Njĩra ya ũhonokio nĩ ĩrĩkũ?


Kĩũria: Njĩra ya ũhonokio nĩ ĩrĩkũ?

Icokio:
Wĩ mũhũũtu? Ti nĩtondũ wa irio cia mwĩrĩ no nĩ hũũta ya kwenda ũndũ ũngĩ makĩria ma mũtũrĩĩre ũyũ? He kĩndũ thĩiniĩ waku gĩtaiganagĩra? Angĩkorwo nĩkũrĩ, menya atĩ Jesũ nĩwe njĩra! Jesũ oigire atĩrĩrĩ, “Niĩ nĩ niĩ mũgate wa muoyo. Mũndũ ũrĩa ũũkaga kũrĩ niĩ ndakahũũta o na rĩ, na ũrĩa ũnjĩtĩkĩtie ndakanyoota o na rĩ” (Johana 6:35).

Wĩmũtukanĩre mũtũũrĩreinĩ? Nĩ wonaga ta ũteete njĩra ya mũtũrĩre kana ũkaga gĩtũmi gĩa gũtũũra? Nĩ wonaga ta wahorerio ũtheri na nduonaga harĩa ũtheri ũcio wahoreirio? Angĩkorwo nĩguo wonaaga, menya atĩ Jesũ nĩwe njĩra! Jesũ nĩwe woigire atĩrĩrĩ, ““Niĩ nĩ niĩ ũtheri wa thĩ. Ũrĩa wothe ũnũmagĩrĩra ndarĩ hĩndĩ arĩthiiaga na nduma, no arĩgĩaga na ũtheri wa muoyo” (Johana 8:12).

Nĩwũiguaga karĩ kũhingĩrĩrio wahingĩrĩirio nja wa mũtũũrĩre? Nĩũgeretie kũhingũra mĩrango mĩingĩ mũtũũrĩreinĩ na ũkoona maũndũ marĩa ũtũnganaga namo nĩ ma tũhũ na matarĩ na kĩene? Nĩũretha kĩingĩrĩro kĩa mũtũũrĩre mũiganĩru? Angĩkorwo nĩguo, menya atĩ Jesũ nĩwe njĩra! Jesũ aatangathire na mũgambo mũnene akiuga, “Niĩ nĩ niĩ kĩhingo; ũrĩa wothe ũtoonyagĩra harĩ niĩ nĩakahonoka. Agaatoonyaga na akoima, na onage gĩa kũrĩa” (Johana 10:9).

Nĩwũiguaga ta andũ arĩa angĩ matakũrũmbuyagia? Ngwatanĩro yaku na andũ arĩa angĩ nĩ ĩkoretwo itarĩ na ũriku na ĩkaga bata? Nĩ wonaga andũ othe ta arĩ gũkũhũthĩra makũhũthagĩra? Angĩkorwo nĩguo, menya atĩ Jesũ nĩwe njĩra! We mwene nĩwe woigire, “Niĩ nĩ niĩ mũrĩithi ũrĩa mwega. Mũrĩithi ũrĩa mwega arutaga muoyo wake nĩ ũndũ wa ngʼondu. Niĩ nĩ niĩ mũrĩithi ũrĩa mwega; nĩnjũũĩ ngʼondu ciakwa, nacio ngʼondu ciakwa nĩcinjũũĩ” (Johana 10:11, 14).

Nĩwĩcũranagia ũrĩa gũkahuana thutha wa mũtũũrĩre ũyũ? Nĩũnogete nĩgũtũũra mũtũũrĩre wa gũtũmĩkĩra indo iria cibuthaga kana ikaroota? Nĩwĩyũragia kana mũtũũrĩre waku wĩna gĩtũmi? No wende gũtũũra muoyo thutha wa gũkua? Jesũ nĩwe njĩra! We mwene nĩwe woigire, “Niĩ nĩ niĩ kũriũka na nĩ niĩ muoyo. Nake ũrĩa wothe ũnjĩtĩkĩtie, o na aakua, nĩagatũũra muoyo; nake ũrĩa wothe ũtũũraga muoyo na nĩanjĩtĩkĩtie, ndarĩ hĩndĩ agaakua” (Johana 11:25-26).

Njĩra ya ma nĩ ĩrĩkũ? Ma nĩ ĩrĩkũ? Mũtũũrĩre mwega nĩ ũrĩkũ? Jesũ agĩcokia akiuga, “Niĩ nĩ niĩ njĩra, na nĩ niĩ ũhoro ũrĩa wa ma, na nĩ niĩ muoyo. Gũtirĩ mũndũ ũkinyaga kũrĩ Baba atagereire harĩ niĩ” (Johana 14:6).

Ng’aragu ĩrĩa wũiguaga nĩ ya kĩroho na no Jesũ tu mwene ũngĩmĩnina. Ningĩ no we tu mwene ũngĩhota gũkwehereria nduma. Jesũ nĩwe mũrango waku wa kũiganĩra mũtũũrĩreinĩ. Jesũ nĩ we mũrata na mũrĩithi ũrĩa ũkoretwo ũgĩcaria. Jesũ nĩwe mũoyo—mũtũũrĩreinĩ ũyũ na mũtũũrĩreinĩ ũrĩa ũroka. Jesũ nĩwe njĩra ya ũhonokio!

Gĩtũmi kĩrĩa gĩtũmaga wũigue ũrĩ mũhũũtu, kana ũkorĩra ndumainĩ, kana ũũkaga gĩtũmi gĩa gũtũũra, nĩtondũ nĩweheranĩire na Ngai. Ibuku rĩa Ngai rĩtwĩraga atĩ ithuothe nĩtwĩhĩtie na kwoguo tũkagayũkanio na Ngai (Kohelethu 7:20; Aroma 3:23). Mwanya ũrĩa ũraigua thĩiniĩ wa ngoro yaku uumanĩte na Ngai gũkorwo atarĩ mũtũũrĩreinĩ waku. Twombirwo nĩguo tũkoragwo na gwatanĩro na Ngai, no nĩtondũ wa mehia maitũ, tũgĩtuĩka a kũgayũkanio na gwatanĩro ĩyo. Igũrũ rĩa ũguo, mehia maitũ nĩmagatũma tũgayũkanio na Ngai tene na tene, thĩiniĩ wa mũtũũrĩre ũyũ na mũtũũrĩreinĩ ũcio ũngĩ ũroka (Aroma 6:23; Johana 3:36).

Thĩĩna ũyũ ũngĩninwo atĩa? Ũngĩninwo na njĩra ya gwĩtĩkia atĩ Jesũ nĩwe njĩra. Jesũ oire mehia maitũ na akĩmakua (Akorinitho wa kerĩ 5:21). Jesũ nĩakuire na akĩherithio handũinĩ haitũ (Aroma 5:8). Thutha wa thikũ ithatũ, nĩariũkire kuma kũrĩ arĩa akuũ na akĩonania ũtoria wake igũrũ rĩa mehia na gĩkuũ (Aroma 6:4-5). Eekire ũguo nĩkĩ? Jesũ acokirie kĩũria gĩkĩ akiuga, “Gũtirĩ mũndũ ũrĩ wendo mũnene kũrĩ ũyũ, atĩ mũndũ no arute muoyo wake nĩ ũndũ wa arata ake” (Johana 15:13). Jesũ aakuire nĩguo tũtũũre muoyo na tũngĩmwĩtĩkia na twĩhoke atĩ gĩkũu gĩake nĩkĩarĩhire thiirĩ wa mehia maitũ, no tuoherwo mehia maitũ mothe na atũtherie tũtuĩke athingu. Thutha wa ũguo, ng’aragu iitũ ya kĩroho nĩĩgũthira na utheri wiitũ wakanio. Nĩtũkũgĩa na mĩtũũrĩre mĩiganĩru na tũmenyane na mũrata witũ wa ma arĩ we o we mũrĩithi witũ mwega. Hatarĩ nganja nĩtũkũmenya atĩ nĩtũgatũũra muoyo thutha wa gũkua—tũriũke na tũtũũranie na Jesũ matuinĩ tene na tene!

“Nĩgũkorwo Ngai nĩendire kĩrĩndĩ, akĩruta Mũrũ wake wa mũmwe, nĩgeetha mũndũ o wothe ũmwĩtĩkĩtie ndakoore, no agĩe na muoyo wa tene na tene” (Johana 3:16).

Nĩwatua itua rĩa kũrũmĩrĩra Kristo nĩ tondũ wa ũhoro ũrĩa wathoma haha? Angĩkorwo nĩweka ũguo, no ũhihinye haha kĩanda harĩa handĩkĩĩtwo “nĩndetĩkĩra Kristo ũmũthĩ.”

English
Coka harĩ ndũmĩrĩri na rũthiomi rwa Gĩkũyũ
Njĩra ya ũhonokio nĩ ĩrĩkũ?