Kĩũria
Wĩna muoyo wa tene na tene?
Icokio
Ibuku rĩa Ngai nĩrĩonanĩtie wega njĩra ya kũgaaya muoyo wa tene na tene. Wambere, no mũhaka twĩtĩkĩre atĩ nĩtwĩhĩirie Ngai: “Nĩgũkorwo andũ othe nĩmehĩtie na makanyiihĩrwo nĩ riiri wa Ngai” (Aroma 3:23). Ithuothe nĩtwĩkĩte ciĩko cia kũrakaria Ngai iria itũmĩte tũtuĩrwo kũherithio. Nĩtondũ mehia maitũ mothe mekĩtwo kũrĩ Ngai ũrĩa mũtũũra muoyo, o narĩo iherithia rĩrĩa rĩagĩrĩire no rĩkorirwo rĩ rĩa tene na tene. “Nĩgũkorwo mũcaara wa mehia nĩ gĩkuũ, no kĩheo kĩrĩa Ngai aheanaga nĩ muoyo wa tene na tene thĩinĩ wa Kristũ Jesũ Mwathani witũ” (Aroma 6:23).
No Jesũ Kristo, ũrĩa ũtaarĩ na mehia (Petero wa mbere 2:22), mwana wa Ngai ũrĩa ũtũũraga tene na tene ũrĩa watuĩkire mũndũ (Johana 1:1, 14) nĩakuire nĩguo aherithio handũinĩ haitũ. “No Ngai nĩonanĩtie wendo wake kũrĩ ithuĩ na njĩra ĩno: Atĩ hĩndĩ ĩrĩa twatũire tũrĩ ehia-rĩ, Kristũ nĩatũkuĩrĩire” (Aroma 5:8). Jesũ Kristo aakuire mũtharabainĩ (Johana 19:31-42) nĩguo aherithio handũinĩ haitũ (Akorintho wa kerĩ 5:21). Thutha wa thikũ ithatũ nĩariũkire kuma kũrĩ akuũ (Akorintho wa mbere 15:1-4) na akĩonania ũhotani wake igũrũ rĩa mehia na gĩkuũ. “Nĩatũciarĩte rĩngĩ nĩ ũndũ wa tha ciake nyingĩ nĩguo tũgĩe na kĩĩrĩgĩrĩro kĩrĩ muoyo, nĩ ũndũ wa ũrĩa Jesũ Kristũ aariũkire akiuma kũrĩ arĩa akuũ” (Petero wa mbere 1:3).
Kũhĩtũkĩra wĩtĩkio, no nginya tũgarũre meciria maitũ igũrũ rĩa Kristo – meciria megiĩ we nĩwe ũ, ũrĩa eekire na eekire ũguo nĩkĩ – nĩtondũ wa gũtũhonokia (Atũmwo 3:19). Twamwĩtĩkia, twĩhoke atĩ gĩkuũ gĩake mũtharabainĩ nĩkĩaarĩhire mehia maitũ, nĩtũkũrekerwo na twamũkĩre kĩrĩgĩrĩro kĩa muoyo wa tene na tene matuinĩ. “Nĩgũkorwo Ngai nĩendire kĩrĩndĩ, akĩruta Mũrũ wake wa mũmwe, nĩgeetha mũndũ o wothe ũmwĩtĩkĩtie ndakoore, no agĩe na muoyo wa tene na tene” (Johana 3:16). “…ũngiumbũra na kanua gaku atĩ, ‘Jesũ nĩ Mwathani,’ o na gwĩtĩkia wĩtĩkie na ngoro yaku atĩ Ngai nĩamũriũkirie oime kũrĩ arĩa akuũ-rĩ, no ũhonoke” (Aroma 10:9). Wĩtĩkio thĩiniĩ wa wĩra mũrĩku wa Kristo mũtharabainĩ, nĩyo tu njĩra ĩrĩa yama ya ũtũũro wa tene na tene! “Nĩ ũndũ nĩ wega wa Ngai watũmire mũhonokio nĩ ũndũ wa gwĩtĩkia, naguo ũndũ ũcio nduoimanire na inyuĩ ene, no nĩ kĩheo kĩa Ngai, na ti ũndũ wa mawĩra marĩa mwanaruta, nĩgeetha gũtikagĩe na mũndũ o na ũmwe ũkwĩgooca” (Aefeso 2:8-9).
Ũngĩenda gwĩtĩkĩra Jesũ Kristo ta mũhonokia waku, no uuge ihoya rĩrĩ rĩhũthũ. Ririkana atĩ kuuga ihoya rĩrĩ o na kana ihoya o rĩngĩ rĩothe gũtingĩkũhonokia. Gwĩtĩkia Jesũ Kristo, no kuo tu kũngĩkũhonokia kuuma mehianĩ maku. Ihoya rĩrĩ nĩ njĩra hũthũ ya kũmenyithia Ngai igũrũ rĩa wĩtĩkio waku thĩiniĩ wake na kũmũcokeria ngatho nĩtondũ wa gũkũhonokia. “Ngai, nĩnjũĩ atĩ nĩngwĩhĩirie na kwoguo nĩnjagĩrĩirwo nĩ kũherithio. No Jesũ Kristo nĩaakuuire ihera rĩakwa nĩguo ndamwĩtĩkia njoherwo mehia makwa. Nĩndagwĩtĩkia nĩguo ũhonokie. Nĩwega nĩtondũ wa ũtugi waku wa magegania na nĩkũnjohera mehia—nĩndamũkĩĩra kĩheo kĩa muoyo wa tene na tene! Ameni!”
Nĩwatua itua rĩa kũrũmĩrĩra Kristo nĩ tondũ wa ũhoro ũrĩa wathoma haha? Angĩkorwo nĩweka ũguo, no ũhihinye haha kĩanda harĩa handĩkĩĩtwo “nĩndetĩkĩra Kristo ũmũthĩ.”
English
Wĩna muoyo wa tene na tene?