेसारू मरगो जेर हकदार हम हेतने वेरो जि उठनू हमेन दकाळदिनो वजी येथूरो मरनो हमार पापेरो मोल दे सारू हेत्तो

(घ) परमेष्वर वोन्दून षेन क्षमा उद्धार दे नाकाच जे लोग आपलो विष्वास येषूप करच ओर मरनेप हमार पापेर दाम देतानी हमेन मोकळो किदो (योहान 3:16, रोमियो 5:1, रोमिया 8:1)

ई उद्धारेरो आच वात छ जर तम येषू ख्रिस्तेन उद्धारकर्ता करतांनी मानते हियो तो आच वात छ तमार सारी पापेन परमेष्वर माफ करणाकोच ऊ कन्हाही छोड कोणी त्याग कोणी आरेसामु देखु रोमयो 8:28,29, मत्त 28:20 ध्यान रकाडो येषु ख्रिस्तेम तमारो उद्धार अच्छेती छ (योहान 10ः28,29) जर तम उद्धारकर्ता करतांनी फक्त येषु पर भरोसो करते हयो तो खरोच तम स्वगैर अंनतकाहेर परमेष्वरे सोबत रियो

2 एक अच्छी मेळावेन ढूंढो को बाईबलेती अच्छो षिकाये

मळावेन एक चर्च आवा घर करण मत देखो मळाव तो लोग छ ई घन मतवेरो वात छ येषू प विष्वास करेवाळ एकदुसरे सोबत रो ई मळावेरो अांगाळीर उद्देषीमायीरो एक छ जर तम आपको विष्वास येषू ख्रिस्तेप मेल दिनो तो आपले आपले क्षेत्रेम बाईबलेर आधारित विष्वासुर मळावेम एक अच्छो नायक देकन ओर लार चालो येषू ख्रिस्तेन आपले नविन विष्वासेम दकाळो

मळाव ई एक दुसर वातेन बाईबलेती द च तम आपके जिवनेम परमेष्वरेर वातेन लगालो बाईबलेन समझन लेनो एक आचो जिवन जगनो आणि एक ख्रिस्ती जिवन जगनो येर किल्ली छ 2 तिमियियूस 3:16-17 आत केवोच पवित्र गं्रथेम परमेष्वरेर प्रेरणातीच पूर्ण उपदेष तैयार हियोच समझायेन सदारेन धार्मिकतरा षिकायेर एक छ तक परमेष्वरेरो मनक्या आचो बनिये ओर रो कामे सारू तैयार हिये

मळावेरो तिसरी वात आराधना छ परमेष्वरेरो षे कामे सारू धन्यवाद देनो कतो आराधना छ परमेष्वर हमेंन बचायच परमेष्वर हमेती प्रेम करच परमेष्वर हमार सारू सारी वस्तु दय परमेष्वर हमेन रस्तान दिकाळच आनि रातेन कळावछ का हम वोरो धन्यवाद करनो कोणी परमेष्वर पवित्र , धर्मो, प्रेमी, दयाळू, अजिक अनुग्रहेती मरानछ प्रकाषितवाक्य 4:11 आतकच हे परमेष्वर हमारो प्रभु महमा आदर आजिक सामर्थ येरो योग्य तूच छी सारी वस्तु तारी ईच्छा हे ती आनि ऊ हेगो

3 परमेष्वरे सामु हर एक दाड वोरे सारू वेळ काढो

हमार सारू हर घडी परमेष्वरेसामु देखनू मतवेरो छ काई लोक मेन मुंडो बद रकाडेरो कच मोटे लोक छो भक्ती मनन कच कारण ई असो वेळ रच स्वतःन परमेष्वरेन देणाकच काई लोक ई वेळान वेगळो करदच सांजेर वेळान पेलो स्थान दच मळ वातेती काई फरक पडेनी तम कन्ना काई कररेचो मे वातेन महत्व छ की तम नियमित रूपेती परमेष्वरे सोबत हे जाओ फुळसी वाते परमेष्वरेर सोबत हेतानी हमार वेळेन बनावच

(क) प्रार्थना- प्रार्थना परमेष्वरेती वाते करेन सरळ रस्ता छ स्वतःर चिंता व समस्या येरसारू परमेष्वररेती वाते करो परमेष्वरेन को बुद्धी आणि ज्ञानेरो मार्ग कर तमार आवष्यकता सारू परमेष्वरेन के परमेष्वरेन विकाळो तम वोती कतरा जास्त प्रेम करोची.वू तमार सारु अत्र कई करच तम वोना कतरा दखादोचो ये षे वातेन विंनती कच

(ख) बाईबलेन वाचनो मळावेम ईतवारेर षाळा, बाईबलेरो अध्याय ये षे देर सारू बाईबलेरो माहिती रकाडनू जरूरी छ बाईबल एक आचो ख्रिस्ती जिवन जगेसारू एक अच्छो सामसी छ येन ओळखन लेर गरज छ मेरे माई परमेष्वर दकाळरो एक दूसरेन कु मदत करया परमेष्वरेर ईच्छा न दकानिया आत्मारो विकास कु हिये बाइबल हमारे सारू परमेष्वरेर वचन छ हम हमार जिवनेन कुळसे तरीकाती वोरसारू तैयार करिया बाईबल परमेष्वरेरो अस पुस्तक छ हम वोरे सामु प्रसन्न हेजानू आनि वोरे सामु देकनु

4 आसे लोकुती तमार संबंध रकाडो जे लोग तमार आत्मिकतान आंग बढ़ा सकच

1 कुरिन्थियो 15:33 हमेन कच आत धोको मत खाओ मंदे लोक आच्छे लोकुन बिगाड नाकच बाइबल हमेप पदेवाड़े ख़राब वातेती अलाग हेजाव करन दिखादच पापेननी भराये हुवे लोगूर कामेम रेती हमार जिवनेम हमार कामेर द्वारा हमेना परीक्षा म नाग्देव्च हम जे तोडून देखाचा वोन्दूरो चरित्र हमारे उपर बेस जावच मेर सारू हम महत्व देनु षिकलो हमार चारी वोळी जो प्रभुती प्रेम करच वोर सोबतच रेजाओ

एक किंवा दी मित्र आपळी मळावेमाईती ढूॅंढलो वो तमार सोबत मदत करेवाळ आनि तमेन आंग लेजायेवाळ रेनु (इब्रनयो 3:13, 10:24) तमारे मित्रेन तम के दो तमार खाली वेळेम तमार कामेम परमेष्वरेर सबंधिम चालेर षिकजाओ बेनुन पुछो काई तम बी वोन्दूर सादुरू वोसोच करीयो मेरे सारू येरो अर्थ हानु छेनी की तमेन तमार रो मित्रेन छोडनु लागीय जे वो लोक येषू देवेन उद्धारकर्ता करन मानेनी वोन्दूर मित्र करण तम रेवो आनि वोन्दूती प्रेम करते रहो फक्त वोन्दून दिकाळदो येषू तमार जिवनेन बदल नाकोच अब तम आंगाळी जे काम करतेते वो काम अब कर सकोनी परमेष्वरेन को तम की परमेष्वर हमारे मित्रेर जिवनेम येषूरे वारेम के सारू मोको द

5 बापतिस्मा लो

घने कई लोकुन बापतिस्मार बारेम भ्रम छ बापतिस्मा षब्देरो अर्थ पाणि म डूबनो छ बापतिस्मा येषूम विष्वासकरेरो वोर अनुसार चालेरो ओन मानेरो पूर्ण मनेती षेर मुंडी आंग दिकाळदेरो बाईबलेर पद्धत छ पणीम डूबेर तरीका हमेन दिकारोच येषू सोबत हम गाडनाके पाणी माईती बाहार आयेरो ई दिकाळच हमेन की हम येषू सोबत जिवंत हेगे बापतिस्मा लेनो कतो स्वतःन येषूर मोतेरो गाडे जेरो जिवंत हेरो वोळखत लेनोच (रोमियो 6:3- 4)

बापतिस्मा ई छेनी की वो तमेन बछाडिया बापतिस्मा तमार पापेन धोईनी बापतिस्मा एक फक्त देवेरो आझा मानेरो एकपग उद्धारेसारू ख्रिस्तेसारू षेरे मुंडादा विष्वासेरो एक पग नाकनो छ बापतिस्मा येरसारू मतवेरा छ ख्रिस्तेप षेर मुंडाग वोर आझा मानतानी एकपग आंगनाकनो छ जर तम बापतिस्मा लिये सारू तैयार हियेतो कोई तरी पास्टरेती वाते करो



लंबाडी र मुख्य पाने प जाओ



म अब अब यीषु प विष्वास कररोचू आंग काय होच देक्या?