Kuvuga ko umuntu yaremwe mu ishusho y�Imana cyangwa ko asa nayo bivuga iki (Intangiriro 1:26-27)?



Ikibazo: Kuvuga ko umuntu yaremwe mu ishusho y�Imana cyangwa ko asa nayo bivuga iki (Intangiriro 1:26-27)?

Igisubizo:
Umunsi wa nyuma wo kurema, Imana yaravuze iti �tureme umuntu agire ishusho yacu ase natwe� (Intangiriro 1:26). Ni uko yarangije kurema kwayo. Imana yaremye umuntu mu mukungungu, imuha ubuzima binyuze mu mwuka wayo (Intangiriro 2:7). Ni ukuvuga ko umuntu ari ikiremwa kitameze nk�ibindi, kuko afite umubiri, akagira n�ubugingo/umwuka.

Kugira �ishusho� cyangwa �gusa� n�Imana muri make bivuga ko twaremanywe gusa n�Imana. Gusa n�Imana kwa Adamu ntibyari kubera ko yari afite umubiri n�amaraso. Bibiliya yerura ko �Imana ari Umwuka� (Yohana 4:24), bivuga ko ubwo itagira umubiri. Ariko nanone, umubiri Adamu yaremanywe washushanyaga ubumana, kuko atari kurwara cyangwa ngo apfe, iyo ataza gucumura.

Ishusho y�Imana ni igice cy�imbere cya Muntu, kitagaragara. Icyo nicyo umuntu adahuje n�inyamaswa, kikamuha ubutware ku bindi biremwa byose (Intangiriro 1:28), kandi kikamwerera gusabana n�Umuremyi we. Ni ishusho yo mu Mwuka. Iyo shusho igaragarira mu bwenge, mu myifatire, ndetse n�imibanire n�abandi.

Umuntu yaremanywe ubwenge bumwemerera gushyira mu gaciro ndetse akanagira imigambi. Mu yandi magambo, umuntu ashobora gutekereza, kandi akaba yatoranyamo. Ibi ni ishusho y�ubwenge n�umudendezo by�Imana. Igihe cyose umuntu ahanze imashini, yanditse igitabo, ashushanyije ubugeni, aryohewe n�umuziki, akoze imibare cyangwa se ahaye itungo rye izina, aba muri make yerekana kandi agaragaza ko yaremwe mu ishusho y�Imana.

Umuntu yaremanywe kandi umuco w�ubudakemwa n�ubukiranutsi, bikaba ishusho y�ukwera kw�Imana. Imana yitegereje ibyo yaremye byose (n�abantu barimo) isanga ari �byiza� (Intangiriro 1:31). Umutimana wacu, utuburira ikiza n�ikibi, ni igisigazwa cy�ubwo budakemwa Adamu yaremanywe. Igihe cyose umuntu yubahirije itegeko, azibukiriye ikibi, ashimye imico myiza cyangwa agize kwicuza icyaha, aba agaragaza kuremwa mu ishusho y�Imana.

Mu mibanire n�abandi, umuntu yaremewe gusabana. Ibi byibutsa ubutatu bw�Imana, ndetse n�urukundo rwayo. Mu busitani bwa Edeni, Adamu yasabanaga cyane n�Imana (Intangiriro 3:8); Imana yaje kumuremera umugore kubera ko yasanze �atari byiza ko umuntu aba wenyine� (Intangiriro 2:18). Igihe cyose umuntu ashatse, yungutse inshuti, akinishije umwana, cyangwa agiye gusenga mu kiliziya, aba yerekana ko yaremanywe gusa n�Imana.

Kuremwa mu ishusho y�Imana byemereraga Adamu umudendezo wo gufata ibyemezo ashatse. Nubwo yaremanywe kamere y�ubukiranutsi, Adamu yaje gutoranyamo gucumura maze yigomora ku Muremyi we. Adamu yatobye ishusho y�Imana yari imurimo, anayiraga abamukomotseho bose (Abaroma 5:12). Nanubu, turacyafite iyo shusho y�Imana muri twe (Yakobo 3:9), icyangujwe n�icyaha. Ubwenge, imyifatire, imibanire ndetse n�ibikorwa byacu byose byerekana ibimenyetso by�urwo rubori rw�icyaha rwatwaritsemo.

Inkuru nziza ariko nuko iyo umuntu akijijwe, Imana itangira gusukura ya shusho yayo yaremanywe, akaba �umuntu mushya waremewe ibyo gukiranuka no kwera bizanywe n'ukuri nk'uko Imana yabishatse� (Abefeso 4:24). Uko gucungurwa kuboneka mu buntu bw�Imana, binyuze mu kwizera ko Yesu Kristo ariwe ukuraho ibyaha byadutandukanyaga n�Imana (Abefeso 2:8-9). Binyuze muri Kristo, tugirwa ibyaremwe bishya bisa n�Imana (2 Abakorinto 5:17).



Garuka ku rupapuro rwanditse mu Kinyarwanda



Kuvuga ko umuntu yaremwe mu ishusho y�Imana cyangwa ko asa nayo bivuga iki (Intangiriro 1:26-27)?