Enkilikuanata
Enaidipie atipika enkirukoto ae atua Yesu… Kanyoo ae?
Ewalata
Akua! Itaasa en-dungóto enkishon! Ebaiki nigira aikilikuana, “kanyoo ae? Kai aiko paiteru elototo ae we Nkai? ” Ekincho enchoto naingúa Bibilia kuna roruat imiet naimakaki te abori. Teniata inkilikuanat te lototo ino, aomon tabaiki ene www.GotQuestions.org/Kimasai.
1. Ekinko toningú enjeunoto ino.
Ejoki iyiok 1 Johana5:13 : “Aigeroki kuna tokitin intae lelo oiruk enkarna enkerai e Nkai peyie iyiolouu ajo iyatata enkishui ontarasi.” Keyieu ninye e Nkai nikiningú enjeunoto. Keyieu e Nkai nikitum nikiyolou ajo kintajeuno.
Ten-dorropo maimae kuna baa naipirta enjeunoto:
(a) Kitaasa pooki engóki. Kitaasa pooki im-baa nemeitiship e Nkai (Iroma 3:23).
(b) Ore etaasa pooki engóki, kishiakinore iyiok enkitamioto weoro ontarasi te Nkai (Iroma 6:23)
(c) Etua Yesu tolchani pelak esile ongók ang (Iroma 5:8; 2 Ilkorintio 5:21). Etua Yesu terishata ang, neya enkitamioto naishiakinore iyiok. Neitodolu empinoto enye ajo keidip apa keya enye atalaa ingók ang.
(d) Kishooyo Enkai empalikino we njeunoto te pookin opik enkirukoto enye atua Yesu- nisilig keya enye anaa elaata o ngók ang (Yohana3:16; Iroma 5:1; Iroma 8:1)
Enaa olkilikuai le njeunoto! Tenitipika enkirukoto ino ataua Yesu Kristo anaa Olaitajeunoni lino, kintajewuoki! Kitapalikiaki ingók inono pooki. Naa ksiligie E nkai ajo mekingúa aikata (Iroma 8:38-39; Matayo 28:20). Tadamu, kirripo enjeunoto ino tiatua Yesu Kristo (Yohana 10:28-29). Teni-gira aisig Yesu anaa Olaitajeunoni lino, tayiolo ajo ebik intarasi te keper we Nkai!
2. Ngóru enkanisa sidai naitengén Bibilia.
Miya Enkanisa anaa enkaji. Ore Enkanisa naa iltungána. Ene tipat enchula olairukok le Yesu Kristo. Nabo ena esiai e Nkanisa. Ore naa itaa itipika enkirukoto ino atua Yesu Kristo, kintukuj iyie pingóru Enkanisa nairuk Bibilia te kop nimanya nirorie olairritani. Intayiolo enkirukoto ino ngéjuk tiatua Yesu Kristo.
Ore esiai eare e Nkanisa naa peitengén Bibilia. In-dim niyiolou eninko peyie intaas eutaroto e Nkai te nkishui ino. Enetipat iningúnoto e Bibilia amuu kincho enkishon sidai anaa olkristianoi. 2 Timoteo 3:16-17, nejo,” Ore ilkigerot ppoki naa Enkai nayangúa, neeta dupoto te nkitengénare, o te nkisikongáta o ererioto, o te nkitubulunoto ti atua esupatisho paa ore oltungáni le Nkai neitabari te nkias pooki sidai.”
Ore esiai e kanisa e uni naa eseremare. Ore eseremare naa aisho e Nkai e nashei too mbaa nataasa! Itajewuo yiok Enkai. Kenyorr iyiok Enkai. Keisho iyiok e Nkai. Keutaa iyiok e Nkai. Kai iko duo pee mikincho enashei? Kasinyati Enkai naa kesupat, kenyorrisho, keeta olngúr nebore empiris. Ejo Embolunoto 4:11” Kinchiaakino iyie, Olaitoriani lang o Enkai ang, pee ingámu enkisisa o enkanyit o en-golon, amuu iyie oitobira intokitin pookin, naa te yieuna ino eetae ninche eitobiruaki ninche”.
3. Tipika erishata ningórunyie Nkai anaake te ngolong’
Enetipat te yiok tenikingóru Enkai anaake. Ejo kulie ena ‘enkata nabor”. Ejo kulie “Enkata nincho Enkai”, amuu enkata oshi nikichooyo ate aisho Enkai. Eikashie kulie tadekenya ore ilkulie taa teipa. Mee ene tipat enijo ena kata. Ore entoki tipat naa iboitare oshiake Enkai. Kakua babaa naitaa enkata ang o Enkai?
(a) Enkomono. Ore enkomono naa airorie Enkai. Tiaku Enkai enyamali ino. Toomono Enkai mikinchoo engéno o eutaroto. Toiaki Enkai Mikinchoo nikinchoo intokin niyieu. Tiaki enaba eninyorr naa enaba enincho enaishei te nena pooki nikintaas. Kuna pooki enkomono.
Enkisumata e Bibilia. Ore tenebo o enkitengéna e Bibilia te nkanisa, sukuul e jumapili arashu inkisumat e Bibilia- kishia piisumaki keon Bibilia. Eeta Bibilia pookin toki niyieu niyiolou peyie imanyan enkishui sidai Olkristianoi. Eeta eutaroto Enkai eninko piya iroruat engéno, eninko piyiolou enkiprta Enkai, eninko pirikio kulie o eninko piaku toltau. Ore Bibilia naa ororei le Nkai lang. Ore Bibilia naa iutarotot Enkai eninko pekimanyan enkishon te nkoitoi naitiship ninye niidip iyiok.
4. Ntobira osotua oltungána likin-dim ataret toltau.
Ejoki iyiok 1 Ilkorintio 15:33 nchere, “Emincho itapongóri intae:’ Ore encholuek oo lkiminchal keinyal olkuak sidai”. Ebore Bibilia Kodi’ naipirta enkoitoi naidim iltungána torro atoshorroi iyiok. Ore emboita oltungána oas ingók naa keyaki iyiok intemat.” Kejutoki” iyiok iltungána lekiboitare olkuak lenye. Ina paa ene tipat tenikintaman ate iltungána onyorr e Nkai negira aisiae ninye.
Tejo aingóru olchoruet obo arashu are, anaa tenkanisa ino, lekiret nikintukuj (Ilhebrania 3:13; 10:24). Nkilikuana enchorueti inono mekitaleenoi te nkata ino nabor, to siaitin inono, o elototo ino we Nkai. Nkilikuana tenaa in-dim ataasaki sininche ina. Meiprta ena ajo ipalaa enchorueti/ ilchorueti linono lemeyiolo Olaitoriani Yesu anaa Olalakunoni lenye. Totona taa olchoruet/enchoruet enye ninyorru. Toliki nchere imbelekenya Yesu enkishui ino nemekure in-gil aas anapa nias. Toomono Enkai mekinchoo irishat nilikinyie enchorueti/ilchorueti linono ilomon le Yesu.
5. Inchoo Kim-batisae
Etapongóri enkumoyu oltungána tesiae enkibatiso. Ore ororei aibatisa neipirta “aimisie tiatua enkare”. Ore enkibatisa naa enkoitoi e Bibilia nim-balunyie enkirukoto ino ngéjuk tiatua Kristo we nkitaunoto ino piisuj ninye. Ore enkias nikimisieki tiatua enkare neitodolu enukaroto ino o Kristo. Ore empukonoto tiatua enkare neitanyanyukie empiunoto e Kristo. Tenikimbatisae naa igira aibungáre keeya e Yesu, enukaroto o empiunoto. (Iroma 6:3-4).
Mee enkibatisa nekintajeu. Misujaa enkibatisa ingók inono. Ore enkibatisa naa eroruta e nkanyit, aibalunyie te umata enkirukoto ino te Kristo tenakaraki enjeunoto. Ene tipat enkibatisa amuu eroruata e nkanyit- aibalie te umata enkirukoto ino tiatua Kristo o enkitaunoto ino teninye. Teniterrerrene penkibatisae, keishia piliki olairritani.
English
Enaidipie atipika enkirukoto ae atua Yesu… Kanyoo ae?