Kĩũria
Mũkristiano nũ?
Icokio
Ibuku rĩa gũtarĩria ũrĩa ciugo ciugaga, rĩtarĩirie atĩ mũkristiano nĩ “mũndũ uumbũraga wĩtĩkio wake thĩiniĩ wa Jesũ ũrĩa arĩ we Kristo kana mũrũmĩrĩri wa ndini ĩrĩa ĩrũmagĩrĩra moorutani make.” Ona gũtuĩka ũtaũri ũyũ nĩ kĩambĩrĩria kĩega, ta ũtaũri ũngĩ o wothe, ndũkinyanĩire gũtarĩria ũũma ũrĩa uumanĩte na Ibuku rĩa Ngai wĩgiĩ ũrĩa mũkristiano agĩrĩirwo nĩ gũkorwo. Kiugo “Mũkristiano” kĩhũthĩkĩte maita matatũ kĩrĩkanĩroinĩ kĩrĩa kĩerũ (Atũmwo 11:26; 26:28; Petero wa mbere 4:16). Arũmĩrĩri a Kristo mambĩrĩirie gwĩtwo “Akristiano” itũrainĩ rĩa Antiokia nĩtondũ wa mĩtugo na mĩario yao ĩrĩa yarĩ o ta ya Kristo. Kiugo “Mũkristiano” kiugaga “ũmwe wa gĩkundi gĩa Kristo” kana “mũrũmĩrĩri wa Kristo.”
No mũtino nĩ atĩ, o ũrĩa mahinda makoretwo mathiĩte, noguo kiugo “mũkristiano” gĩtete ũritũ wa kĩo na gĩkahũthĩka gũtarĩria mũndũ ũrĩa ũrarũmĩrĩra moorutani ma ndini kana ũronekana ena mĩtugo mĩega, akorwo e mũrũmĩrĩri wa ma wa Jesũ Kristo kana atarĩ wa ma. Andũ aingĩ arĩa matetĩkĩtie na makehoka Jesũ Kristo meĩtaga akristiano nĩtondũ nĩmathiaga kanitha kana magakorwo marĩ aikari a bũrũri ũĩkaine atĩ nĩ wa “akristiano”. No gũthiĩ kanitha, gũtungata arĩa matehotete tawe, kana gũkorwo wĩ mũndũ mwega gũtingĩgũtua mũkristiano. Gũthiĩ kanitha gũtingĩhota gũgũtua mũkristiano ota ũrĩa gũthiĩ harĩa hathondekagĩrwo ngari gũtangĩgũtua ngari. Gũkorwo wĩ mũrũmĩrĩri wa kanitha, gũthiaga kanitha kaingĩ, ona kana kũheana indo ciaku ihũthĩke kũruta wĩra wa kanitha gũtingĩtũma ũtuĩke mũkristiano.
Ibuku rĩa Ngai rĩrutanaga atĩ ciĩko njega iria twĩkaga itingĩtũma twĩtĩkĩrwo nĩ Ngai. Tito 3:5 yugaga atĩ, “Nĩatũhonokirie, na ti ũndũ wa maũndũ ma ũthingu marĩa twekĩte, no nĩ ũndũ wa tha ciake. Agĩtũhonokia na ũndũ wa gũtũtheria, agĩtũciara rĩngĩ na agĩtwerũhia na ũndũ wa Roho Mũtheru.” Kwoguo mũkristiano nĩ mũndũ ũrĩa mũciare rĩngĩ nĩ Ngai (Johana 3:3; 3:7; Petero wa mbere 1:23) na agetĩkia na kwĩhoka Jesũ Kristo. Aefeso 2:8 ĩratwĩra atĩ, “…nĩ wega wa Ngai watũmire mũhonokio nĩ ũndũ wa gwĩtĩkia, naguo ũndũ ũcio nduoimanire na inyuĩ ene, no nĩ kĩheo kĩa Ngai.”
Mũkristiano wama nĩ mũndũ wĩtĩkĩtie na akehoka Jesũ Kristo, agetĩkia atĩ gĩkuo kĩa Jesũ mũtharabainĩ kĩarĩ gĩa kũrĩha thiirĩ wa mehia make, na ningĩ agetĩkia atĩ Jesũ nĩariũkire mũthenya wa gatatũ. Johana 1:12 ĩtwĩraga atĩ, “No andũ arĩa othe maamwĩtĩkĩrire, o acio metĩkirie rĩĩtwa rĩake, nĩamahotithirie gũtuĩka ciana cia Ngai.” Rũũri rwa mũkristiano wa ma nĩ wendo wake kũrĩ andũ arĩa angĩ na gwathĩkĩra kiugo kĩa Ngai (Johana wa mbere 2:4, 19). Mũkristiano wa ma nĩ mwana wa Ngai, ũmwe wa arĩa marĩ a nyũmba ya ma ya Ngai, na ũrĩa ũhetwo ũtũũro mwerũ thĩiniĩ wa Jesũ Kristo.
Nĩwatua itua rĩa kũrũmĩrĩra Kristo nĩ tondũ wa ũhoro ũrĩa wathoma haha? Angĩkorwo nĩweka ũguo, no ũhihinye haha kĩanda harĩa handĩkĩĩtwo “nĩndetĩkĩra Kristo ũmũthĩ.”
English
Mũkristiano nũ?