Enkilikuanata
Kanyoo epirta teningámu Yesu anaa olalakunoni lemakeon?
Ewalata
Itangámua Yesu Kristo anaa olalakunoni lemakeon? Peyie itumoki atoningú ena kilikuanata, kishia pingás aningú kuna baa”Yesu Kristo,” lemakeon “oo “Olalakunoni”.
Kangáe Yesu? Eyiolo enkumoyu Yesu Kristpo anaa oltungáni sidai, olaitengeni kitok, arashu olaiboni le Nkai. Kesipa kuna kake melimu pii ajo kangáe ninye. Ejoki iyiok Bibilia ajo ore Yesu naa Enkai too nkirik, Enkai te mpukonoto e tungáni (ngúra Yohana 1:1, 14). Ewuo Enkai enkop aitengén iyiok. Aishiunyie iyiok, autaa iyiok, nepaliki yiok, - neye sii te nkaraki yiok! Era Yesu Enkai, Olaitobirani, OLaitoriani le nkitoo. Itangámua ele Yesu?
Kanyoo Olalakunoni, naa kanyoo pekiyieu olalakunoni? Ejoki yiok Bibilia nchere kitaasa pooki ingók; kitaasa pooki intorrok (Roma 3:10-18). Niaku tenkaraki ingók ang, kenare iyiok engóro olkumu le Nkai. Ore inkitamioto naishia o ngók nikitaasa nemeyieu Enkai naa enkitamioto nadupa. (Iroma 6:23; Embolunoto 20:11-15). Inaa pekiyieu Olalakunoni!
Ewuo Yesu Kristo enkop neye terishata ang. Ore apa keya e Yesu naa elaata oo ngók ang. (2 Ilkorintio 5:21). Etua Yesu te nkaraki ngók ang (Iroma 5:8). Etalaa Yesu enkinyiangá terishata ang. Itodolua empiunoto e Yesu ajo ore apa keya enye naa keidip pelak ingók ang. Ina peyie Yesu ake Olalakunoni lang (Yohana14:6; Iasat 4:12) ! In-gira aisilig Yesu anaa Olalakunoni lemakeon?
Amaa Yesu kolalakunoni “lemakeon”? Kedol enkumoyu oltungána anaa ira olkristianoi tenilo Enkanisa, nias entasim arashu tenimias kulie ngók. Ime olkristianoi ilo. Ore olkristian osipa naa oloota osotua lemakeon oo Yesu Kristo. Teningámu Yesu olalakunoni lino lemakeon naa kipirta apik enkirukoto ino oo siligi atau ninye. Meetae oltungáni olaku enkirukoto e kulikae. Meetae olopalikini tenias kulie baa. Pookin ake enkoitoi nikilakunyieki naa teningámu makeon Yesu anaa Olalakunoni lino, aisilig keya enyee anaa elaata oo ngók inono we mpiunoto enye anaa osiligi le nkishui oo ntarasi. (Yohana 3:16). Amaa Yesu kolalakunoni lino le makeon.
Teniyieu ningámu Yesu Kristo anaa olalakunoni lino le makeon, tiaki Enkai kuna. Tayiolo ajo tenijo ena omono arashu ay nemekilaku. Teniruk ake Yesu Kristo we siae enye naidipe tolchani nikin-dim atalaku too ngók. Ore ena omono naa enkoitoi ake duo nintoodol Enkai enkirukoto ino teninye ninchorie sii enashei tenkaraki enjeunoto. “Enkai, ayiolo ajo atarruo te dukuya yie naa kanare enkitamioto. Kake airuk ajo ajo ewaa Yesu Kristo enkitamioto terishasta ay peyie ore tenkirukototiatua ninye natum empalikino. Angámu impalikino ninchorua napik osiligi lai atua yie tenjeunoto. Angámu Yesu anaa olalakunoni lai lemakeon! Ashe tempiris oo empalikino ino- enkishorunoto enkishui oo ntarasi! Amen!
Itaasa en-dungóto/ enosa nabo pisuj Kristo tenkaraki entoki nisuma tene? Tenaa neija, aomon ronya ene “Atonyorrayie Kristo taata” nattii abori.
English
Kanyoo epirta teningámu Yesu anaa olalakunoni lemakeon?