Bibiliya ihanura iki ku mperuka y�isi?



Ikibazo: Bibiliya ihanura iki ku mperuka y�isi?

Igisubizo:
Bibiliya ivuga byinshi cyane ku minsi y�imperuka. Hafi buri gitabo kiyirimo gifite ubuhanuzi bwo ku minsi y�imperuka. Ariko kuvuga kuri ubwo buhanuzi, kubusobanura no kubutondekanya mu gihe nibyo bigoye kandi bitavugwaho rumwe. Ariko reka tugerageze kukunyuriramo muri make.

Yesu azaza kujyana abakijijwe, abagurukane mu bicu (1 Abatesalonike 4:13-18, 1 Abakorinto 15:51-54). Aho bazajyanwa imbere y�intebe y�urubanza, bamwe bazagororerwa imirimo myiza no kwizerwa bagaragarije kw�isi, abandi batakaze ibihembo kubera kunebwa cyangwa kutumvira kwabo; ariko nta n�umwe uzamburwa cyangwa uzabura ubuzima buhoraho (1 Abakorinto 3:11-15, 2 Abakorinto 5:10).

Ubwo Antikristo (ya nyamaswa) azahita azamuka mu butegetsi, asinyane amasezerano y�amahoro y�imyaka irindwi na Isirayeli (Daniyeli 9:27). Iyi myaka 7 niyo bakunze kwita �imyaka y�umubabaro�. Mu gihe cy�iri totezwa, hazaba umubabaro mwinshi: intambara, inzara, ibyorezo ndetse n�ibizazane. Imana izaba iri gusuka umujinya wayo ku cyaha, ikibi ndetse n�urugomo biri mu isi. Muri iyi mibabaro niho hazagaragara ba banyamafarashi bane, ibimenyetso birindwi ndetse n�igikombe cy�urubanza.

Hagati muri iyo myaka 7, Antikristo azasesa ya masezerano yo kurinda Isirayeli, ahubwo ayishozeho intambara. Antikristo azakora �ikizira� ubwo azashyira ishusho ye mu ngoro y�Imana izaba yarongeye kubakwa i Yerusalemu, ngo nawe asengwe (Daniyeli 9:27, 2 Abatesalonike 2:3-10), iyo shusho izaramwa nayo. Igice cya kabiri cy�iyo myaka 7 gikunze kwitwa icy��umubabaro mwinshi� (Ibyahishuwe 7:14) cyangwa �umubabaro wa Yakobo� (Yeremiya 30:7).

Nyuma y�iyo myaka 7 y�umubabaro, Antikristo azashoza intambara simusiga kuri Yerusalemu, imirwano kabuhariwe ikazabera mu kibaya cy�ahitwa Arimagedoni. Muri iyo mirwano nibwo Yesu azahita agaruka ku mugaragaro, ashwanyaguze Antikristo n�ingabo ze, abajugunye mu nyanja y�amazuku n�umuriro utazima (Ibyahishuwe 19:11-21). Ubwo Kristo azaherako abohera Satani ikuzimu mu gihe cy�imyaka 1000, hanyuma we ategekere kw�isi muri iyi myaka yose (Ibyahishuwe 20:1-6).

Nyuma y�iyi myaka 1000, Satani azaziturwa, yongere ashake kurwana, ariko bidatinze ahite yongera atsindwe, ariko noneho ajugunywe nawe muri ya nyanja y�amazuku n�umuriro utazima (Ibyahishuwe 20:7-10) ku bw�iteka ryose. Hazahita habaho umunsi w�urubanza, abatizera bakanirwe urubakwiye (Ibyahishuwe 20:10-15), basange Satani, Antikristo n�abadayimoni mu muriro utazima. Ubwo nibwo Kristo azahita amanura isi nshya n�ijuru rishya na Yerusalemu nshya � aho abizera tuzaba iteka ryose. Muri uwo murwa ntihazarangwa umubabaro, icyaha cyangwa urupfu (Ibyahishuwe 21-22).



Garuka ku rupapuro rwanditse mu Kinyarwanda



Bibiliya ihanura iki ku mperuka y�isi?