Itotezwa ni iki? Kubera iki bavuga ko hari itotezwa rizamara imyaka irindwi?



Ikibazo: Itotezwa ni iki? Kubera iki bavuga ko hari itotezwa rizamara imyaka irindwi?

Igisubizo:
Itotezwa ni igihe cy�imyaka irindwi kizabaho, ubwo Imana izanzura guhana Isirayeli, ari nako icira urubanza abatizera bose. Itorero, rigizwe n�abizeye Yesu Kristo nk�umucunguzi wabo, ntabwo rizaba rikiri kw�isi muri icyo gihe. Itorero rizakurwa ku isi rizamurwe gusanga Yesu (1 Abatesalonika 4:13:18, 1 Abakorinto 15:51-53). Itorero rizarindwa umujinya w�Imana ugiye kuza (1 Abatesalonika 5:9). Muri Bibiliya tuhasoma amazina menshi ahabwa icyo gihe cy�itoteza: umunsi w�uburakari bw�Uwiteka (Yesaya 2:12, 13:6-9, Yoweli 1:15, 2:1-31, 3:14, 1 Abatesalonika 5:2); ibyago (Gutegeka kwa Kabiri 4:30), umubabaro mwinshi, uzaba mu gice cya 2 cy�iyo myaka irindwi (Matayo 24:21), igihe cy�amakuba (Daniyeli 12:1, Zefaniya 1:15), igihe cy�umubabaro wa Yakobo (Yereiya 30:7).

Ni ngombwa kubanza kumva neza Daniyeli 9:24-27 kugira ngo tubona gusobanukirwa impamvu icyo gihe kizabaho, n�igihe kizabera. Iki cyanditswe kivuga igihe cy�ibyumweru 70 byategekwe ubwoko �bwawe�. Ubwoko bwa Daniyeli bwari Abayahudi, cyangwa igihugu cya Isirayeli; Daniyeli 9:24 havuga igihe Imana yategetse �kugira ngo ibicumuro bicibwe n'ibyaha bishire, no gukiranirwa gutangirwe impongano haze gukiranuka kw'iteka, ibyerekanywe n'ibyahanuwe bifatanishwe ikimenyetso, ahera cyane hasigwe amavuta�. Imana yivugira ko ibyo byumweru 70 bizasohoza umugambi wayo. Iyi ni imyaka 7 (icyumweru) inshuro 70, cyangwa imyaka 490. Mu mirongo ikurikiraho, 25 na 26, Daniyeli abwirwa ko nihashira �ibyumweru 7, n�ibindi 62� (69 byose hamwe), Mesiya azakurwaho, uhereye igihe hazategekwa kubaka Yerusalemu. Mu yandi magambo, ibyumweru 69 by�imyaka (imyaka 483) nyuma y�itegeko ryo gusana Yerusalemu, Mesiya �azakurwaho�. Abanyamateka rwose bemeza ko Yesu yabambwe hashize imyaka 483 Yerusalemu yongeye gusanwa. Abahanga benshi, nubwo baba batizera ibindi, bemera rwose ku ubu buhanuzi bwa Daniyeli bwavuze ukuri.

Nuko rero, nyuma y�iyo imyaka 483 iri hagati y�igihe cy�itegeko ryo gusana Yerusalemu no kubambwa (�gukurwaho�) kwa Mesiya, hasigaye ikindi gihe cy�imyaka irindwi itaruzura nkuko Daniyeli 9:24 habivuga: �kugira ngo ibicumuro bicibwe n'ibyaha bishire, no gukiranirwa gutangirwe impongano haze gukiranuka kw'iteka, ibyerekanywe n'ibyahanuwe bifatanishwe ikimenyetso, ahera cyane hasigwe amavuta�. Iyo myaka irindwi isigaye niyo yitwa imyaka y�itotezwa cyangwa y�umubabaro � nicyo gihe Imana izarangiza guhana Isirayeli kubw�ibyaha byayo.

Daniyeli 9:27 hatunyuriramo ibizaba muri iyo myaka irindwi: �azasezerana na benshi isezerano rikomeye, rimare icyumweru kimwe. Nikigera hagati azabuzanya ibitambo n'amaturo, umurimbuzi azaza ku ibaba ry'ibizira, maze kugeza ku mperuka yategetswe uburakari buzasandazwa kuri uwo murimbuzi�. Uwo murimbuzi uvugwa niwe Yesu yise �ikizira kirimbura� (Matayo 24:15), ahandi akitwa �ya nyamaswa�, nko mu Byahishuwe 13. Daniyeli 9:27 hatubwira ko iyo nyamaswa izakora isezerano rikomeye, ariko yageza hagati y�icyo cyumweru (hashize imyaka 3 n�igice itotezwa ritangiye), igaasesa iryo sezerano, igahagarika amaturo n�ibitambo. Ibyahishuwe 13 havuga ko iyo nyamaswa izategeka isi yose kuyiramya. Ku murongo wa gatanu (Ibyahishuwe 13) havuga ko ibyo bizamara amezi 42, tuzi ko ahwanye n�imyaka 3 n�igice.

Twibukiranye: Daniyeli yavuze ko bi bizatangira mu cyumweru hagati (ku mwaka wa 3 n�igice), Ibyahishuwe 13:5 hakatubwira ko bizamara amezi 42 (indi myaka 3 n�igice), twateranya tukabona ko byose hamwe byuzuye amezi 84 cyangwa imyaka 7. Daniyeli 7:25 havuga ku mu �igihe, ibihe n�igice cy�ibihe� (igihe = umwaka 1; ibihe = imyaka 2; igice cy�igihe = igice cy�umwaka, byose hamwe bibyara imyaka 3 n�igice), hazabaho iryo �renganywa cyangwa itoteza�, bikazaba ari muri icyo gice cya nyuma cy�iyo myaka 3 n�igice iyo nyamaswa izaba ikomeye.

Ibindi byinshi kuri icyo gihe cy�itotezwa wabisoma mu Ibyahishuwe 11:2-3, ho havuga iminsi 1260 n�amezi 42, no muri Daniyeli 12:11-12 havuga iminsi 1290 n�indi minsi 1335. Iyi minsi yose itangirira hagati muri ya myaka irindwi. Iminsi yongerwaho muri Daniyeli 12 ishobora kuba ibariramo n�igihe kizakurikiraho cy�urubanza (Matayo 25:31-46) n�ubwami bw�ikinyagihumbi bwa Kristo (Ibyahishuwe 20:4-6).



Garuka ku rupapuro rwanditse mu Kinyarwanda



Itotezwa ni iki? Kubera iki bavuga ko hari itotezwa rizamara imyaka irindwi?