Bibiliya ivuga iki ku butinganyi? Mbese ubutinanyi ni icyaha?



Ikibazo: Bibiliya ivuga iki ku butinganyi? Mbese ubutinanyi ni icyaha?

Igisubizo:
Bibiliya ihora itubwira ko igikorwa cy�umutinganyi ari icyaha (Itangiriro 19:1-13; Abalewi 18:22; Abaroma 1:26-27; 1 Abakorinto 6:9). Ku bw�umwihariko, mu Abaroma 1:26-27 hatwigisha ko ubutinganyi ari ingaruka yo guhakana no kutubaha Imana. Iyo abantu bakomeje gutsimbarara mu cyaha no kutizera, Imana �ishobora no kubateganyiriza� icyaha kirushijeho kuba kibi kandi kibatesha agaciro, kugira ngo ibereke ko ubuzima bwabo butarimo Imana, ari ubuzima butagira intego n�icyo bumaze. Mu 1 Abakorinto 6:9 hatumenyesha ko abatinganyi �abakiranirwa� batazaragwa ubwami bw�Imana.

Imana ntiremana umuntu irari ry�ubutinganyi. Bibiliya itubwira ko abantu bahinduka abatinganyi kubera icyaha (Abaroma 1:24-27) no kubera guhitamo nabi kwabo. Umuntu ashobora kuvukana inenge y�ubutinganyi, nkuko hari abantu bamwe bavukana muri kamere yabo guhohotera bagenzi babo n�ibindi byaha. Ibi ntibigomba kuba urwitwazo kugira ngo umuntu akore ibyaha, yishora mu binezeza umubiri bimucumuza. Niba umuntu yaravukanye kamere y�uburakari cyangwa umujinya w�umuranduranzuzi, ibyo se byaba ari byiza kugira ngo yishore mu ngeso zimucumuza? Ntabwo ari byo nagato! Ntiyagombye kwishora mu cyaha cy�ubutinganyi.

Ariko, Bibiliya ntisobanura neza ko ubutinganyi ari icyaha �gikabije� kuruta ibindi. Icyaha icyo ari cyo cyose kibabaza Imana. Ubutinganyi ni kimwe mu bintu byinshi biri ku rutonde mu 1 Abakorinto 6:9-10 bibuza umuntu kwinjira mu bwami bw�Imana. Dukurikije ibivugwa muri Bibiliya, Imbabazi z�Imana zishobora kugera no ku mutinganyi nkuko zihabwa umusambanyi, usenga ibigirwamana, umwicanyi, umujura, n�izindi nkozi z�ibibi. Imana yasezeranye ko izatanga imbaraga zo kunesha ibyaha, harimo n�icyaha cy�ubutinganyi, ku bantu bose bizera Yesu Kristo bifuza kurokoka (1 Abakorinto 6:11; 2 Abakorinto 5:17; Abafilipi 4:13).



Garuka ku rupapuro rwanditse mu Kinyarwanda



Bibiliya ivuga iki ku butinganyi? Mbese ubutinanyi ni icyaha?