Enkilikuanata
Kangáe eji Yesu Kristo?
Ewalata
Alang ena kilikuanata “keetay Enkai? ” ore enkilikuanata te naa keetay apa Yesu Kristo naa iltungána kuti ake oikilikuanu. Ore enkumoyu naa kenyorraa ajo ore apa Yesu naa oltungáni apa omanya Israel ilarin inkeek are oishari. Eiteru enkiguana te nkiimakinoto e Yesu nalala. kejo aaku ore dinii pookin sapukin naa keitangén ajo ore apa Yesu naa oloiboni/olaiteng’enani sidai arashu oltungáni le Nkai. Kake ejoki iyiok Bibilia ore Yesu naa kegiroo oloiboni, olaitengénani sidai arashu oltungáni le Nkai.
Igero C. S. Lewis kuna te mbuku enye naji Mere Christianity : “agira tene aibooyo oltungáni pee mejo emodai natamoo iiltungána ejo Yesu Kristo. : ‘ kara e-oto peyie anyorraa Yesu anaa olaitengénani, kake manyorraa ajo Enkai. ’ Entoki nabo ina nemeishia pekijo. Mee olaitengénani kitok oltungáni naa oltungáni ake duo ojo ntokitin natejo. Eidim ataa oltungáni le mengén arashu idim ataa oloitiriua le nemenengá. Kilasim tegelu nabo. Aa taa ore ele tungáni naa apa neton ake a enkerai e Nkai arashu oltungáni omoda arashu aitoki torrono. In-dim nintigir, ninotaki arashu iar anaa enkiyangét; arashu igilaki kung nijo ninye Olaitoriani naa Enkai. Kake mekijo kera ninye olaitengénani kitok loo iltungána. Eitu isho yiok ina rishata. Eitu ewotiki. (Macmillan, 1952, p. 55-56).
Niaku, kangáe apa ninye ejo Yesu kera?. Kangáe ejo Bibilia kera ninye? Nabo, Era Enkai to sesen. Etejo Yesu te Yohana 10:30,” Kira nanu o papa nabo”. Idim ena te dukuya ataa mejito ira Enkai. Kake, ngúra enkingási ol-yahudi tentoki natejo ninye. Etejo ninje kiar ninye “pejo kera ninye Enkai”. (Yohana 10:33). Etoningó apa nije il-yahudi Yesu anaa ketejo kera Enkai. Ore te kulo kererin, “Ore nanu o papa kira nabo” (Yohana 10:30) , kegira apa alimu ajo kerisio we Nkai. eitu ejo Yesu aitua il-yahudi arashu alimu te dapash ilomon lenyena. Eitu aikata ejo,” Eitu nanu ajo kara Enkai”. Ore pee ejo Yesu, “Ore nanu o papa kira nabo” (Yohana 10:30) , kegira apa aibalie erisioroto enye we Enkai.
Ore te Yohana 8:58 nejo Yesu atii tedukuya, e mpukunoto Enkai: Ájoki ntae esipata’, newaliki Yesu, ‘ Ore meetae Abraham, atii!”. Nedumu il-yahudi isoito pening ena peyie enang Yesu (Yohana 8:58). Peyie eya atii tedukuya, neitaas Yesu enkarna Enkai te keon- KARA (ngúra Enaidurra 3:14). Niany il-yahudi empukunoto e Yesu anaa Enkai. Kake etoyiolotio enkipirta enajito ninye.
Ore kulie wuejitin naitodolu ajo ore Yesu naa Enkai te mpukunoto e tungáni naa Yohana 1:1 najo, ‘”Ore apa ororei naa Enkai”, eboita o Yohana 1:14, najo, ‘Niaku ororei inkiri.”. Etiaka Tomas olkipareet Yesu, “Olaitoriani lai naa Enkai ai” (Yohana 20:28) , neiutaa Yesu. Elimu osinka Paulo Yesu anaa “Enkai ang kitok o Lalakunoni, Yesu Kristo” (Tito 2:13). Nejo ake sininye osinka Petero neija, aipot Yesu “Enkai o Lalakunoni lang “. (2 petero 1:1)
Ore Enkai papa neeta ake sininye empukunoto e Yesu : “Kake ore te nkerai nejo, ’ Ebik o lorika lino ntarasi o ntarasi, naa esupatisho orinka le nkitoo ino” (Ilhebrania 1:8; cf. Olkerempe 45:6). Ore inaibon o sotua musana nelimu empukunoto e Nkai e Kristo anaa Isaya 9:6 : “Amu etoikioki iyiok enkerai, ishooki iyiok enkayioni, naa kiaku oloilai lenye etii enkitoo. Keji ninye Olaiguanani le Nkingásia, Enkai Magilani, Papa loo ntaräsi, Olkitok le seriani “.
Kanyoo paa ene tipat enkikilikuanata napirta empukunoto e Yesu? Kanyoo ipaa toki tanaa Kenkai Yesu?
Tenkaraki kuna:
• Anaa enalimu C. S. Lewis, teneme e Nkai Yesu, Naa olalejani nemeisiligayu naa tiaoitoi.
• Teneme e Nkai Yesu, kiaku naake sininche isinkan ilalejak/ilaimonkok.
• Etaa apa Yesu Enkai amuu eisiligieki apa ajo ore Mesia naa kiaku “Osinyati” (Olkerempe 16:5). Oree amu meetae osupat te dukuya e Nkai (Olkerempe 53:1; 143:2) , nisugum Enkai metijingú enkop anaa oltungáni.
• Teneme e Nkai Yesu, anaata eitu eidip enkeya enye atalaa ingók enkop pooki (1 Yohana2:20. Enkai apake naidim aitayu olasar oidip. (Iroma 5:8; 2 Ilkorintio5:21).
• Enkai Ake Olaitejeunoni (Hosea 13:4; cf. 1 Timoteo 2:3). Tanaa ore Yesu naa Olaitejeunoni, Kera naa Enkai.
Esigumo Yesu meeta e Nkai oltungáni. Ore a Enkai, keidim apa Yesu aiputaki engóro e Nkai. Ore a tungáni, nidima Yesu atua. Ore a Enkai naa tungáni, naa olaisotuani bayaroti le keper we nkop. (1 Timoteo 2:5). Etumoyu ake enjeunoto te nkirukoto tiatua Yesu Kristo. Anaa peibalie, “Kara nanu enkoitoi we sipata we nkishui. Meete ololotu enetii papa itu aimu nanu.” (Yohana 14:6).
English
Kangáe eji Yesu Kristo?